आपत्ती व्यवस्थापन किट प्रशिक्षण संपन्न सातारा जिल्हा पूर प्रवण क्षेत्र असल्याने अतिवृष्टी, पुरपरिस्थिती, दरड कोसळणे, भुस्खलन, वादळी . वाऱ्यासह मोठ मोठी झाडे उन्मळून पडणे विजेच्या तारा तुटून शॉर्ट सर्किट होणे व धोकादायक इमारती कोसळणे, भुकंपाचे हदरे, होर्डिंग्ज कोसळणे किंवा इतर मोठया दुर्घटना किंवा अपघात होणे, वाहतुक बंद होणे अशा प्रकारच्या आपत्तीमुळे जिवित व वित्तहानी होवून या सारख्या आपत्तीला सामोरे जाण्यासाठी अथवा अपघात घडल्यानंतर शोध व बचावासाठी महाराष्ट्र शासन महसुल व वन विभाग, ( आपत्ती व्यवस्थापन, मदत व पुनर्वसन ) यांचे मार्फतीने पुरविण्यात आलेले आपत्ती किट व साहित्य कसे वापरावे / हाताळाणेबाबत दि. ०४/०६/२०२६ रोजी मल्टीपर्पज हॉल राधिका रोड सातारा या ठिकाणी प्रात्यक्षिक / प्रशिक्षणाचे आयोजन मा. श्री संतोष पाटील, जिल्हाधिकारी सातारा तथा आपत्ती व्यवस्थापन अध्यक्ष सातारा जिल्हा, मा. श्री निखील पिंगळे पोलीस अधीक्षक, सातारा आणि डॉ. वैशाली कडुकर, अपर पोलीस अधीक्षक सातारा, श्री अरुण देवकर प्रभारी पोलीस उपअधीक्षक (गृह) सातारा यांचे मार्गदर्शनाखाली तसेच श्री देविदास ताम्हाणे, जिल्हा आपत्ती व्यवस्थापन अधिकारी सातारा, श्रीमती सुवर्णा काटकर पोलीस उपनिरीक्षक, स.फौ. जयवंत भोकरे, पो. कॉ. चंद्रकांत जाधव, पो. कॉ. सागर खांडेकर जिल्हा विशेष शाखा सातारा यांनी प्रशिक्षणाचे आयोजन केले व कार्यक्रमाचे सुत्रसंचालन पोहवा अमोल गोसावी उपविभागीय पोलीस कार्यालय सातारा विभाग यांनी केले. सदरचे प्रशिक्षक श्री विवेक नायडू ( मुख्यप्रशिक्षक), श्री अब्दुलकादर महाजन (मास्टर ट्रेनर) आपत्ती व्यवस्थापन केंद्र यशदा पुणे यांनी सातारा जिल्हयातील प्रत्येक पोलीस ठाणे कडील पोलीस अधिकारी व अंमलदार आणि गृहरक्षक यांना आपत्ती व्यवस्थापन किट साहित्य कशा प्रकारे हाताळावे तसेच मदत व बचाव कार्य करण्याबाबतंचे प्रशिक्षण देवून प्रात्याक्षिक दाखविण्यात आले.