बंगल्यामधील लिफ्टचे काम ठरलेल्या वेळेत पूर्ण न करता सेवानिवृत्त वृद्धाची सुमारे साडेपाच लाख रुपयांची फसवणूक करणाऱ्या दोघा जणांविरुद्ध गंगापूर पोलीस ठाण्यात गुन्हा दाखल करण्यात आला आहे.फिर्यादी राजू रमेश कर्णिक यांच्या बंगल्यामधील लिफ्टचे काम द्वारका येथील निवृत्ती कॉम्प्लेक्समध्ये असलेल्या मे. ब्रोबेल इलेव्हेटर्स अॅण्ड एक्स्लेटर्स इंडियाचे संचालक दिगंबर दराड,नारायण दराडे यांना एक महिन्याच्या आत पूर्ण करण्यासाठी ९ लाख रुपयांचा व्यवहार ठरला होता.