📍सार्वजनिक ठिकाणी धारदार कत्ती बाळगणाऱ्या तरुणावर कारवाई

विवेकानंद चौक पोलिसांची कारवाई; शस्त्र अधिनियमांतर्गत गुन्हा दाखल, कत्ती जप्त

लातूर : शहरातील कायदा व सुव्यवस्था अबाधित ठेवण्यासाठी अवैध शस्त्रे बाळगणाऱ्यांविरुद्ध लातूर पोलिसांकडून कारवाईची मोहीम सुरू आहे. याच अनुषंगाने विवेकानंद चौक पोलिसांनी सार्वजनिक ठिकाणी विनापरवाना धारदार कत्ती बाळगणाऱ्या २० वर्षीय तरुणावर कारवाई करून त्याच्याकडून लोखंडी कत्ती जप्त केली.

दि. २३ ऑगस्ट रोजी सायंकाळी साडेचारच्या सुमारास कृपा सदन रोड, हरिभाऊ नगर परिसरात एक तरुण संशयास्पदरीत्या फिरताना पोलिसांच्या निदर्शनास आला. पोलिसांनी त्याची झडती घेतली असता जुन्या वापरत्या लाकडी मुठीसह लोखंडी धारदार कत्ती आढळून आली.

चौकशीदरम्यान संबंधित तरुणाकडे सदर शस्त्र बाळगण्यासाठी कोणताही वैध परवाना नसल्याचे निष्पन्न झाले. याप्रकरणी ऋषीकेश भगवान सातपुते (वय २०, रा. पिंटू हॉटेल, लातूर) याच्याविरुद्ध विवेकानंद चौक पोलीस ठाण्यात गु.र.नं. ६०१/२०२६ अन्वये कलम ४ व २५ शस्त्र अधिनियमांतर्गत गुन्हा दाखल करण्यात आला आहे.

ही कारवाई पोलीस निरीक्षक अरविंद संभाजी पवार यांच्या मार्गदर्शनाखाली करण्यात आली. गुन्हा दाखल करण्याची कार्यवाही पोहेकॉ व्ही. डी. सूर्यवंशी यांनी केली असून, पुढील तपास पोहेकॉ डी. यू. हावा करीत आहेत.

शहरातील शांतता व कायदा-सुव्यवस्था कायम राखण्यासाठी सार्वजनिक ठिकाणी बेकायदेशीररीत्या शस्त्रे बाळगणाऱ्यांविरुद्ध कठोर कारवाई सुरू राहणार असल्याचे पोलिसांनी स्पष्ट केले आहे. तसेच नागरिकांनी संशयास्पद व्यक्ती किंवा अवैध शस्त्रांबाबत माहिती असल्यास ती तात्काळ पोलिसांना द्यावी, असे आवाहन लातूर पोलिसांकडून करण्यात आले आहे.

📍सार्वजनिक ठिकाणी धारदार कत्ती बाळगणाऱ्या तरुणावर कारवाई विवेकानंद चौक पोलिसांची कारवाई; शस्त्र अधिनियमांतर्गत गुन्हा दाखल, कत्ती जप्त लातूर : शहरातील कायदा व सुव्यवस्था अबाधित ठेवण्यासाठी अवैध शस्त्रे बाळगणाऱ्यांविरुद्ध लातूर पोलिसांकडून कारवाईची मोहीम सुरू आहे. याच अनुषंगाने विवेकानंद चौक पोलिसांनी सार्वजनिक ठिकाणी विनापरवाना धारदार कत्ती बाळगणाऱ्या २० वर्षीय तरुणावर कारवाई करून त्याच्याकडून लोखंडी कत्ती जप्त केली. दि. २३ ऑगस्ट रोजी सायंकाळी साडेचारच्या सुमारास कृपा सदन रोड, हरिभाऊ नगर परिसरात एक तरुण संशयास्पदरीत्या फिरताना पोलिसांच्या निदर्शनास आला. पोलिसांनी त्याची झडती घेतली असता जुन्या वापरत्या लाकडी मुठीसह लोखंडी धारदार कत्ती आढळून आली. चौकशीदरम्यान संबंधित तरुणाकडे सदर शस्त्र बाळगण्यासाठी कोणताही वैध परवाना नसल्याचे निष्पन्न झाले. याप्रकरणी ऋषीकेश भगवान सातपुते (वय २०, रा. पिंटू हॉटेल, लातूर) याच्याविरुद्ध विवेकानंद चौक पोलीस ठाण्यात गु.र.नं. ६०१/२०२६ अन्वये कलम ४ व २५ शस्त्र अधिनियमांतर्गत गुन्हा दाखल करण्यात आला आहे. ही कारवाई पोलीस निरीक्षक अरविंद संभाजी पवार यांच्या मार्गदर्शनाखाली करण्यात आली. गुन्हा दाखल करण्याची कार्यवाही पोहेकॉ व्ही. डी. सूर्यवंशी यांनी केली असून, पुढील तपास पोहेकॉ डी. यू. हावा करीत आहेत. शहरातील शांतता व कायदा-सुव्यवस्था कायम राखण्यासाठी सार्वजनिक ठिकाणी बेकायदेशीररीत्या शस्त्रे बाळगणाऱ्यांविरुद्ध कठोर कारवाई सुरू राहणार असल्याचे पोलिसांनी स्पष्ट केले आहे. तसेच नागरिकांनी संशयास्पद व्यक्ती किंवा अवैध शस्त्रांबाबत माहिती असल्यास ती तात्काळ पोलिसांना द्यावी, असे आवाहन लातूर पोलिसांकडून करण्यात आले आहे.

Latur, Latur | Aug 25, 2026

MORE NEWS