Public App Logo
Login
Profile Picture

द महाराष्ट्र न्यूज

@dgiri8187
384Followers
0Following
📍अहमदपूरमध्ये शेतकरी आत्महत्येची चौथी घटना; कर्जाचा ताण आणि दुष्काळाने शेतकरी हतबल! लातूर जिल्ह्यातील अहमदपूर तालुक्यात शेतकरी आत्महत्येची चौथी घटना समोर आली आहे. शिंदगी बुद्रुक येथील अरविंद नागनाथ बंडे यांनी विष प्राशन करून आत्महत्या केल्याची माहिती समोर आली आहे. बँकांच्या कर्जवसुलीच्या तगाद्यामुळे त्यांनी हे टोकाचे पाऊल उचलल्याचा आरोप नातेवाईकांनी केला आहे. दुष्काळामुळे सोयाबीनचे नुकसान, पाण्याअभावी उसाचे संकट आणि डोक्यावर कर्जाचा बोजा, अशा परिस्थितीत शेतकरी हतबल झाला आहे. पाच हजार रुपयांची अग्रीम मदत पुरेशी नसल्याची भावना शेतकरी व्यक्त करत आहेत. एकीकडे शेतकऱ्यांना मदतीची आश्वासने, तर दुसरीकडे आत्महत्यांचे सत्र सुरूच! शेतकऱ्यांना ठोस मदत कधी मिळणार आणि कर्जवसुलीच्या तगाद्यापासून दिलासा कधी मिळणार? हा प्रश्न आता उपस्थित होत आहे. महाराष्ट्र न्यूज — शेतकऱ्यांच्या प्रश्नांना वाचा फोडणारा आवाज!
📍अहमदपूर तालुक्यात शेतकऱ्यांनी जीवन सपंवल्या ची चौथी घटना; कर्जाचा ताण, दुष्काळ आणि वसुलीच्या तगाद्याने शेतकरी हतबल! लातूर जिल्ह्यातील शेतकरी संकटांची मालिका थांबण्याचे नाव घेत नाहीये. अहमदपूर तालुक्यात शेतकरी आत्महत्येची चौथी घटना समोर आली असून, शिंदगी बुद्रुक येथील अरविंद नागनाथ बंडे यांनी विष प्राशन करून आपली जीवनयात्रा संपवल्याची माहिती समोर आली आहे. बँकांच्या कर्जाच्या हप्त्यांचा ताण सहन न झाल्याने त्यांनी हे टोकाचे पाऊल उचलल्याचा आरोप नातेवाईकांकडून करण्यात येत आहे. एकीकडे यंदाच्या दुष्काळामुळे सोयाबीनसह खरीप पिकांचे मोठे नुकसान झाले आहे, तर पाण्याअभावी ऊस उत्पादक शेतकरीही अडचणीत सापडले आहेत. हातात उत्पन्न नाही, डोक्यावर कर्जाचा डोंगर आणि दुसरीकडे बँकांच्या वसुलीचा तगादा... अशा दुहेरी संकटात शेतकरी भरडला जात असल्याचे चित्र अहमदपूर तालुक्यातून समोर येत आहे. चोलामंडलम होम फायनान्स, मायक्रोफायनान्स कंपन्या, जना बँक आणि इतर वित्तीय संस्थांकडून वसुलीसाठी तगादा लावला जात असल्याचा आरोप मृत शेतकऱ्यांच्या नातेवाईकांनी केला आहे. मुख्यमंत्र्यांच्या आदेशानंतरही वसुली सुरू असल्याचा त्यांचा दावा आहे. या आरोपांची अधिकृत पडताळणी होणे आवश्यक आहे. दरम्यान, राज्य सरकारकडून जाहीर करण्यात आलेल्या पाच हजार रुपयांच्या अग्रीम मदतीतून शेतकऱ्यांच्या संकटावर तोडगा निघणार नसल्याची भावना शेतकऱ्यांकडून व्यक्त केली जात आहे. एकीकडे सहकारमंत्री बाबासाहेब पाटील शेतकऱ्यांसाठी सरकारची तिजोरी खुली करण्याची भाषा करतात, तर दुसरीकडे शेतकरी मदतीच्या प्रतीक्षेत असल्याचे चित्र आहे. मग प्रश्न असा आहे की, शेतकऱ्यांना प्रत्यक्ष मदत कधी मिळणार? कर्जवसुलीच्या तगाद्यापासून दिलासा कधी मिळणार? आणि शेतकरी आत्महत्या रोखण्यासाठी सरकार ठोस पावले कधी उचलणार? शेतकऱ्यांच्या आत्महत्या थांबवण्यासाठी केवळ आश्वासने नव्हे, तर वेळेत आर्थिक मदत, कर्जवसुलीबाबत स्पष्ट दिलासा आणि प्रभावी उपाययोजनांची गरज आहे.
🚨BREAKING NEWS 🚨 📍 औसा : जुन्या बसस्थानकासमोर एकावर कोयत्याने वार! कोयत्याच्या थराराणे परिसरात खळबळ
अहमदपूर तालुक्यात चौथी शेतकऱ्याची आत्महत्या. सहकार मंत्र्यांच्या मतदार संघात चाललंय तरी काय..?
🌼 विजयादशमीच्या मनःपूर्वक शुभेच्छा! 🌼 सत्याचा असत्यावर आणि धर्माचा अधर्मावर मिळालेला विजय म्हणजे विजयादशमी अर्थात दसरा! हा दसऱ्याचा सण आपल्या जीवनात सुख, समृद्धी, आनंद आणि यश घेऊन येवो. प्रत्येकाच्या आयुष्यातील संकटांवर मात करून विजयाची नवी सुरुवात करण्याची प्रेरणा मिळो, हीच सदिच्छा! आपणास व आपल्या संपूर्ण परिवारास विजयादशमीच्या हार्दिक शुभेच्छा! 💐 शुभेच्छुक : अजित पाटील कव्हेकर भाजप शहर जिल्हाध्यक्ष, लातूर
📍नसे भय पराजयाचे, विजयाचे आम्हा वेड, लुटूनी सोने आनंदाचे, रोवितो प्रेमाची मुहूर्तमेढ ! सहकार मंत्री बाबासाहेब पाटील यांच्या वतीने संपूर्ण महाराष्ट्र वासियांना विजयादशमी आणि दसऱ्याच्या हार्दिक शुभेच्छा !
🌼 विजयादशमीच्या हार्दिक शुभेच्छा! 🌼 विजय मिळवूया अज्ञानावर ज्ञानाचा, दसरा उत्सव श्रीरामांच्या पराक्रमाचा! सत्याचा असत्यावर आणि चांगुलपणाचा वाईटावर विजय मिळवून देणारा विजयादशमीचा हा मंगलमय सण आपल्या जीवनात सुख, समृद्धी, उत्तम आरोग्य आणि यशाची नवी पहाट घेऊन येवो. आपल्या आयुष्यातील सर्व संकटांवर मात करून यशाची नवनवी शिखरे गाठण्याची प्रेरणा मिळो, हीच प्रभू श्रीरामांच्या चरणी प्रार्थना! आपणांस व आपल्या संपूर्ण परिवारास विजयादशमी तथा दसऱ्याच्या मनःपूर्वक शुभेच्छा! 💐 डॉ. शिवाजीराव काळगे खासदार, लातूर लोकसभा मतदारसंघ
Video 7
किर्ती गोल्ड विश्वासाची आणि शुद्धतेची परंपरा जपणाऱ्या कीर्ती गोल्ड परिवाराच्या वतीने संबंध लातूरकरांना दसऱ्याच्या हार्दिक शुभेच्छा
📍मांजरा धरणातून लातूर शहराला पाणी पुरवठा करणाऱ्या मुख्य जलवाहिनी वरील अवैध पाणी उपस्या वर लातूर मनपाची कार्यवाही
📍 संभाजी पाटील निलंगेकर यांची लातूर डीसीसी बँकेच्या निवडणूक संदर्भात महत्त्वाची पत्रकार परिषद लातूर येथे संपन्न.
📍अभिनेता टायगर श्रॉफ वर गोळीबार <nis:link nis:type=tag nis:id=tigershroff nis:value=tigershroff nis:enabled=true nis:link/> <nis:link nis:type=tag nis:id=vairalvideo nis:value=vairalvideo nis:enabled=true nis:link/> <nis:link nis:type=tag nis:id=viralreelsfacebook nis:value=viralreelsfacebook nis:enabled=true nis:link/>
📍लातूर ग्रामीणमध्ये बेकायदेशीर सुतळी बॉम्ब निर्मितीचा पर्दाफाश! लातूर ग्रामीणमधील ममदापूर येथे शेतातील पत्र्याच्या शेडमध्ये सुरू असलेल्या बेकायदेशीर सुतळी बॉम्ब निर्मितीवर पोलिसांनी छापा टाकला. सोमवारी दुपारी करण्यात आलेल्या या कारवाईत मोठ्या प्रमाणात तयार सुतळी बॉम्ब, प्रक्रियेत असलेले बॉम्ब आणि निर्मितीसाठी लागणारे साहित्य जप्त करण्यात आले. घटनास्थळी सहा महिला कामगार आणि एक मुकादम आढळून आला. प्राथमिक चौकशीत कारखान्याचा मालक म्हणून आसिफ रसूल शेख यांचे नाव समोर आले असून, आवश्यक परवाना नसल्याची माहिती मिळाली आहे. स्फोटक साहित्य हाताळताना सुरक्षेच्या उपाययोजनांचा अभावही निदर्शनास आला. या प्रकरणी पोलिसांकडून पुढील तपास आणि कायदेशीर कारवाई सुरू आहे.
25 वर्षात माझ्या घरच राशन -पेट्रोल कुठल्याही बँकेच्या किंवा कारखान्याच्या येत नाही.-संभाजी पाटील निलंगेकर.
आमदार संभाजी पाटील निलंगेकर यांची लातूर जिल्हा माध्यवर्ती बँकेच्या निवडणुकीच्या संदर्भात पत्रकार परिषद
📍लातूरमध्ये तरुणाला नग्न करून अमानुष मारहाण! लातूरमध्ये माणुसकीला काळीमा फासणारा धक्कादायक प्रकार समोर आला आहे. एका तरुणाला नग्न करून पट्ट्याने आणि लाथाबुक्क्यांनी बेदम मारहाण करण्यात आली. एवढंच नाही, तर त्याच्या पार्श्वभागात पेट्रोल टाकल्याचाही आरोप आहे. या घटनेचा व्हिडिओ सोशल मीडियावर व्हायरल झाल्यानंतर पोलिसांनी तपास सुरू केला आहे. या प्रकरणात एका संशयिताला ताब्यात घेण्यात आलं असून, अन्य तीन ते चार जण फरार आहेत. स्थानिक गुन्हे शाखा आणि एमआयडीसी पोलिसांची पथकं फरार आरोपींचा शोध घेत आहेत. प्राथमिक माहितीनुसार, ही घटना काही महिन्यांपूर्वीची असल्याचं समोर येत आहे. हा अमानुष प्रकार नेमका कशातून घडला? व्हिडिओ व्हायरल करण्यामागे काय उद्देश होता? याचा पुढील तपास पोलीस करत आहेत.
📍 अनाथांना मायेची ऊब देणारे ' माझं घर माणूस प्रतिष्ठान ' शिक्षणासोबत स्वावलंबी विद्यार्थी घडविण्याचा झरे दांपत्याचा प्रयत्न .... ७५ अनाथ मुला-मुलींचा केला जातोय सांभाळ विशेष वृत्त | महाराष्ट्र न्यूज समाजात अनेक जण स्वतःच्या कुटुंबापुरते जीवन जगतात; मात्र काही माणसे अशी असतात, जी दुसऱ्यांच्या आयुष्यात आनंद फुलविण्यासाठी आपले संपूर्ण आयुष्य समर्पित करतात. अनाथ मुला-मुलींना केवळ आधार देऊन थांबायचे नाही, तर त्यांना शिक्षणाच्या माध्यमातून सक्षम बनवायचे, त्यांच्या मनात आत्मविश्वास निर्माण करायचा आणि त्यांना स्वावलंबी माणूस म्हणून घडवायचे, हा ध्यास घेऊन शरद झरे दाम्पत्य सध्या अहोरात्र परिश्रम घेत आहे. तब्बल ७५ अनाथ मुला-मुलींचा सांभाळ करत त्यांना पोटच्या मुलांप्रमाणे प्रेम, माया आणि आपुलकी देणाऱ्या या झरे दाम्पत्याने आपल्या कार्यातून समाजासमोर एक आदर्श निर्माण केला आहे. ७५ मुला-मुलींसाठी मायेचे छत्र! अनाथ मुलांच्या आयुष्यात आई-वडिलांचे प्रेम, कुटुंबाचा आधार आणि सुरक्षित भविष्य यांची मोठी उणीव असते. मात्र, झरे दाम्पत्याने या मुलांच्या आयुष्यात प्रेमाचा ओलावा निर्माण करण्याचा प्रयत्न केला आहे. ७५ मुला-मुलींच्या संगोपनाची जबाबदारी स्वीकारत त्यांच्या शिक्षणाची, दैनंदिन गरजांची आणि सर्वांगीण विकासाची काळजी घेण्याचे महत्त्वपूर्ण कार्य हे दाम्पत्य करत आहे. या मुलांना केवळ अन्न, वस्त्र आणि निवारा देणे एवढाच मर्यादित उद्देश न ठेवता, त्यांच्या पायावर ते स्वतः उभे राहावेत, स्वतःच्या कर्तृत्वावर आयुष्य घडवावे आणि समाजात सन्मानाने जगावे, यासाठी त्यांचे प्रयत्न सुरू आहेत. प्रत्येक मुलामध्ये दडलेली क्षमता ओळखून त्याला पुढे जाण्याची संधी मिळावी, हीच त्यांच्या कार्यामागील प्रेरणा आहे. १५ एकर शेतीतून स्वावलंबनाचा नवा मार्ग! झरे दाम्पत्याच्या या कार्याचे आणखी एक वैशिष्ट्य म्हणजे शिक्षणासोबत श्रमप्रतिष्ठा आणि स्वावलंबनाची शिकवण देण्यावर दिला जाणारा भर. दाम्पत्यासोबतच त्यांच्या मार्गदर्शनाखालील ७५ मुला-मुलींनी मिळून तब्बल १५ एकर शेतीमध्ये विविध पिकांची लागवड केली आहे. शेतीमध्ये उपलब्ध पाण्याचे सुनियोजन करत वांगी, गवारी, कारले, झेंडू, इंद्रायणी साळ यांसह विविध पिकांचे उत्पादन घेण्याचा प्रयत्न केला जात आहे. पाण्याचा योग्य वापर, पिकांचे नियोजन आणि शेतीतील मेहनत यांची सांगड घालत या शेतीतून स्वावलंबनाचा संदेश दिला जात आहे. शेती ही केवळ उदरनिर्वाहाचे साधन नसून ती नियोजन, कष्ट, संयम आणि जबाबदारीची शिकवण देणारी जीवनशाळा आहे. या विचारातून मुलांना शेतीच्या कामाची ओळख होत असून, श्रमाचे महत्त्व समजण्यास मदत होत आहे. स्वतःच्या हातांनी कष्ट करण्याची तयारी, कामाविषयीची निष्ठा आणि मिळून-मिसळून काम करण्याची वृत्ती या गुणांची जोपासना करण्याचा हा एक स्तुत्य प्रयत्न आहे. शिक्षणासोबत संस्कार अन् कष्टांची शिदोरी! आजच्या काळात मुलांना केवळ शैक्षणिक ज्ञान देणे पुरेसे नाही, तर त्यांच्यामध्ये आत्मविश्वास, स्वाभिमान, सामाजिक जाणीव आणि परिस्थितीशी दोन हात करण्याची क्षमता निर्माण होणेही तितकेच महत्त्वाचे आहे. याच जाणिवेतून झरे दाम्पत्य ७५ मुला-मुलींच्या भविष्याला आकार देण्यासाठी प्रयत्नशील आहे. प्रतिकूल परिस्थितीमुळे कोणत्याही मुलाचे भविष्य अंधकारमय होऊ नये, त्याला स्वतःची ओळख निर्माण करण्याची संधी मिळावी आणि उद्या त्याने दुसऱ्यावर अवलंबून न राहता स्वकर्तृत्वावर आयुष्य जगावे, हा या कार्याचा गाभा आहे. १५ एकर शेतीतील विविध पिके, पाण्याचे सुनियोजन आणि एकत्रित श्रम यातून मुलांना प्रत्यक्ष अनुभवातून शिकण्याची संधी मिळत आहे. शिक्षणातून ज्ञान, संस्कारातून माणुसकी आणि कष्टातून स्वावलंबन असे त्रिसूत्रीचे महत्त्व या उपक्रमातून अधोरेखित होत आहे. समाजासाठी प्रेरणादायी कार्य! अनाथ मुला-मुलींच्या संगोपनाची जबाबदारी स्वीकारणे, त्यांना शिक्षण देणे आणि त्यांच्यासाठी स्वावलंबी भविष्य घडविण्याचा प्रयत्न करणे, हे निश्चितच मोठे आव्हान आहे. मात्र, हे आव्हान स्वीकारून झरे दाम्पत्य आपल्या परीने समाजापुढे सेवाभावाचा आदर्श ठेवत आहे. या कार्याकडे केवळ ७५ मुलांच्या संगोपनाच्या दृष्टिकोनातून न पाहता, भविष्यात सक्षम, कर्तृत्ववान आणि आत्मविश्वासपूर्ण नागरिक घडविण्याच्या प्रयत्नातून पाहण्याची गरज आहे. कारण एखाद्या मुलाला मदतीचा हात देणे म्हणजे केवळ त्याची आजची गरज भागविणे नव्हे, तर त्याला उद्याचे आयुष्य स्वतःच्या बळावर जगण्यासाठी सक्षम करणे होय. स्वतःसाठी जगताना आपल्या कुटुंबाचा विचार प्रत्येक जण करतो; मात्र ७५ मुलांच्या भविष्याची जबाबदारी स्वीकारून त्यांच्या आयुष्यात आशेचा नवा प्रकाश निर्माण करण्याचा प्रयत्न करणारे झरे दाम्पत्य खऱ्या अर्थाने समाजासाठी प्रेरणादायी ठरत आहे. 📍अनाथ मुलांच्या डोळ्यांतील स्वप्नांना बळ देत, शिक्षणाची वाट दाखवत आणि शेतीतील कष्टांतून स्वावलंबनाची बीजे रुजवत झरे दाम्पत्याने उभा केलेला हा सेवाभावाचा प्रवास समाजातील प्रत्येकासाठी प्रेरणा देणारा आहे. सामाजिक कार्य मोठे; मात्र सरकारी मदतीचा हात कुठे? ७५ अनाथ मुलांचा सांभाळ, त्यांचे शिक्षण, दैनंदिन गरजांची पूर्तता आणि त्यांना स्वावलंबी बनविण्यासाठी सुरू असलेली धडपड, या सर्व गोष्टींसाठी मोठ्या प्रमाणात आर्थिक साधनसंपत्ती आणि मनुष्यबळाची आवश्यकता असते. अशा परिस्थितीत सामाजिक संस्थांना शासनाकडून मिळणारे सहकार्य महत्त्वाचे ठरते. मात्र, एवढे मोठे सामाजिक कार्य पुढे नेत असताना सरकारकडून अद्याप एक रुपयाचीही आर्थिक मदत मिळालेली नाही, अशी खंत झरे दाम्पत्याने व्यक्त केली आहे. मुलांच्या भविष्याची जबाबदारी स्वीकारून त्यांना सक्षम बनविण्यासाठी प्रयत्न करणाऱ्या या दाम्पत्याला सरकारी मदतीची अपेक्षा आहे.
📍डफी चित्रपटाचे पोस्टर लॉंचिंग लातुरात धूम धडाक्यात संपन्न. 📍डफी चित्रपट स्त्री संघर्षा ची कहानी संपूर्ण कुटुंबाने पाहण्या सारखा.-अभिनेत्री वैशाली चव्हाण.
📍डफी चित्रपटाचे पोस्टर लॉंचिंग लातुरात धूमधडक्यात संपन्न 📍लातूर करांनो विशाल गिरी निर्मित आणि दिगदर्शित डफी एक कौटुंबिक चित्रपट लवकरच आपल्या भेटीला.
📍 विशाल गिरी निर्मित स्त्रीचा संघर्ष दाखविणारा डफी;चित्रपट लवकरच प्रेक्षकांच्या भेटीला
📍लातूर जिल्हा मध्यवर्ती बँकेने कधी एकही रुपयाची मदत सरकार कडे मागितली नाही- सरकारला आपत्ती च्या काळात मदत केली.
📍लातूर करांनो एन दुष्काळात लातूर मनपाला कर वसूलीचा जोमात , मालमत्ता कर थकविनाऱ्यावर करणार धडक कारवाई; मालमत्ता जप्त करणार आणि मालमत्तांचा लिलाव देखील होणार !
🔴 मोठी बातमी | निलंगा चाकू चा थरार ! अनैतिक संबंधाच्या संशयातून सोहेलची चाकू भोसकून हत्या; आरोपी मेहबूब शेख पोलिसांच्या ताब्यात!
II महत्वपूर्ण पत्रकार परिषद I I लातूरचे भूमिपुत्र, चित्रपट निर्माता - दिग्दर्शक विशाल गिरी यांच्या " डफी " या मराठी चित्रपटाच्या पोष्टरचे लॉंचिंग आज, शनिवार दिनांक 17 ऑक्टोबर रोजी लातूर शहरातील अनुसया मंगल कार्यालय, जुना एमआयडीसी रोड, स्वामी समर्थ मंदिर जवळ, लातूर येथे होणार आहे. त्या अनुषंगाने चित्रपट अभिनेते तानाजी गलगुंड, भूषण मंजुळे, अभिनेत्री वैशाली चव्हाण, अर्चना सूर्यवंशी, अर्चना मालू आदी कलाकार उपस्थित.
📍बाबासाहेब पाटलांना मंत्री पदावर राहण्याचा अधिकार नाही -आ संभाजी पाटील निलंगेकर