👉 #ଦୀପକ_ଦାଶଙ୍କ ଅକାଳ ବିୟୋଗ: ପଦ୍ମପୁର ମାଟି ହରାଇଲା ଜଣେ ଭଲ ମଣିଷ ଓ ପ୍ରତିଭାବାନ କଳାକାର ପଦ୍ମପୁର ବୋଡ଼ାସମ୍ବର ଅଞ୍ଚଳର ଜଣାଶୁଣା ଚେହେରା, ପଦ୍ମପୁର ନିବାସୀ ଦୀପକ ଦାଶ ଆଉ ଆମ ଗହଣରେ ନାହାନ୍ତି। ଏକ ମର୍ମନ୍ତୁଦ ସଡ଼କ ଦୁର୍ଘଟଣାରେ ତାଙ୍କର ଅକାଳ ବିୟୋଗ ହୋଇଥିବା ଖବର ପଦ୍ମପୁର ସମେତ ସାରା ଅଞ୍ଚଳରେ ଶୋକର ଛାୟା ଖେଳାଇ ଦେଇଛି। ସୂଚନା ଅନୁସାରେ, ପୁରୀରୁ ପଦ୍ମପୁର ଆସୁଥିବା ‘ଜୟ ଜଗନ୍ନାଥ’ ସରକାରୀ ବସ୍‌ରେ ଦୀପକ ଦାଶ ଭୁବନେଶ୍ୱରରୁ ପଦ୍ମପୁର ଯାତ୍ରା କରୁଥିଲେ। ଯୁଯୁମୁରା ନିକଟସ୍ଥ କଂସର ଛକରେ ବସ୍‌ଟି ଏକ ଟ୍ରକ୍‌ ସହ ଧକ୍କା ହେବା ପରେ ଦୁର୍ଘଟଣା ଘଟିଥିବା ସୂଚନା ମିଳିଛି। ଏହି ଦୁର୍ଘଟଣାରେ ଦୀପକ ଦାଶଙ୍କ ମୃତ୍ୟୁ ଘଟିଛି। ଦୀପକ ଦାଶ ପଦ୍ମପୁର ଷ୍ଟେଟ୍‌ ବ୍ୟାଙ୍କରେ କାର୍ଯ୍ୟରତ ଥିଲେ। ପେଶାରେ ସେ ଜଣେ ବ୍ୟାଙ୍କ କର୍ମଚାରୀ ହୋଇଥିଲେ ମଧ୍ୟ ଅଭିନୟ ଓ ମଞ୍ଚ ପରିଚାଳନା ଥିଲା ତାଙ୍କର ନିଶା। ନାଟକ, ସର୍ଟ ଫିଲ୍ମ ଓ ବିଭିନ୍ନ ସାଂସ୍କୃତିକ କାର୍ଯ୍ୟକ୍ରମ ସହ ସେ ଦୀର୍ଘଦିନ ଧରି ଜଡ଼ିତ ଥିଲେ। ନିଜର କଳା ପ୍ରତିଭା ଓ ସରଳ ବ୍ୟବହାର ପାଇଁ ସେ ସମସ୍ତଙ୍କ ମନରେ ଏକ ସ୍ୱତନ୍ତ୍ର ସ୍ଥାନ ସୃଷ୍ଟି କରିଥିଲେ। ସାନମାନଙ୍କୁ ସ୍ନେହ ଓ ବଡ଼ମାନଙ୍କୁ ସମ୍ମାନ ଦେବା ସହ ସମସ୍ତଙ୍କ ସହ ହସଖୁସିରେ ମିଶିବା ତାଙ୍କର ବ୍ୟକ୍ତିତ୍ୱର ବିଶେଷତ୍ୱ ଥିଲା। ତେଣୁ ତାଙ୍କର ଅକାଳ ବିୟୋଗରେ ପଦ୍ମପୁର ଅଞ୍ଚଳ ଜଣେ ଭଲ ମଣିଷ, ଜଣେ ଭଲ କଳାକାର ଓ ଜଣେ ଆପଣାର ମଣିଷକୁ ହରାଇଛି। ଦୀପକ ଦାଶଙ୍କ ସ୍ଥାନ ଆଉ କେହି ପୂରଣ କରିପାରିବେ ନାହିଁ। ତାଙ୍କର କଳା, ବ୍ୟକ୍ତିତ୍ୱ ଓ ସମସ୍ତଙ୍କ ପ୍ରତି ଥିବା ଭଲପାଇବା ସବୁବେଳେ ତାଙ୍କୁ ମନେ ପକାଇବ। ତାଙ୍କର ଦେହାନ୍ତରେ ପଦ୍ମପୁରର ବିଭିନ୍ନ ଅନୁଷ୍ଠାନ, କଳାକାର ସଂଘ, ବୁଦ୍ଧିଜୀବୀ ଓ ଅଞ୍ଚଳବାସୀ ଗଭୀର ଶୋକ ପ୍ରକାଶ କରିବା ସହ ଶ୍ରଦ୍ଧାଞ୍ଜଳି ଅର୍ପଣ କରିଛନ୍ତି। ପଦ୍ମପୁର ଟିଭି ପରିବାର ତରଫରୁ ସ୍ୱର୍ଗତ ଦୀପକ ଦାଶଙ୍କୁ ଅଶ୍ରୁଳ ଶ୍ରଦ୍ଧାଞ୍ଜଳି। ଭଗବାନ ତାଙ୍କର ଅମର ଆତ୍ମାକୁ ଶାନ୍ତି ପ୍ରଦାନ କରନ୍ତୁ।

👉 ସ୍ବାଧୀନତା ଦିବସ ଅବସରରେ ପଦ୍ମପୁର ଓକିଲ ସଂଘ ତରଫରୁ ରକ୍ତଦାନ୍ ଶିବିର ଅନୁଷ୍ଠିତ — ପଦ୍ମପୁର — ୮୦ ତମ ସ୍ୱାଧୀନତା ଦିବସ ଅବସର ରେ ପଦ୍ମପୁର ଓକିଲ ସଂଘ ତରଫରୁ ସ୍ବତନ୍ତ୍ର ପଦକ୍ଷେପ ରକ୍ତଦାନ ଶିବିର ସଂଘ କାର୍ଯ୍ୟାଳୟ ପରିସରରେ ଅନୁଷ୍ଠିତ ହୋଇଯାଇଛି | ପଦ୍ମପୁର ଓକିଲ ସଂଘ ର ସଭାପତି ଆନନ୍ଦ ପଣ୍ଡା, ବରିଷ୍ଠ ଆଇନଜୀବୀ ଗୌନ୍ତିଆ କୁମାର ସାହୁ, ରାଧାବଲ୍ଲଭ ପାଣିଗ୍ରାହୀ ପ୍ରମୁଖ ଙ୍କ ମାର୍ଗଦର୍ଶନ ରକ୍ତଦାନ କାର୍ଯ୍ୟକ୍ରମ ରେ ବରଗଡ଼ ସାଂସଦ ପ୍ରଦୀପ ପୁରୋହିତ ମୁଖ୍ୟଅତିଥି ଏବଂ ପଦ୍ମପୁର ମାନ୍ୟବର ଏ.ଡି.ଜେ ସୂର୍ଯ୍ୟ ନାରାୟଣ ଦ୍ବିବେଦି , ସବ.ଜଜ କୁମୁଦିନୀ ମୁଦୁଲି ମ୍ୟାଡ଼ମ ଓ ଏସ.ଡି.ଜେ.ଏମ ପତିତପାବନ ପଣ୍ଡା ବରିଷ୍ଠ ସମାଜସେବି ନିରୋଜ ଦୋରା , ବଣିକ ସଂଘ ସଭାପତି ପ୍ରତାପ ମିଶ୍ର ଙ୍କ ସମେତ ବିଭିନ୍ନ ଅନୁଷ୍ଠାନ ର ସଦସ୍ୟ କର୍ମକର୍ତ୍ତା ଉପସ୍ଥିତ ରହି ଉପସ୍ଥିତ ରକ୍ତଦାତା ମାନଙ୍କୁ ଉତ୍ସାହିତ କରିଥିଲେ | ଉକ୍ତ କାର୍ଯ୍ୟକ୍ରମ ରେ ବିଭିନ୍ନ ଅନୁଷ୍ଠାନ ସ୍ବେଚ୍ଛାସେବୀ ଜନସାଧାରଣ ତଥା ମହିଳା ମହାବିଦ୍ୟାଳୟ ର ରେଡକ୍ରସ , ସ୍କାଉଟ ଛାତ୍ରୀ ଉପସ୍ଥିତ ଥିଲେ | ସର୍ବମୋଟ ୪୧ ୟୁନିଟ ରକ୍ତ ସଂଗ୍ରହ କରାଯାଇଥିଲା | ସଂପୂର୍ଣ୍ଣ ସହଯୋଗ କରିଥିବା ରୁ ପଦ୍ମପୁର ଉପଖଣ୍ଡର ସରକାରୀ ଡାକ୍ତରଖାନା ରକ୍ତ ଭଣ୍ଡାର ବିଭାଗ ରେ କାର୍ଯ୍ୟରତ ସମସ୍ତ କର୍ମଚାରୀ ଙ୍କୁ ସଂଘ ତରଫରୁ ଧନ୍ୟବାଦ ଅର୍ପଣ କରାଯାଇଥିଲା। କାର୍ଯ୍ୟକ୍ରମ ରକ୍ତଦାନ୍ କରିଥିବା ବ୍ୟକ୍ତି ମାନଙ୍କ ମଧ୍ୟରେ ୧ କୁମାର ନାଏକ ୨ ଶୋବନ କୁମାର ପଣ୍ଡା ୩ ପୀତବାସ ଠେଲା ୪ ନୃପରାଜ ସାହୁ ୫ ବୈବ ବାରିକ ୬ ଅଶୋକ ମେହେର୍ ୭ ଲଷ୍ମୀକାନ୍ତ ବରିହା ୮ ଭିକାରୀ ଗଡତିଆ ୯ ଦିବାକର ତ୍ରିପାଠୀ ୧୦ ଆଦର୍ଶ ତ୍ରିପାଠୀ ୧୧ ସୁରଜ ସୁନା ୧୨ ହରେଶ ଡୁଙ୍ଗୁରି ୧୩ ରୁଦ୍ର ସାହୁ ୧୪ ବିନୋଦ ବେହେରା ୧୫ କ୍ଷେତ୍ରଘନ କୁମ୍ଭାର ୧୬ ନିଶିତ କୁମାର ସିଂହ ୧୭ ସୁନୀଲ ବେହେରା ୧୮ ହରିଶଙ୍କର ସିଂହ ୧୯ କ୍ରୀତୀ ଭୁଏ ୨୦ ଝସକେତନ ସାହୁ ୨୧ ସଂଜୀବ କୁମାର ବାଗ ୨୨ କଲ୍ୟାଣୀ ମିଶ୍ର ୨୩ ଶୈଳେଶ ମହାନ୍ତି ୨୪ ଚିତ୍ତରଞ୍ଜନ ପାଣ୍ଡେ ୨୫ ଶଙ୍କର ରାଉତ ୨୬ ଧବଳେଶ୍ୱର ମହାନନ୍ଦ ୨୭ ଆଶିଷ ଜ୍ୟୋତିଷ ୨୮ ୟଶୋବନ୍ତ ସାହୁ ୨୯ ରାଜେଶ କୁମାର ନାଏକ ୩୦ ମାଧବ ସାହୁ ୩୧ ଚନ୍ଦନ ସାହୁ ୩୨ ନବକିଶୋର କଣ୍ଟା ୩୩ ଜ୍ୟୋଷ୍ଣାରାଣୀ କର ୩୪ ବିକାଶ ହୋତା ୩୫ ଦୀପକ ବଗର୍ତି ୩୬ ସୌମ୍ୟରଂଜନ ସାରଙ୍ଗୀ ୩୭ ସୁବ୍ରତ କୁମାର ବିଶ୍ୱାଳ ୩୮ ଅମିତ କୁମାର ଗର୍ଗ ୩୯ ମନିଷ୍ ନାଏକ ୪୦ ସଚ୍ଚିଦାନନ୍ଦ ସାହୁ ୪୧ ରଜତ କୁମାର ମିଶ୍ର ରକ୍ତଦାନ କରିଥିଲେ | ଏଥିରେ ଓକିଲ ସଂଘର ସଦସ୍ୟ ଅଜିତ କୁମାର ଶତପଥୀ, ଉମେଶ ସାହୁ, ରାମରତନ ପୁରୋହିତ, ପ୍ରଦୀପ ଯୋଶୀ, ପ୍ରଦୀପ ସାହୁ, ପ୍ରମୋଦ ମିଶ୍ର, ସୁଶାନ୍ତ ସାହୁ, ସୁନୀଲ ଦାସ, ହିତେନ୍ଦ୍ରୀୟ ବାରିକ, ପ୍ରଶାନ୍ତ ମାଝୀ, ଆଦିତ୍ୟ ରଥ, ନେତ୍ରାନନ୍ଦ ସାହୁ , ବିଭୂତିଭୂଷଣ ଦାସ, କିଶୋର ମେହେର, ସୁନୀଲ ପାଣିଗ୍ରାହୀ, ଚିନ୍ମୟ ପଣ୍ଡା, ସୁବାଶିଷ ମିଶ୍ର, ପ୍ରମୋଦ ବାରିକ, ଚନ୍ଦନ ସାହୁ, ଆଶିଷ ଜ୍ୟୋତିଷ, ଅବଲେଶ୍ୱର ମହାନନ୍ଦ, ସଂଜୀବ କୁମାର ବାଗ, ଯଶୋବନ୍ତ ସାହୁ, ଶୋଭମ କୁମାର ପଣ୍ଡା, ଦିବାକର ତ୍ରିପାଠୀ, ଆଦର୍ଶ ପୁରୋହିତ, ଝସକେତନ ସାହୁ, ସୋମେଶ ମହାନ୍ତି, ଦିଲୀପ ପଧାନ, ଦିଲୀପ ଦାନୀ, ଅରୁଣ ଦାନୀ, ପୁରୁଷୋତ୍ତମ ଅଗ୍ରୱାଲ, ଫକୀର ମେହେର, ନରେନ୍ଦ୍ର ସାହୁ, ରୋହିତ ଭୋଏ, ଲକ୍ଷ୍ମଣ ସାହୁ, ସନ୍ତୋଷ ଶତପଥୀ, ରଜନୀକାନ୍ତ ଦାସ, ସୁଶାନ୍ତ ରଥ ଓ ଲିଙ୍ଗରାଜ ସାହୁ ଉପସ୍ଥିତ ଥିଲେ। ଓକିଲ ସଂଘ ର ସଦସ୍ୟ ମାନେ ଉପସ୍ଥିତ ରହି କାର୍ଯ୍ୟକ୍ରମକୁ ସୁଚାରୁ ରୂପେ ପରିଚାଳନା କରିଥିଲେ। ଶେଷରେ ଓକିଲ ସଂଘର ସମ୍ପାଦକ ତଥା ସମାଜସେବୀ ହରି ଶଙ୍କର ସିଂହ ଙ୍କ ଦ୍ଵାରା କାର୍ଯ୍ୟକ୍ରମ ପରିଚାଳନା ରେ ସଂଘ ର ସମସ୍ତ ଆଇନଜୀବୀ ଙ୍କ ଉପସ୍ଥିତି ରେ କାର୍ଯ୍ୟକ୍ରମ ସୁଚାରୁ ରୂପେ ସମ୍ପାଦନ ହୋଇଥିବାରୁ ସଂଘର ସମସ୍ତ ସଦସ୍ୟ, ବିଭିନ୍ନ ଅନୁଷ୍ଠାନ,ର ରକ୍ତଦାତାମାନଙ୍କୁ ଧନ୍ୟବାଦ ଅର୍ପଣ କରିଥିଲେ। ଆଗକୁ ଆହୁରି ସମାଜସେବା କାର୍ଯ୍ୟ କରିବାକୁ ଉଦ୍ୟମ ଅବ୍ୟାହତ ରହିବ ବୋଲି ସମ୍ପାଦକ ହରି ଶଙ୍କର ସିଂହ କହିଛନ୍ତି।

Bargarh, Bargarh (Baragarh) | Aug 16, 2026

Bargarh, Bargarh (Baragarh) | Aug 16, 2026

Bargarh, Bargarh (Baragarh) | Aug 16, 2026

Bargarh, Bargarh (Baragarh) | Aug 16, 2026

Bargarh, Bargarh (Baragarh) | Aug 16, 2026