আজি মৰিগাঁও অসামৰিক চিকিৎসালয়ত Pediatric Intensive Care Unit (PICU)-ৰ শুভ উদ্বোধন মাননীয় মৰিগাঁও সমষ্টিৰ বিধায়ক মহোদয়, মৰিগাঁও জিলাৰ মাননীয়া উপায়ুক্ত, অতিৰিক্ত উপায়ুক্ত (স্বাস্থ্য), যুটীয়া স্বাস্থ্য সঞ্চালক মহোদয় আৰু স্বাস্থ্য বিভাগৰ অন্যান্য জ্যেষ্ঠ বিষয়াসকলৰ গৌৰৱময় উপস্থিতিত সম্পন্ন হয়। PICU-ৰ শুভাৰম্ভে মৰিগাঁও জিলাৰ লগতে ওচৰ-পাজৰৰ অঞ্চলৰ গুৰুতৰ অসুস্থ শিশুসকলৰ বাবে উন্নতমানৰ চিকিৎসা সেৱা নিশ্চিত কৰাৰ ক্ষেত্ৰত এক নতুন অধ্যায়ৰ সূচনা কৰিলে। এই সুবিধাই জৰুৰী চিকিৎসা অধিক সুলভ কৰাৰ লগতে শিশুমৃত্যুৰ হাৰ হ্ৰাস কৰাত উল্লেখযোগ্য ভূমিকা পালন কৰিব বুলি আশা কৰা হৈছে।
Laharighat, Morigaon | Jun 30, 2026
MORE NEWS
লাহৰীঘাটৰ জেংপৰিত গৰু চুৰি কাৰ্যত ব্যৱহৃত AS01AP 4743 নম্বৰৰ এখন বিলাসী বাহন উদ্ধাৰ।ভূৰাগাঁও থানাৰ অন্তৰ্গত আমবাগান গাঁৱত শেষনিশা চুৰি হোৱা এহাল গৰুৰ খোঁজৰ চিনেৰে আগুৱাই গৈ ৰাইজে জেংপৰি গাঁৱত এই গাড়ীখনৰ লগতে উদ্ধাৰ কৰিছে চুৰি গৰু হাল । ৰাইজৰ উপস্থিতিৰ বাবে চোৰে গাড়ীখন এৰি পলায়ন কৰিছে। গাড়ীখনৰ ভিতৰত কাপোৰ আৰু গৰু বন্ধা ৰচী প্ৰত্যক্ষ কৰিছে স্থানীয় ৰাইজে।
Laharighat, Morigaon | Jul 12, 2026
*মৰিগাঁও জিলা চক্ৰ কাৰ্যালয় পৰিদৰ্শন কৰি কাৰ্যকলাপৰ পৰ্যালোচনা জিলা আয়ুক্তৰ* মৰিগাঁও, ৮ জুলাই: মৰিগাঁও জিলাৰ জিলা আয়ুক্ত শ্ৰীমতী অনামিকা তেৱাৰী, ACS আৰু জাগীৰোড সহ-জিলা আয়ুক্ত শ্ৰী হৃদয় কুমাৰ দাস, ACS-এ আজি মৰিগাঁও জিলা চক্ৰ কাৰ্যালয় পৰিদৰ্শন কৰি কাৰ্যালয়খনৰ সামগ্ৰিক কাৰ্যকলাপৰ পৰ্যালোচনা কৰে। তেওঁলোকে ৰাজহ আৰু ভূমি প্ৰশাসনৰ বিভিন্ন বিষয় পৰ্যালোচনা কৰাৰ লগতে জনসাধাৰণলৈ দ্ৰুত, স্বচ্ছ আৰু ফলপ্ৰসূ সেৱা আগবঢ়োৱাৰ ওপৰত গুৰুত্ব আৰোপ কৰে। লগতে অমীমাংসিত বিষয়সমূহ সময়মতে নিষ্পত্তি কৰাৰ বাবে সংশ্লিষ্ট বিষয়াসকলক নিৰ্দেশনা প্ৰদান কৰে।
Laharighat, Morigaon | Jul 8, 2026
ভূৰাগাঁৱত গ্ৰেপ্তাৰ কূখ্যাত চাইবাৰ অপৰাধী।যোৱা নিশা ভূৰাগাঁও আৰক্ষী থানাৰ ভাৰপ্ৰাপ্ত বিষয়া বিশাল বনিকৰ নেতৃত্বত চলা অভিযানত ফলিহামাৰী গাঁৱৰ পৰা গ্ৰেপ্তাৰ কুখ্যাত চাইবাৰ অপৰাধী ।ধৃত চাইবাৰ অপৰাধীটোৰ নাম চামিম আহমেদ। আজি ধৃত চাইবাৰ অপৰাধীটোক মায়ং থানাত লৈ যায়। দীৰ্ঘদিন ধৰি ধৃত চাইবাৰ অপৰাধীটোৱে অসাধু উপায়ে কোটি কোটি টকা লুণ্ঠন কৰি আহিছে। উল্লেখ্য যে ধৃত ছাইবাৰ অপৰাধীটো পূৰ্বেও চাইবাৰৰ গোচৰত জেল হাজোতলৈ গৈছিল ।
Laharighat, Morigaon | Jul 8, 2026
মৰিগাঁও জিলা আয়ুক্ত কাৰ্যালয়ৰ সন্মিলন কক্ষত জিলা আয়ুক্ত শ্ৰীমতী অনামিকা তেৱাৰী, ACS-ৰ সভাপতিত্বত এক পৰ্যালোচনা সভা অনুষ্ঠিত হয়। সভাত জনস্বাস্থ্য কাৰিকৰী (PHE) বিভাগৰ কাৰ্যবাহী অভিযন্তা বাবুল বড়ো আৰু কনিষ্ঠ অভিযন্তা পাৰ্থ জ্যোতি নাথ উপস্থিত থাকে। সভাত অৱগত কৰা হয় যে জল জীৱন মিছন (JJM) আঁচনিৰ অধীনত জিলাখনৰ ১,২০০ৰো অধিক অংগনৱাড়ী কেন্দ্ৰলৈ বিশুদ্ধ খোৱা পানীৰ সুবিধা প্ৰদান কৰা হৈছে। কিন্তু বৰ্তমান সময়ত এই আঁচনিসমূহৰ এক বৃহৎ অংশ বিকল হৈ থকাটো পৰিলক্ষিত হৈছে। এই বিষয়ত গুৰুত্ব আৰোপ কৰি জিলা আয়ুক্তগৰাকীয়ে ১৫ সংখ্যক বিত্ত আয়োগৰ পুঁজিৰে বিকল হৈ থকা পানী যোগান আঁচনিসমূহ অতি শীঘ্ৰে মেৰামতি আৰু পুনৰ কাৰ্যক্ষম কৰি তুলিবলৈ বিভাগীয় কৰ্তৃপক্ষক নিৰ্দেশ দিয়ে।
Laharighat, Morigaon | Jul 7, 2026
লাহৰিঘাট বজাৰৰ দক্ষিণে লালি নৈৰ পকী দলঙৰ পাৰত আজি মৰিগাঁও বিশেষ আৰক্ষীৰ অভিযানত এক ড্ৰাগছ সৰবৰাহ কাৰী আটক হয়। ধৃত ড্ৰাগছ সৰবৰাহ কাৰী জনৰ নাম আনছাৰুল চৌধুৰী। মৰিগাঁও বিশেষ আৰক্ষী আৰু লাহৰিঘাট আৰক্ষীৰ অভিযান কালত ধৃত ড্ৰাগছ সৰবৰাহ কাৰী জনৰ পৰা সন্দেহ যুক্ত ড্ৰাগছ ভৰ্তি ১ টা চাবোনৰ বাকচ উদ্ধাৰ কৰে। আৰক্ষীয়ে উদ্ধাৰ কৰা ড্ৰাগছ খিনিৰ ওজন ৯.৭০ গ্ৰাম।
Laharighat, Morigaon | Jul 6, 2026