📍कायद्याचे पालन करून चांगला माणूस बना : समीरसिंह साळवे (DYSP) लातूर

लातूर : “चांगला विद्यार्थी होण्याबरोबरच कायद्याचे पालन करून जबाबदार नागरिक आणि चांगला माणूस बना,” असे आवाहन लातूरचे उपविभागीय पोलीस अधिकारी समीरसिंह साळवे यांनी विद्यार्थ्यांना केले.

लातूर जिल्हा पोलीस दलातर्फे पोलीस अधीक्षक अमोल तांबे यांच्या संकल्पनेतून राबविण्यात येत असलेल्या ‘पोलीस–विद्यार्थी संवाद’ उपक्रमांतर्गत राजर्षी शाहू महाविद्यालयात विद्यार्थ्यांसाठी मार्गदर्शन कार्यक्रमाचे आयोजन करण्यात आले होते. यावेळी साळवे यांनी विद्यार्थ्यांशी संवाद साधला.

“कायदा हा केवळ दंड देण्यासाठी नसून समाजात शिस्त, सुरक्षितता आणि सुव्यवस्था निर्माण करण्यासाठी आहे. विद्यार्थ्यांनी चांगले शिक्षण घेण्यासोबतच कायद्याचे पालन करावे,” असे साळवे यांनी सांगितले.

यावेळी विद्यार्थ्यांना पोक्सो कायदा, बाल न्याय कायदा, वाहतूक नियम, तंबाखूजन्य पदार्थांचे सेवन, छेडछाड व विनयभंग, अल्पवयीन मुलांनी वाहन चालविणे, वाहन चालविताना मोबाईलचा वापर तसेच रस्त्यावर केक कापण्यासारख्या धोकादायक प्रकारांबाबत कायदेशीर तरतुदी व परिणामांची माहिती देण्यात आली.

कार्यक्रमाच्या अध्यक्षस्थानी महाविद्यालयाचे प्राचार्य डॉ. महादेव गव्हाणे होते. गांधी चौक पोलीस ठाण्याचे पोलीस निरीक्षक सुनील रेजितवाड, पर्यवेक्षक डॉ. सुधीर जाधव व प्रा. सुदर्शन पाटील यांची प्रमुख उपस्थिती होती.

महाविद्यालयात विद्यार्थ्यांच्या सुरक्षिततेसाठी हेल्मेट सक्ती करण्यात आली असून, विद्यार्थ्यांच्या समस्या व तक्रारी मांडण्यासाठी तक्रार पेटीची सुविधाही उपलब्ध करून देण्यात आली आहे. विद्यार्थ्यांनी पोलीस प्रशासनास सहकार्य करावे, असे आवाहन प्राचार्य डॉ. गव्हाणे यांनी केले.

कार्यक्रमास कला, वाणिज्य, विज्ञान व माहिती तंत्रज्ञान विभागातील विद्यार्थी मोठ्या संख्येने उपस्थित होते. सूत्रसंचालन प्रा. माधव शेलके यांनी केले, तर आभार डॉ. सुधीर जाधव यांनी मानले.

‘पोलीस–विद्यार्थी संवाद’ उपक्रमातून विद्यार्थ्यांमध्ये कायद्याविषयी जागृती, सुरक्षिततेची जाणीव आणि सामाजिक जबाबदारीची भावना निर्माण करण्याचा प्रयत्न लातूर पोलीस दलाकडून करण्यात येत आहे. जिल्ह्यातील विविध शाळा, महाविद्यालये व शैक्षणिक संस्थांमध्ये हा उपक्रम सातत्याने राबविण्यात येत आहे.

📍कायद्याचे पालन करून चांगला माणूस बना : समीरसिंह साळवे (DYSP) लातूर लातूर : “चांगला विद्यार्थी होण्याबरोबरच कायद्याचे पालन करून जबाबदार नागरिक आणि चांगला माणूस बना,” असे आवाहन लातूरचे उपविभागीय पोलीस अधिकारी समीरसिंह साळवे यांनी विद्यार्थ्यांना केले. लातूर जिल्हा पोलीस दलातर्फे पोलीस अधीक्षक अमोल तांबे यांच्या संकल्पनेतून राबविण्यात येत असलेल्या ‘पोलीस–विद्यार्थी संवाद’ उपक्रमांतर्गत राजर्षी शाहू महाविद्यालयात विद्यार्थ्यांसाठी मार्गदर्शन कार्यक्रमाचे आयोजन करण्यात आले होते. यावेळी साळवे यांनी विद्यार्थ्यांशी संवाद साधला. “कायदा हा केवळ दंड देण्यासाठी नसून समाजात शिस्त, सुरक्षितता आणि सुव्यवस्था निर्माण करण्यासाठी आहे. विद्यार्थ्यांनी चांगले शिक्षण घेण्यासोबतच कायद्याचे पालन करावे,” असे साळवे यांनी सांगितले. यावेळी विद्यार्थ्यांना पोक्सो कायदा, बाल न्याय कायदा, वाहतूक नियम, तंबाखूजन्य पदार्थांचे सेवन, छेडछाड व विनयभंग, अल्पवयीन मुलांनी वाहन चालविणे, वाहन चालविताना मोबाईलचा वापर तसेच रस्त्यावर केक कापण्यासारख्या धोकादायक प्रकारांबाबत कायदेशीर तरतुदी व परिणामांची माहिती देण्यात आली. कार्यक्रमाच्या अध्यक्षस्थानी महाविद्यालयाचे प्राचार्य डॉ. महादेव गव्हाणे होते. गांधी चौक पोलीस ठाण्याचे पोलीस निरीक्षक सुनील रेजितवाड, पर्यवेक्षक डॉ. सुधीर जाधव व प्रा. सुदर्शन पाटील यांची प्रमुख उपस्थिती होती. महाविद्यालयात विद्यार्थ्यांच्या सुरक्षिततेसाठी हेल्मेट सक्ती करण्यात आली असून, विद्यार्थ्यांच्या समस्या व तक्रारी मांडण्यासाठी तक्रार पेटीची सुविधाही उपलब्ध करून देण्यात आली आहे. विद्यार्थ्यांनी पोलीस प्रशासनास सहकार्य करावे, असे आवाहन प्राचार्य डॉ. गव्हाणे यांनी केले. कार्यक्रमास कला, वाणिज्य, विज्ञान व माहिती तंत्रज्ञान विभागातील विद्यार्थी मोठ्या संख्येने उपस्थित होते. सूत्रसंचालन प्रा. माधव शेलके यांनी केले, तर आभार डॉ. सुधीर जाधव यांनी मानले. ‘पोलीस–विद्यार्थी संवाद’ उपक्रमातून विद्यार्थ्यांमध्ये कायद्याविषयी जागृती, सुरक्षिततेची जाणीव आणि सामाजिक जबाबदारीची भावना निर्माण करण्याचा प्रयत्न लातूर पोलीस दलाकडून करण्यात येत आहे. जिल्ह्यातील विविध शाळा, महाविद्यालये व शैक्षणिक संस्थांमध्ये हा उपक्रम सातत्याने राबविण्यात येत आहे.

Latur, Latur | Aug 25, 2026

MORE NEWS