ରାଉରକେଲାରେ ନିର୍ମିତ ହେବାକୁ ଥିବା ସେଣ୍ଟ୍ରାଲ ଟୁଲ୍ ରୁମ୍ ପାଇଁ ଆବଶ୍ୟକ ୧୨ ଏକର ଜମି ଉପଲବ୍ଧ କରାଇବା ଦିଗରେ ମାନ୍ୟବର ମୁଖ୍ୟମନ୍ତ୍ରୀ ଶ୍ରୀ ମୋହନ ଚରଣ ମାଝୀ ଜୀ ଏବଂ ସୁନ୍ଦରଗଡ଼ ଜିଲ୍ଲାପାଳ ମହୋଦୟ MSMEର ନିର୍ଦ୍ଦେଶକଙ୍କୁ ପତ୍ର ଲେଖି ସୂଚିତ କରିଥିବାରୁ ମୋର ଆନ୍ତରିକ ଧନ୍ୟବାଦ ଓ କୃତଜ୍ଞତା ଜଣାଉଛି। ଏହି ପଦକ୍ଷେପ ରାଉରକେଲା ତଥା ସୁନ୍ଦରଗଡ଼ ଜିଲ୍ଲାରେ ଶିଳ୍ପ ଓ କୌଶଳ ବିକାଶ କ୍ଷେତ୍ରରେ ଏକ ନୂତନ ଦିଗନ୍ତ ଖୋଲିବ ବୋଲି ମୁଁ ବିଶ୍ୱାସ କରେ।
ସେଣ୍ଟ୍ରାଲ ଟୁଲ୍ ରୁମ୍ ପ୍ରତିଷ୍ଠା ହେଲେ ଅଞ୍ଚଳର ଛୋଟ ଓ ମଧ୍ୟମ ଶିଳ୍ପ (MSME) ପାଇଁ ଆବଶ୍ୟକ ଉଚ୍ଚମାନର ଟୁଲ୍ ପ୍ରସ୍ତୁତି ସହଜ ହେବା ସହିତ ସ୍ଥାନୀୟ ଯୁବକମାନଙ୍କ ପାଇଁ ପ୍ରଶିକ୍ଷଣ ଓ ନିଯୁକ୍ତିର ନୂଆ ସୁଯୋଗ ସୃଷ୍ଟି ହେବ। ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀ ଜୀଙ୍କ ନେତୃତ୍ୱରେ କେନ୍ଦ୍ର ସରକାର ଓଡ଼ିଶାର ଶିଳ୍ପାୟନକୁ ଆହୁରି ଗତିଶୀଳ କରିବା ଦିଗରେ ଅଙ୍ଗୀକାରବଦ୍ଧ, ଏବଂ ମୁଁ ଏହି ପ୍ରକଳ୍ପର ଶୀଘ୍ର କାର୍ଯ୍ୟାନ୍ୱୟନ ପାଇଁ ମୋର ପ୍ରୟାସ ଜାରି ରଖିବି।
#mpsundargarh #jualoram #MSME #trivia #cmodisha #MohanMajhi #Odisha #rourkela #PMModiji
