વલસાડમાં વધુ એક યુવાનનો વિવાદિત વિડિયો સોશિયલ મીડિયામાં થયો વાયરલ. મળતી માહિતી મુજબ વલસાડ તાલુકામાં બનાવેલ આ વીડિયોમાં એક યુવક પોતે પોલીસમાં લાગી ગયો હોય અને તેના મિત્રને બુટલેગર બનાવી દીધો હોય તથા અન્ય એક મિત્રને વકીલ બનાવી આવનારા દિવસોમાં બે ધડક દારૂનો ધંધો કરવામાં આવશે તેવી વાતો ખુલ્લેઆમ કરી રહ્યો છે જોકે એક જ વાહન ઉપર ત્રણ સવારી વાહન હંકારી વિવાદિત વિડીયો બનાવ્યો હતો અને જેમાં સ્પષ્ટપણે યુવક જણાવે છે કે વલસાડ જિલ્લામાં કોઈ પણ પોલીસ સ્ટેશનમાં તમને પકડે તો મારું નામ આપજો તમને તાત્કાલિક છોડી દેશે. આ યુવા પેઢીમાંથી પોલીસનો ખોફ જાણે નીકળી જ ગયો હોય અને ખુલ્લેઆમ પોલીસને ચેતવણી આપતા હોય તેવો વિડીયો જાહેરમાં બનાવી સોશિયલ મીડિયા ઉપર વાયરલ કરી રહ્યા છે.