હાલોલ: હાલોલ તાલુકાના સાથરોટા ગામે જિલ્લા કલેક્ટરની ઉપસ્થિતિમાં જનકલ્યાણ સેવાસેતુ શિબિર યોજાઈ
ગુજરાત સરકાર દ્વારા રાજ્યની પ્રજા સુધી સરકારની જનકલ્યાણકારી યોજનાઓની માહિતી વ્યાપક પ્રમાણમાં પહોંચે, નાગરિકો તેનો મહત્તમ લાભ મેળવી પોતાના જીવનસ્તરને ઊંચું લાવી શકે તેવા ઉમદા હેતુથી એક વિશેષ અભિયાન હાથ ધરવામાં આવ્યું છે. જેના ભાગરૂપે આજે હાલોલ તાલુકાની કણજરી જિલ્લા પંચાયત સીટના સાથરોટા પ્રાથમિક શાળા ખાતે એક ભવ્ય સેવાસેતુ કાર્યક્રમ યોજાયો હતો.આ કાર્યક્રમ પંચમહાલ જિલ્લા કલેક્ટર અજય દહિયાની અધ્યક્ષતામાં યોજાયો હતો.