କୋରାପୁଟ ଜିଲ୍ଲା ଜୟପୁର ରେ ଆଇଟି କ୍ଷେତ୍ରର ବିକାଶ ପାଇଁ ଆରମ୍ଭ ହୋଇଥିବା ପଦକ୍ଷେପ ଆଗାମୀ ଦିନରେ ଜିଲ୍ଲାର ଶିକ୍ଷିତ ଯୁବପିଢ଼ିଙ୍କ ପାଇଁ ନୂଆ ଆଶା ସୃଷ୍ଟି କରିବ। ଜୟପୁର ରେ ଥିବା ସଫ୍ଟୱେୟାର ଟେକ୍ନୋଲୋଜି ପାର୍କସ ଅଫ୍ ଇଣ୍ଡିଆ ମାଧ୍ୟମରେ ଆଇଟି ଓ ସୂଚନା ପ୍ରଯୁକ୍ତି କ୍ଷେତ୍ରକୁ ଆହୁରି ସୁଦୃଢ଼ କରିବାର ସୁଯୋଗ ରହିଛି। ଏହା ଫଳରେ କୋରାପୁଟର ଯୁବକ-ଯୁବତୀମାନଙ୍କୁ ନିଜ ଜିଲ୍ଲାରେ ରହି ଚାକିରି ଓ ନିଜସ୍ୱ ଉଦ୍ୟୋଗ ଗଢ଼ିବାର ସୁଯୋଗ ମିଳିପାରିବ। କୋରାପୁଟ ଭଳି ଏକ ଆଦିବାସୀ ଅଧ୍ୟୁଷିତ ଜିଲ୍ଲାରେ ଉଚ୍ଚଶିକ୍ଷିତ ଯୁବକ-ଯୁବତୀଙ୍କ ସଂଖ୍ୟା ବଢ଼ୁଥିଲେ ମଧ୍ୟ ନିଜ ଅଞ୍ଚଳରେ ଉପଯୁକ୍ତ ଚାକିରି ସୁଯୋଗର ଅଭାବ ଏକ ବଡ଼ ସମସ୍ୟା ହୋଇ ରହିଛି। ଫଳରେ ଅନେକ ଯୁବକ-ଯୁବତୀଙ୍କୁ ରୋଜଗାର ପାଇଁ ଭୁବନେଶ୍ୱର,ବିଶାଖାପାଟଣା,ହାଇଦ୍ରାବାଦ,ବେଙ୍ଗାଲୁରୁ ଭଳି ସହରକୁ ଯିବାକୁ ପଡ଼ୁଛି