১১ অক্টোবৰ, ২০২৬ তাৰিখে জাগীৰোড বিধানসভা সমষ্টিৰ জাগীৰোড পৰিদৰ্শন বঙলাত ‘সেৱা সংকল্প অভিযান’ৰ অধীনত আশা কৰ্মী আৰু আশা চুপাৰভাইজাৰসকলৰ মাজত এককালীন প্ৰণোদনা ৰাশিৰ চেক আৰু প্ৰশংসাপত্ৰ বিতৰণ কাৰ্যসূচী সফলতাৰে অনুষ্ঠিত হয়।
এই কাৰ্যসূচীত কৃষি, জলসিঞ্চন আৰু সংসদীয় পৰিক্ৰমা বিভাগৰ মাননীয় মন্ত্ৰী তথা জাগীৰোডৰ মাননীয় বিধায়কৰ প্ৰতিনিধিৰ লগতে যুটীয়া স্বাস্থ্য সেৱা সঞ্চালক,DPM,DFPC আৰু ব্লক পৰ্যায়ৰ বিষয়াসকল উপস্থিত থাকে।
জনসাধাৰণৰ মাজত স্বাস্থ্যসেৱা প্ৰদানৰ ক্ষেত্ৰত আশা কৰ্মী আৰু আশা চুপাৰভাইজাৰসকলে আগবঢ়াই অহা নিষ্ঠা, দায়বদ্ধতা আৰু নিৰলস সেৱাৰ স্বীকৃতি প্ৰদান কৰাই এই পদক্ষেপৰ মূল উদ্দেশ্য। তৃণমূল পৰ্যায়ত স্বাস্থ্যসেৱা ব্যৱস্থাক অধিক শক্তিশালী কৰি তোলাৰ ক্ষেত্ৰত তেওঁলোকৰ অৱদান অতুলনীয়।
তেওঁলোকৰ নিষ্ঠাৰ স্বীকৃতি, সেৱাৰ প্ৰতি সন্মান আৰু জনস্বাস্থ্য ব্যৱস্থা শক্তিশালী কৰাৰ এক প্ৰয়াস।
