અમદાવાદમાં 32મા માળે યુવકે જીવન ટૂંકાવ્યું: સવાર સુધી લટકતો રહ્યો મૃતદેહ, ક્રેનથી નીચે ઉતારાયો અમદાવાદના એસજી હાઇવે પર નિરમા યુનિવર્સિટીની સામે નિર્માણાધીન ટ્રેમોન્ટ એડલીપ બિલ્ડિંગમાં 32મા માળે ક્રેનમાં લટકીને યુવકે ફાંસો ખાધો છે. મોડી રાતથી સવાર સુધી મૃતદેહ લટકેલી હાલતમાં હતો. આસપાસના લોકોએ જણાવ્યું કે અમે સવારે આઠ વાગ્યે અહીં પહોંચ્યા ત્યારે પણ આ યુવક લટકેલો જોવા મળ્યો હતો. હાલમાં મૃતદેહને ઉતારી લેવાયો છે. મૃતકનું નામ પ્રીતમસિંહ છે જેની ઉંમર 22 વર્ષ છે અને તે મૂળ ઝારખંડનો છે. યુવક છેલ્લા કેટલાય સમયથી સાઇટ પર ક્રેન ચલાવવાનું કામ કરતો હતો. સોલા પોલીસ સ્ટેશનના પીઆઇ કે.એન ભૂકણે જણાવ્યું કે એક વ્યક્તિની બોડી લટકતી હોવાનો મેસેજ મળતા ટીમ પહોંચી હતી. યુવકે શા માટે આત્મહત્યા કરી તેની તપાસ કરવામાં આવશે. #ahemdabad #nirmauniversity #crime