Public App Logo
Login
Profile Picture

PadampurTv

@padampurtv
245Followers
0Following
👉 ଗନ୍ଧମାର୍ଦ୍ଧନ ସୁରକ୍ଷା ଏକ୍ସନ କମିଟୀର ଦାବିପତ୍ର <nis:link nis:type=tag nis:id=everyonefollowers nis:value=everyonefollowers nis:enabled=true nis:link/> <nis:link nis:type=tag nis:id=padampurtv nis:value=padampurtv nis:enabled=true nis:link/> <nis:link nis:type=tag nis:id=viralchallenge nis:value=viralchallenge nis:enabled=true nis:link/> <nis:link nis:type=tag nis:id=odisha nis:value=odisha nis:enabled=true nis:link/> <nis:link nis:type=tag nis:id=highlightseveryone nis:value=highlightseveryone nis:enabled=true nis:link/>
👉 ଅଞ୍ଚଳ ମହାବିଦ୍ୟାଳୟରେ ବ୍ଲକସ୍ତରୀୟ ‘ବେଟି ବଚାଓ ବେଟି ପଢ଼ାଓ’ ଯୁବ ସମ୍ମିଳନୀ ପଦ୍ମପୁର, ୧୧/୦୯: କନ୍ୟା ସନ୍ତାନର ଶିକ୍ଷା, ସୁରକ୍ଷା ଓ ସମାନ ଅଧିକାର ସଚେତନତାକୁ ନେଇ ସ୍ଥାନୀୟ ଅଞ୍ଚଳ ମହାବିଦ୍ୟାଳୟର ନୂତନ ସମ୍ମେଳନ କକ୍ଷରେ ବ୍ଲକସ୍ତରୀୟ ‘ବେଟି ବଚାଓ ବେଟି ପଢ଼ାଓ’ ଯୁବ ସମ୍ମିଳନୀ ଅନୁଷ୍ଠିତ ହୋଇଯାଇଛି। ମହାବିଦ୍ୟାଳୟ ଅଧ୍ୟକ୍ଷ ଡ. ଦିଗମ୍ବର ଚାନ୍ଦଙ୍କ ସଭାପତିତ୍ୱରେ ପଦ୍ମପୁର ସମନ୍ୱିତ ଶିଶୁ ବିକାଶ ପ୍ରକଳ୍ପ ଓ ବରଗଡ଼ ଜିଲ୍ଲା ସାମାଜିକ କଲ୍ୟାଣ କାର୍ଯ୍ୟାଳୟର ମିଳିତ ଆନୁକୂଲ୍ୟରେ ଏହି ସମ୍ମିଳନୀ ଆୟୋଜିତ ହୋଇଥିଲା। ପଦ୍ମପୁର ସହକାରୀ ଜିଲ୍ଲାପାଳ ହେତୁରାମ ବିଭାର ମୁଖ୍ୟ ଅତିଥି ଭାବେ ଯୋଗଦେଇ ନାରୀଙ୍କ ତ୍ୟାଗ, ସାମର୍ଥ୍ୟ ଏବଂ ସମାଜ ଗଠନରେ ଝିଅମାନଙ୍କ ଅତୁଳନୀୟ ଭୂମିକା ଉପରେ ଉଦ୍‌ବୋଧନ ଦେଇଥିଲେ। ପଦ୍ମପୁର ଶିଶୁ ବିକାଶ ପ୍ରକଳ୍ପ ଅଧିକାରୀ ଗୋଲି ରାଉତ ସମ୍ମିଳନୀର ଉଦ୍ଦେଶ୍ୟ ସମ୍ପର୍କରେ ଅବଗତ କରାଇଥିଲେ। ମୁଖ୍ୟ ବକ୍ତା ଅଧ୍ୟାପିକା ମୋନାଲିସା ସ୍ୱାଇଁ କନ୍ୟା ସନ୍ତାନର ଶିକ୍ଷା, ସୁରକ୍ଷା ଓ ସମାନ ଅଧିକାର ଉପରେ ଆଲୋକପାତ କରିଥିଲେ। ଏହି ଅବସରରେ ଛାତ୍ରଛାତ୍ରୀଙ୍କ ମଧ୍ୟରେ ବକ୍ତୃତା, ସାଧାରଣ ଜ୍ଞାନ ଓ ପୋଷ୍ଟର ତିଆରି ପ୍ରତିଯୋଗିତା ହୋଇଥିଲା। କୃତୀ ପ୍ରତିଯୋଗୀଙ୍କୁ ପୁରସ୍କୃତ କରାଯାଇଥିଲା। ଅଧ୍ୟାପକ ଡ. ସରୋଜ କୁମାର ନାଏକ ମଞ୍ଚ ପରିଚାଳନା କରିଥିବାବେଳେ ଅଧ୍ୟାପିକା ଡ. ମମତାମୟୀ ଗୁରୁ ଧନ୍ୟବାଦ ଅର୍ପଣ କରିଥିଲେ। ଅଧ୍ୟାପକ ନିର୍ମଳ କୁମ୍ଭାର ଓ ଭେଙ୍କଟେଶ୍ୱର ମେହେର କାର୍ଯ୍ୟକ୍ରମ ଆୟୋଜନରେ ସହଯୋଗ କରିଥିଲେ। ସମ୍ମିଳନୀରେ ସୁପରଭାଇଜର ଯଶୋବନ୍ତୀ ସୁନା, ପ୍ରାଚୀ ମିଶ୍ର, ରୋଜି ଭୋଇ, ରେଣୁକା ସାହୁ, ସୁକାନ୍ତୀ ବରିହା, ଅଙ୍ଗନବାଡ଼ି କର୍ମୀ ପ୍ରତିଭା ଦୋରାଙ୍କ ସମେତ ମହାବିଦ୍ୟାଳୟର ଅଧ୍ୟାପକ-ଅଧ୍ୟାପିକା ଓ ଶତାଧିକ ଛାତ୍ରଛାତ୍ରୀ ଯୋଗଦେଇଥିଲେ। ଶେଷରେ କନ୍ୟା ସନ୍ତାନର ସୁରକ୍ଷା, ଶିକ୍ଷା ଓ ଉଜ୍ଜ୍ୱଳ ଭବିଷ୍ୟତ ପାଇଁ ସମସ୍ତେ ସଂକଳ୍ପବଦ୍ଧ ହୋଇଥିଲେ।
👉 କଟାପାଲି ଉଚ୍ଚ ମାଧ୍ୟମିକ ବିଦ୍ୟାଳୟରେ ଗଙ୍ଗାଧର ମେହେର ଜୟନ୍ତୀ ପାଳିତ କଟାପାଲି: ସ୍ଥାନୀୟ କଟାପାଲି ଉଚ୍ଚ ମାଧ୍ୟମିକ ବିଦ୍ୟାଳୟ ପରିସରରେ ସ୍ୱଭାବ କବି ଗଙ୍ଗାଧର ମେହେରଙ୍କ ଜୟନ୍ତୀ ମହାଆଡ଼ମ୍ବରରେ ପାଳିତ ହୋଇଯାଇଛି। ବିଦ୍ୟାଳୟର ଅଧ୍ୟକ୍ଷ ଶ୍ରୀ ସଞ୍ଜୀବ କୁମାର ସୁନା ସଭାପତିତ୍ୱ କରିଥିଲେ। ଏହି ଅବସରରେ ପଶ୍ଚିମ ଓଡ଼ିଶାର ବିଶିଷ୍ଟ ସାହିତ୍ୟପ୍ରେମୀ ତଥା ପ୍ରସିଦ୍ଧ ଲେଖକ ଡ. ଅଶୋକ କୁମାର ମହାପାତ୍ର ମୁଖ୍ୟ ଅତିଥି ଏବଂ ବିଶିଷ୍ଟ ସାହିତ୍ୟିକା ଡ. ଭଗବତୀ କର ମୁଖ୍ୟ ବକ୍ତା ଭାବେ ଯୋଗଦେଇଥିଲେ। ଅତିଥିଦ୍ୱୟ କବି ଗଙ୍ଗାଧର ମେହେରଙ୍କ ପ୍ରତିମୂର୍ତ୍ତିରେ ମାଲ୍ୟାର୍ପଣ କରି ଶ୍ରଦ୍ଧାଞ୍ଜଳି ଅର୍ପଣ କରିଥିଲେ। କାର୍ଯ୍ୟକ୍ରମରେ ବିଦ୍ୟାଳୟର ଛାତ୍ରଛାତ୍ରୀମାନେ କବିଙ୍କ ସୁପ୍ରସିଦ୍ଧ କବିତା ‘ବିଶ୍ୱ ଦେଖ ମଧୁମୟ’ ଗାନ କରିଥିଲେ। ଏଥିସହ ଗଙ୍ଗାଧର ମେହେରଙ୍କ କାବ୍ୟକୃତି ଓ ଓଡ଼ିଆ ସାହିତ୍ୟ ପ୍ରତି ତାଙ୍କର ଅବଦାନ ସମ୍ପର୍କରେ ଛାତ୍ରଛାତ୍ରୀମାନେ ନିଜସ୍ୱ ମତାମତ ରଖିଥିଲେ। ମୁଖ୍ୟ ଅତିଥି ଓ ମୁଖ୍ୟ ବକ୍ତା ଗଙ୍ଗାଧର ମେହେରଙ୍କ ସାହିତ୍ୟରେ ପ୍ରତିଫଳିତ ଜୀବନଦର୍ଶନ ଏବଂ ତାଙ୍କର ଅମର ସାହିତ୍ୟକୃତି ସମ୍ପର୍କରେ ଆଲୋଚନା କରିଥିଲେ। ଏଥିସହ ଛାତ୍ରଛାତ୍ରୀମାନଙ୍କୁ ସାହିତ୍ୟ ପ୍ରତି ଆଗ୍ରହୀ ହେବା ଓ ଓଡ଼ିଆ ଭାଷା-ସାହିତ୍ୟର ଗୌରବକୁ ଆଗକୁ ନେବା ପାଇଁ ଦିଗଦର୍ଶନ ଦେଇଥିଲେ। ସଭାରେ ବିଦ୍ୟାଳୟର ଅଧ୍ୟାପକ-ଅଧ୍ୟାପିକା ଓ ସମସ୍ତ କର୍ମଚାରୀ ଉପସ୍ଥିତ ଥିଲେ। ଅଧ୍ୟାପକ କିରଣ ସାହୁ, ଅଧ୍ୟାପିକା ଅନିମା ସାହୁ, ସୋନି ହୋତା, ବୈଶାଳୀ ଭୋଇଙ୍କ ସମେତ ରାଜୀବ ସାହୁ, ସାଜନ ଭୋଇ ଓ ସୁମନ୍ତ ସାହୁ କାର୍ଯ୍ୟକ୍ରମକୁ ସଫଳ କରିବାରେ ସହଯୋଗ କରିଥିଲେ। ଅଧ୍ୟାପିକା ବର୍ଷା ସାହୁ ମଞ୍ଚ ପରିଚାଳନା କରିଥିବାବେଳେ ଅଧ୍ୟାପକ ନିମିଷ ପଧାନ ଶେଷରେ ଧନ୍ୟବାଦ ଅର୍ପଣ କରିଥିଲେ।
👉 <nis:link nis:type=tag nis:id=ଗନ୍ଧମାର୍ଦ୍ଧନ nis:value=ଗନ୍ଧମାର୍ଦ୍ଧନ nis:enabled=true nis:link/> ସୁରକ୍ଷା ଏକ୍ସନ କମିଟୀର ଦାବିପତ୍ର - <nis:link nis:type=tag nis:id=padampurtv nis:value=PadampurTv nis:enabled=true nis:link/> <nis:link nis:type=tag nis:id=everyonefollowers nis:value=everyonefollowers nis:enabled=true nis:link/> <nis:link nis:type=tag nis:id=highlightseveryone nis:value=highlightseveryone nis:enabled=true nis:link/> <nis:link nis:type=tag nis:id=odishanews nis:value=OdishaNews nis:enabled=true nis:link/> <nis:link nis:type=tag nis:id=viralreelschallenge nis:value=viralreelschallenge nis:enabled=true nis:link/>
ପଦ୍ମପୁର ବ୍ୟାଙ୍କ ବନ୍ଦ କଣ କହୁଛନ୍ତି ଆନ୍ଦୋଳନକାରୀ
ଗନ୍ଧମାର୍ଦ୍ଧନ ସୁରକ୍ଷା ଏକ୍ସନ କମିଟୀର ଦାବିପତ୍ର <nis:link nis:type=tag nis:id=padampurtv nis:value=PadampurTv nis:enabled=true nis:link/> <nis:link nis:type=tag nis:id=everyonefollowers nis:value=everyonefollowers nis:enabled=true nis:link/> <nis:link nis:type=tag nis:id=highlightseveryone nis:value=highlightseveryone nis:enabled=true nis:link/> <nis:link nis:type=tag nis:id=odishanews nis:value=OdishaNews nis:enabled=true nis:link/> viralreelschallenge
ପଦ୍ମପୁର ବ୍ୟାଙ୍କ ବନ୍ଦ କଣ କହୁଛନ୍ତି ଆନ୍ଦୋଳନକାରୀ
👉 ସ୍କ୍ରବ୍ ଟାଇଫସ୍‌ରେ ଜଣଙ୍କ ମୃତ୍ୟୁ ବରଗଡ଼ ଜିଲ୍ଲାରେ ସ୍କ୍ରବ୍ ଟାଇଫସ୍‌ରେ ଜଣେ ରୋଗୀଙ୍କ ମୃତ୍ୟୁ ଘଟିଛି। ମୃତକ ଅମ୍ବାପାଳି ଗାଁର ଭାଗିରଥି ଭୋଇ ବୋଲି ଜଣାପଡ଼ିଛି। ସେ ପ୍ରାୟ ୧୦ ଦିନ ଧରି ଏକ ଘରୋଇ ହସ୍ପିଟାଲରେ ଚିକିତ୍ସାଧୀନ ଥିଲେ। ଜିଲ୍ଲାରେ ସ୍କ୍ରବ୍ ଟାଇଫସ୍‌ ରୋଗୀ ବଢ଼ୁଥିବାରୁ ଚିନ୍ତା ବଢ଼ିଛି। ସ୍ୱାସ୍ଥ୍ୟ ବିଭାଗ ତଥ୍ୟ ଅନୁଯାୟୀ, ଜାନୁଆରୀରୁ ଜୁଲାଇ ମଧ୍ୟରେ ୧୦୩୯ଟି ପରୀକ୍ଷାରୁ ୫୯ ଜଣଙ୍କଠାରେ ସ୍କ୍ରବ୍ ଟାଇଫସ୍‌ ଚିହ୍ନଟ ହୋଇଛି। ରୋଗ ନିୟନ୍ତ୍ରଣ ପାଇଁ ସଚେତନତା କାର୍ଯ୍ୟକ୍ରମ ଚାଲିଥିବା ଜିଲ୍ଲା ଜନସ୍ୱାସ୍ଥ୍ୟ ଅଧିକାରୀ ବିଶ୍ୱଜିତ ଯୋଶୀ ସୂଚନା ଦେଇଛନ୍ତି।
👉 ସୋହେଲା ବ୍ଲକରେ ଭୀମ ଭୋଇ ସାମର୍ଥ୍ୟ ଶିବିର ୨୨୩ ଜଣ ଭିନ୍ନକ୍ଷମଙ୍କୁ ବଣ୍ଟନ ହେଲା ସହାୟକ ଉପକରଣ ସୋହେଲା: ସୋହେଲା ବ୍ଲକରେ ଭିନ୍ନକ୍ଷମଙ୍କ ସହାୟତା ଓ ସଶକ୍ତିକରଣ ଉଦ୍ଦେଶ୍ୟରେ ଭୀମ ଭୋଇ ସାମର୍ଥ୍ୟ ଶିବିର ଅନୁଷ୍ଠିତ ହୋଇଛି। ଶିବିରରେ ମୋଟ ୨୨୩ ଜଣ ଭିନ୍ନକ୍ଷମଙ୍କୁ ବିଭିନ୍ନ ପ୍ରକାରର ସହାୟକ ଉପକରଣ ବଣ୍ଟନ କରାଯାଇଥିଲା। ଏହି ଅବସରରେ ଭଟଲି ବିଧାୟକ ଇରାସିସ ଆଚାର୍ଯ୍ୟ ମୁଖ୍ୟଅତିଥି ଭାବେ ଯୋଗଦେଇ ଭିନ୍ନକ୍ଷମଙ୍କୁ ସହାୟକ ଉପକରଣ ପ୍ରଦାନ କରିଥିଲେ। ଭିନ୍ନକ୍ଷମମାନଙ୍କୁ ସ୍ୱାବଲମ୍ବୀ କରିବା ସହ ସେମାନଙ୍କ ଦୈନନ୍ଦିନ ଜୀବନକୁ ସହଜ କରିବାରେ ଏଭଳି ଶିବିରର ଗୁରୁତ୍ୱ ରହିଛି ବୋଲି ଉପସ୍ଥିତ ଅତିଥିମାନେ କହିଥିଲେ। ଶିବିରରେ ଭିନ୍ନକ୍ଷମ ବ୍ୟକ୍ତି, ପରିବାରବର୍ଗ ଓ ବିଭିନ୍ନ ବିଭାଗର କର୍ମଚାରୀଙ୍କ ଉପସ୍ଥିତି ରହିଥିଲେ ।
👉 ପାର୍ବତୀ ଗିରିଙ୍କ ସ୍ମାରକ ଡାକଟିକଟ ପାଇଁ ପ୍ରସ୍ତାବ ସାଂସଦ ପ୍ରଦୀପ ପୁରୋହିତଙ୍କ ଦାବିକୁ କେନ୍ଦ୍ରର ସକାରାତ୍ମକ ପ୍ରତିକ୍ରିୟା ବରଗଡ଼, ବୀରାଙ୍ଗନା ପାର୍ବତୀ ଗିରିଙ୍କ ଜନ୍ମଶତାବ୍ଦୀ ଅବସରରେ ତାଙ୍କ ସ୍ମୃତିରେ ସ୍ମାରକ ଡାକଟିକଟ ଜାରି କରିବାକୁ ସାଂସଦ ପ୍ରଦୀପ ପୁରୋହିତଙ୍କ ଦାବିକୁ କେନ୍ଦ୍ର ସରକାର ସକାରାତ୍ମକ ଭାବେ ଗ୍ରହଣ କରିଛନ୍ତି। ଏନେଇ ସାଂସଦ ଶ୍ରୀ ପୁରୋହିତ ଲୋକସଭାରେ ଦାବି ଉଠାଇଥିଲେ। ଏହାର ଉତ୍ତରରେ କେନ୍ଦ୍ର ଯୋଗାଯୋଗ ମନ୍ତ୍ରୀ ଜ୍ୟୋତିରାଦିତ୍ୟ ସିନ୍ଧିଆ ପତ୍ର ଯୋଗେ ସାଂସଦଙ୍କୁ ଅବଗତ କରାଇଛନ୍ତି ଯେ, ପାର୍ବତୀ ଗିରିଙ୍କ ସ୍ମାରକ ଡାକଟିକଟ ଜାରି ସମ୍ପର୍କିତ ପ୍ରସ୍ତାବକୁ ଆଗାମୀ ଫିଲାଟେଲିକ୍ ଆଡଭାଇଜରୀ କମିଟି (PAC) ବୈଠକରେ ଉପସ୍ଥାପନ କରାଯିବ। ସ୍ୱାଧୀନତା ସଂଗ୍ରାମରେ ଅବଦାନ ଓ ସମାଜସେବା ପାଇଁ ପରିଚିତ ବୀରାଙ୍ଗନା ପାର୍ବତୀ ଗିରିଙ୍କ ସ୍ମୃତିକୁ ଜାତୀୟସ୍ତରରେ ସମ୍ମାନ ଦେବା ଦିଗରେ ଏହି ପଦକ୍ଷେପ ଏକ ଗୁରୁତ୍ୱପୂର୍ଣ୍ଣ ପ୍ରୟାସ ବୋଲି ମତ ପ୍ରକାଶ ପାଇଛି।
👉 ସ୍ୱର୍ଗତ ଅଶୋକ କୁମାର ସାହୁଙ୍କ ସ୍ମୃତିରେ ଶ୍ରଦ୍ଧାଞ୍ଜଳି ସଭା 👉 ଦ୍ୱାଦଶାହ ଅବସରରେ ସ୍ମୃତିଚାରଣ କଲେ ବିଶିଷ୍ଟ ବ୍ୟକ୍ତିବିଶେଷ ପଦ୍ମପୁର, ୯ ସେପ୍ଟେମ୍ବର: ସ୍ୱର୍ଗତ ଅଶୋକ କୁମାର ସାହୁଙ୍କ ଦ୍ୱାଦଶାହ ଅବସରରେ ପଦ୍ମପୁର ଶାନ୍ତିନଗରସ୍ଥିତ ପୁରୋହିତ କଲ୍ୟାଣ ମଣ୍ଡପଠାରେ ଏକ ଶ୍ରଦ୍ଧାଞ୍ଜଳି ତଥା ସ୍ମୃତିଚାରଣ ସଭା ଅନୁଷ୍ଠିତ ହୋଇଯାଇଛି। ସ୍ୱର୍ଗତ ଅରବିନ୍ଦ ସାହୁ ଫାଉଣ୍ଡେସନର ସଂଯୋଜନାରେ ଆୟୋଜିତ ଏହି ସଭାରେ ସ୍ୱର୍ଗତ ସାହୁଙ୍କ ଜୀବନ, କୃତି ଓ ସମାଜ ପ୍ରତି ତାଙ୍କ ଅବଦାନକୁ ସ୍ମରଣ କରାଯାଇଥିଲା। ଶିକ୍ଷକ ତଥା ସମାଜସେବୀ ସୁମନ୍ତ କୁମାର ସାହୁଙ୍କ ଅଧ୍ୟକ୍ଷତାରେ ଏବଂ ପ୍ରଶାନ୍ତ କୁମାର ସାହୁଙ୍କ ଆବାହକତ୍ୱରେ ଅନୁଷ୍ଠିତ ସ୍ମୃତିଚାରଣ ସଭାରେ ମନୋରଞ୍ଜନ ସିଂ ବରିହା, ଡା. ଗଦାଧର ରଥ, ସୂର୍ଯ୍ୟ ପ୍ରସାଦ ହୋତା, ପ୍ରୀତିରଞ୍ଜନ ପ୍ରଧାନ, ଶାନ୍ତନୁ ପାଣିଗ୍ରାହୀ, ପଦ୍ମପୁର NAC ଉପାଧ୍ୟକ୍ଷା ଭାରତୀ ନାୟକ, ଘନଶ୍ୟାମ ପୁଞ୍ଜିଙ୍କ ସମେତ ବହୁ ବ୍ୟକ୍ତିବିଶେଷ ଯୋଗଦେଇ ସ୍ୱର୍ଗତ ଅଶୋକ ସାହୁଙ୍କ ସ୍ମୃତିଚାରଣ କରିଥିଲେ। ଶ୍ରୀଯୁକ୍ତ ଅଭିନାଶ ମିଶ୍ର ଦୀପ ପ୍ରଜ୍ୱଳନ କରି ସଭାର ଶୁଭାରମ୍ଭ କରିଥିଲେ। ପରେ ଉପସ୍ଥିତ ଅତିଥି ଓ ଶୁଭେଚ୍ଛୁମାନେ ସ୍ୱର୍ଗତ ଅଶୋକ କୁମାର ସାହୁଙ୍କ ଫଟୋଚିତ୍ରରେ ପୁଷ୍ପାର୍ଘ୍ୟ ଅର୍ପଣ କରି ଗଭୀର ଶ୍ରଦ୍ଧାଞ୍ଜଳି ଜଣାଇଥିଲେ। ଏଥିସହ ତାଙ୍କ ଅମର ଆତ୍ମାର ସଦ୍‌ଗତି କାମନା କରି ଦୁଇ ମିନିଟ୍ ନିରବ ପ୍ରାର୍ଥନା କରାଯାଇଥିଲା। ଏହି ଅବସରରେ ସ୍ୱର୍ଗତ ଅଶୋକ ସାହୁଙ୍କ ୧୯୮୮ ମସିହା ମାଟ୍ରିକ୍ ବ୍ୟାଚ୍‌ର ସହପାଠୀମାନେ ମଧ୍ୟ ଯୋଗଦେଇ ତାଙ୍କ ସହ ବିତାଇଥିବା ସ୍ମୃତିକୁ ମନେ ପକାଇଥିଲେ। ପ୍ରମୋଦ କୁମାର ପଣ୍ଡା, ସୁମନ୍ତ କୁମାର ସାହୁ, ରଘୁନାଥ ପୁରୀ, ସରୋଜ ମେହେର, ଅଶୋକ ବହିଦାର, ଭୂପାଳ ଦାଶ, ତୁଲାରାମ ସାହୁ, ଗୋପାଳ ପଣ୍ଡା, ଭାଗବତିଆ ହଂସ, ଅଭୟ ନାୟକ, ପ୍ରଫୁଲ୍ଲ ବେହେରା ଓ ପ୍ରଦୀପ ସାହୁ ପ୍ରମୁଖ ଯୋଗଦେଇ ଶୋକସନ୍ତପ୍ତ ପରିବାରବର୍ଗଙ୍କୁ ସମବେଦନା ଜଣାଇବା ସହ ସ୍ୱର୍ଗତ ଅଶୋକ ସାହୁଙ୍କ ଅମର ଆତ୍ମାର ସଦ୍‌ଗତି କାମନା କରିଥିଲେ। ସଭା ଶେଷରେ ସ୍ୱର୍ଗତ ସାହୁଙ୍କ ସାନ ଝିଅ ଶିଖାରାଣୀ ଉପସ୍ଥିତ ସମସ୍ତ ଅତିଥି, ବନ୍ଧୁ ଓ ଶୁଭେଚ୍ଛୁଙ୍କୁ ଧନ୍ୟବାଦ ଅର୍ପଣ କରିଥିଲେ। ପୁତୁରା ଫିରୋଜ, ଭଣଜା ସନ୍ଦୀପ ଓ ଶୁଭମ ଏବଂ ବଡ଼ ଝିଅ ଦୀପାଞ୍ଜଳୀ ସଭା ପରିଚାଳନାରେ ସହଯୋଗ କରିଥିଲେ। ସ୍ୱର୍ଗତ ଅଶୋକ କୁମାର ସାହୁଙ୍କ ସ୍ମୃତିରେ ଆୟୋଜିତ ଏହି ଶ୍ରଦ୍ଧାଞ୍ଜଳି ସଭା ଉପସ୍ଥିତ ସମସ୍ତଙ୍କୁ ଭାବବିହ୍ୱଳ କରିଥିବା ବେଳେ ତାଙ୍କ ସ୍ମୃତି ସର୍ବଦା ଅମର ହୋଇ ରହିବ ବୋଲି ମତ ପ୍ରକାଶ ପାଇଥିଲା।
👉 ସମ୍ବଲପୁରୀ କଳାଜଗତରେ ଅପୂରଣୀୟ କ୍ଷତି କୋରିଓଗ୍ରାଫର <nis:link nis:type=tag nis:id=କୁମାର_କୁନ୍ଦନଙ୍କ_ପରଲୋକ nis:value=କୁମାର_କୁନ୍ଦନଙ୍କ_ପରଲୋକ nis:enabled=true nis:link/> ସମ୍ବଲପୁରୀ କଳା ଓ ନୃତ୍ୟଜଗତ ପାଇଁ ଆସିଛି ଏକ ଦୁଃଖଦ ଖବର। ପ୍ରତିଭାବାନ କୋରିଓଗ୍ରାଫର କୁମାର କୁନ୍ଦନଙ୍କ ପରଲୋକରେ ସମ୍ବଲପୁରୀ ଇଣ୍ଡଷ୍ଟ୍ରିରେ ଶୋକର ଛାୟା ଖେଳିଯାଇଛି। ନିଜର ନୃତ୍ୟ ପରିକଳ୍ପନା, ସୃଜନଶୀଳତା ଓ କଳା ପ୍ରତି ନିଷ୍ଠା ମାଧ୍ୟମରେ ସେ ସମ୍ବଲପୁରୀ ନୃତ୍ୟକୁ ନୂଆ ରୂପ ଦେବାରେ ନିଜସ୍ୱ ପରିଚୟ ସୃଷ୍ଟି କରିଥିଲେ। ତାଙ୍କର ଅବଦାନ ଓ କଳାପ୍ରତି ଭଲପାଇବା ସହକର୍ମୀ, କଳାକାର ଓ ଅନୁଗାମୀମାନଙ୍କ ମନରେ ସବୁଦିନ ସ୍ମରଣୀୟ ହୋଇ ରହିବ। ତାଙ୍କ ବିୟୋଗ ସମ୍ବଲପୁରୀ କଳାଜଗତ ପାଇଁ ଏକ ଅପୂରଣୀୟ କ୍ଷତି। ଏହି ଦୁଃଖଦ ସମୟରେ ତାଙ୍କ ପରିବାର, ବନ୍ଧୁବର୍ଗ ଓ ସମସ୍ତ କଳାପ୍ରେମୀଙ୍କ ପ୍ରତି ଗଭୀର ସମବେଦନା। ପଦ୍ମପୁର ଟିଭି ପରିବାର ତରଫରୁ ଗଭୀର ଶ୍ରଦ୍ଧାଞ୍ଜଳି ଅର୍ପଣ କରୁଛୁ ।
👉 ନୃସିଂହନାଥରେ ନୁଆଁଖାଇ ଭେଟଘାଟ ପ୍ରସ୍ତୁତି ବୈଠକ ପାଇକମାଳ ଅଖିଳ ଭାରତୀୟ ଗୋଁଣ୍ଡୱାନା ଗୋଁଣ୍ଡ ମହାସଭା ପକ୍ଷରୁ ଆସନ୍ତା ୨୦ ସେପ୍ଟେମ୍ବର ୨୦୨୬, ରବିବାର ନୃସିଂହନାଥଠାରେ ନୁଆଁଖାଇ ଭେଟଘାଟ ଆୟୋଜନ କରାଯିବ। ଏହାକୁ ନେଇ ସେପ୍ଟେମ୍ବର ୭ ତାରିଖରେ ନୃସିଂହନାଥସ୍ଥିତ ବୁଢ଼ାଦେଓ ମଣ୍ଡପଠାରେ ଏକ ପ୍ରସ୍ତୁତି ବୈଠକ ଅନୁଷ୍ଠିତ ହୋଇଛି। ମହାସଭାର ସଭାପତି ଶ୍ରୀ ଗଜରାଜ ସିଂ ପୁଟାଙ୍କ ଅଧ୍ୟକ୍ଷତାରେ ଅନୁଷ୍ଠିତ ଏହି ବୈଠକରେ ଆଗାମୀ ନୁଆଁଖାଇ ଭେଟଘାଟକୁ ସଫଳ କରିବା ସହିତ ଆୟୋଜନର ବିଭିନ୍ନ ପ୍ରସ୍ତୁତି ଓ ବ୍ୟବସ୍ଥା ସମ୍ପର୍କରେ ଆଲୋଚନା କରାଯାଇଥିଲା। ଏହି ବୈଠକରେ ଝାରବନ୍ଧ, ପାଇକମାଳ ଓ ପଦ୍ମପୁର ଅଞ୍ଚଳର ଗୋଁଣ୍ଡ ସମାଜର ସର୍କଲ ସଭାପତି, ସମ୍ପାଦକ ଏବଂ ବରିଷ୍ଠ ସଦସ୍ୟମାନେ ଯୋଗଦେଇଥିଲେ। ବୈଠକରେ ଚୈତୁ ସିଂ ଦେଓ, ଭାଗବତିଆ ସିଂ ଦାଉ, ଅମୃତ ବାଗ, ରଞ୍ଜନ ମାଝୀ, ବସନ୍ତ ଧରୁଆ, ଜଗଦେବ ଧରୁଆ, ନରସିଂହ ଧରୁଆ, ଭୋଳାନାଥ ଜଗତ, ଜୟସିଂ ଦାଉ, ଚିତ୍ତରଞ୍ଜନ ପୋରେ, ସମାରୁ ଧରୁଆ, ବୀରେନ୍ଦ୍ର ସିଦାର, ଅଶ୍ୱିନୀ ଧରୁଆ, ଦିଲ୍ଲୀପ ଧରୁଆ, ଦେବାନନ୍ଦ ପୁଟା, ଲୋକନାଥ ଧରୁଆ, କୃଷ୍ଣଚନ୍ଦ୍ର ଧରୁଆ, ରାମେଶ୍ୱର ସିଦାର, ଲକ୍ଷ୍ମଣ ସିଦାର, ପ୍ରେମ ସିଦାର, ନବୀନ ଧରୁଆ ଓ ବିସିକେଶନ ଧରୁଆ ପ୍ରମୁଖ ଯୋଗଦାନ କରିଥିଲେ। ବୈଠକ ଅବସରରେ ରାଜ୍ୟ ସଭାପତି ତଥା ରାଜ୍ୟ ପଞ୍ଚାୟତିରାଜ ଓ ପାନୀୟଜଳ ମନ୍ତ୍ରୀ ରବି ନାରାୟଣ ନାଏକଙ୍କ ମାତାଙ୍କ ପରଲୋକ ଯୋଗୁଁ ଗୋଁଣ୍ଡ ସମାଜ ପକ୍ଷରୁ ଶୋକ ପ୍ରକାଶ କରାଯାଇ ନିରବ ପ୍ରାର୍ଥନା କରାଯାଇଥିଲା। ଶେଷରେ ଦୁର୍ଯ୍ୟୋଧନ ପୁଟା ଉପସ୍ଥିତ ସମସ୍ତଙ୍କୁ ଧନ୍ୟବାଦ ଅର୍ପଣ କରିଥିଲେ।
👉 ବୋଡାସମ୍ବର ନୁଆଁଖାଇ ଭେଟଘାଟରେ ରଙ୍ଗୋଲି, ଝୋଟି ଓ ଚିତ୍ରାଙ୍କନ ପ୍ରତିଯୋଗିତା ପଦ୍ମପୁର ଏବିସିଡି କ୍ଲବ ଆନୁକୂଲ୍ୟରେ ଆୟୋଜିତ ହେଉଥିବା ୨୮ତମ ବୋଡାସମ୍ବର ନୁଆଁଖାଇ ଭେଟଘାଟ–୨୦୨୬ ଅବସରରେ ରବିବାର ସ୍ଥାନୀୟ ରାଜାଜୀ ଟାଉନ ହଲ୍ ପରିସରରେ ରଙ୍ଗୋଲି, ଝୋଟି ଓ ଚିତ୍ରାଙ୍କନ ପ୍ରତିଯୋଗିତା ଅନୁଷ୍ଠିତ ହୋଇଯାଇଛି। ପ୍ରତିଯୋଗିତାର ସଂଯୋଜକ ପ୍ରତାପ ନାଥ ଓ ସହଦେବ ମେହେରଙ୍କ ତତ୍ତ୍ୱାବଧାନରେ ଏହା ପରିଚାଳିତ ହୋଇଥିଲା। ବିଚାରକ ଭାବେ ଜଗନ୍ନାଥ ସେଠ, ଦୁର୍ଗାଶିଷ ପଟ୍ଟନାୟକ ଓ ନରେନ୍ଦ୍ର ବରିହା ଦାୟିତ୍ୱ ତୁଲାଇଥିଲେ। ଏହି ପ୍ରତିଯୋଗିତାରେ ପଦ୍ମପୁର ଅଞ୍ଚଳର ବିଭିନ୍ନ ସ୍କୁଲ ଓ କଲେଜର ଛାତ୍ରଛାତ୍ରୀ ଉତ୍ସାହର ସହିତ ଅଂଶଗ୍ରହଣ କରିଥିଲେ। ଏଥିସହିତ ମହିଳାମାନଙ୍କ ପାଇଁ ସ୍ୱତନ୍ତ୍ର ରଙ୍ଗୋଲି ପ୍ରତିଯୋଗିତା ମଧ୍ୟ ଆୟୋଜିତ ହୋଇଥିଲା। ପ୍ରତିଯୋଗୀମାନେ ନିଜର କଳା ଓ ସୃଜନଶୀଳତାର ଅନନ୍ୟ ପ୍ରଦର୍ଶନ କରିଥିଲେ। ବିଭିନ୍ନ ବିଭାଗରେ ଉତ୍ତୀର୍ଣ୍ଣ ପ୍ରତିଯୋଗୀମାନଙ୍କୁ ୧୫ ସେପ୍ଟେମ୍ବର ୨୦୨୬, ମଙ୍ଗଳବାର ନୁଆଁଖାଇ ଦିନ ସନ୍ଧ୍ୟା ୬ଟାରେ ରାଜବୋଡାସମ୍ବର ହାଇସ୍କୁଲ ପ୍ରାଙ୍ଗଣରେ ହେବାକୁ ଥିବା ସାଂସ୍କୃତିକ କାର୍ଯ୍ୟକ୍ରମ ଅବସରରେ ପୁରସ୍କୃତ କରାଯିବ। କାର୍ଯ୍ୟକ୍ରମକୁ ସଫଳ କରିବାରେ ଏବିସିଡି କ୍ଲବର ସମ୍ପାଦକ ରଘୁନାଥ ପୁରୀ, ସୁମନ୍ତ ସାହୁ, ଶାନ୍ତ ସଂଗ୍ରାମ ଭୋଇ, ଅଂଶୁମାନ ମେହେର, ସୁନୀଲ ଭୋଇ, ରବୀନ୍ଦ୍ର ଦାଶ, ଅମୀୟ କୁମାର ପୁରୋହିତ, ସୁରେଶ ମିଶ୍ର, ସରୋଜ ଯୋଶୀ, ସରୋଜ ଦାନୀ ଓ ତୁଷାର କାନ୍ତ ପଧାନ ପ୍ରମୁଖ ପୂର୍ଣ୍ଣ ସହଯୋଗ କରିଥିଲେ। ଶେଷରେ ଏବିସିଡି କ୍ଲବର ସଭାପତି ଅନିଲ କୁମାର ବେହେରା ଉପସ୍ଥିତ ସମସ୍ତ ପ୍ରତିଯୋଗୀ, ବିଚାରକ, ଆୟୋଜକ ଓ ସହଯୋଗୀମାନଙ୍କୁ ଧନ୍ୟବାଦ ଅର୍ପଣ କରିଥିଲେ।
👉 ବରିଷ୍ଠ ବ୍ୟକ୍ତି ଅଲେଖ ମେହେରଙ୍କ ବିୟୋଗରେ ଫଟାମୁଣ୍ଡା ଗାଁରେ ଶୋକର ଛାୟା ଫଟାମୁଣ୍ଡା: ଅତ୍ୟନ୍ତ ଦୁଃଖ ଓ ଶୋକର ସହିତ ଜଣାଇବାକୁ ପଡୁଛି ଯେ, ଆମ ଗାଁର ବରିଷ୍ଠ ତଥା ସମାଜସେବୀ ବ୍ୟକ୍ତି ଅଲେଖ ମେହେରଙ୍କ ଗତ ୭ ସେପ୍ଟେମ୍ବର ୨୦୨୬, ସୋମବାର ଦିନ ଦେହାନ୍ତ ହୋଇଯାଇଛି। ତାଙ୍କ ବିୟୋଗରେ ଫଟାମୁଣ୍ଡା ଗାଁ ସମେତ ସମଗ୍ର ଅଞ୍ଚଳରେ ଶୋକାକୁଳ ପରିବେଶ ସୃଷ୍ଟି ହୋଇଛି। ସ୍ୱର୍ଗତ ଅଲେଖ ମେହେର ଗାଁ, ଗାଁର ବିଦ୍ୟାଳୟ ଓ ସମାଜର ଉନ୍ନତି ପାଇଁ ଦୀର୍ଘଦିନ ଧରି ନିଷ୍ଠାର ସହ କାର୍ଯ୍ୟ କରିଆସୁଥିଲେ। ୧୯୯୧-୯୨ ମସିହାରେ ସେ ଗାଁର ବିଦ୍ୟାଳୟର ବିଭିନ୍ନ ପଦପଦବୀରେ ରହି ନିଜର ଦାୟିତ୍ୱ ତୁଲାଇଥିଲେ। ଗାଁର ସେବା ଓ ଉନ୍ନତିକୁ ସେ ସବୁବେଳେ ପ୍ରାଥମିକତା ଦେଇ ଆସିଥିଲେ। ତାଙ୍କର ସରଳ ଜୀବନ, ନିଷ୍ଠା, ସେବା ମନୋଭାବ ଓ ଗାଁର ଉନ୍ନତି ପ୍ରତି ଥିବା ଅବଦାନ ଆମ ସମସ୍ତଙ୍କ ପାଇଁ ସବୁଦିନ ପ୍ରେରଣା ହୋଇ ରହିବ। ତାଙ୍କ ଠାରୁ ଆମେ ଅନେକ କିଛି ଶିଖିଛୁ। ଆଗାମୀ ଦିନରେ ତାଙ୍କ ଆଦର୍ଶ ଓ କାର୍ଯ୍ୟରୁ ପ୍ରେରଣା ନେଇ ଗାଁର ଉନ୍ନତି ଓ ସେବା କାର୍ଯ୍ୟକୁ ଆଗେଇ ନେବା ହିଁ ତାଙ୍କ ପ୍ରତି ପ୍ରକୃତ ଶ୍ରଦ୍ଧାଞ୍ଜଳି ହେବ। ତାଙ୍କର ଅନ୍ତିମ ସଂସ୍କାର ଫଟାମୁଣ୍ଡା ଗାଁରେ ଦିନ ୨ଟା ସମୟରେ ସମ୍ପନ୍ନ ହୋଇଥିଲା। ତାଙ୍କ ବିୟୋଗରେ ପରିବାରବର୍ଗ ଓ ଆତ୍ମୀୟସ୍ୱଜନଙ୍କୁ ଫଟାମୁଣ୍ଡା ଗାଁବାସୀଙ୍କ ପକ୍ଷରୁ ଗଭୀର ସମବେଦନା ଜ୍ଞାପନ କରାଯାଉଛି। ସ୍ୱର୍ଗତ ଅଲେଖ ମେହେରଙ୍କ ଅମର ଆତ୍ମାର ସଦ୍‌ଗତି କାମନା କରି ଫଟାମୁଣ୍ଡା ଗାଁବାସୀଙ୍କ ପକ୍ଷରୁ ଭକ୍ତିପୂତ ଶ୍ରଦ୍ଧାଞ୍ଜଳି ଜଣାଇଛନ୍ତି ।
ଜବାନଙ୍କୁ ଫଟାମୁଣ୍ଡା ଗାଁରେ ଭବ୍ୟ ସ୍ୱାଗତ ସମ୍ବର୍ଦ୍ଧନା ସୁବାଷ ଚନ୍ଦ୍ର ନେଗୀଙ୍କ ସଫଳତାରେ ଗର୍ବିତ ଗ୍ରାମବାସୀ, ପିତାମାତାଙ୍କୁ ମଧ୍ୟ ସମ୍ମାନିତ ବରଗଡ଼/ପଦ୍ମପୁର: ଗାଁର ସୁଯୋଗ୍ୟ ସନ୍ତାନ ଭାରତୀୟ ସୁରକ୍ଷା ବାହିନୀରେ ସାମିଲ ହେବା ପରେ ଗର୍ବରେ ଫୁଲି ଉଠିଛି ଫଟାମୁଣ୍ଡା ଗାଁ। ଗ୍ରାମର ଯୁବକ ସୁବାଷ ଚନ୍ଦ୍ର ନେଗୀ କେନ୍ଦ୍ରୀୟ ରିଜର୍ଭ ପୁଲିସ ବଳ (CRPF)ରେ ଯବାନ ଭାବେ ନୂଆ ନିଯୁକ୍ତି ପାଇଥିବାରୁ ତାଙ୍କୁ ଗ୍ରାମବାସୀଙ୍କ ପକ୍ଷରୁ ଭବ୍ୟ ସ୍ୱାଗତ ଓ ନାଗରିକ ସମ୍ବର୍ଦ୍ଧନା ପ୍ରଦାନ କରାଯାଇଛି। ଗ୍ରାମ୍ୟ ସଭାପତି ଗୋପବନ୍ଧୁ ଶିକାଙ୍କ ସଭାପତିତ୍ୱରେ ଆୟୋଜିତ ଏହି ସମ୍ବର୍ଦ୍ଧନା କାର୍ଯ୍ୟକ୍ରମରେ ସୁବାଷଙ୍କୁ ଫୁଲମାଳ ପିନ୍ଧାଇ ସ୍ୱାଗତ କରାଯିବା ସହ ମାନପତ୍ର ପ୍ରଦାନ କରାଯାଇଥିଲା। ଗ୍ରାମବାସୀଙ୍କ ପକ୍ଷରୁ ତାଙ୍କୁ ଗାଁ ପରିକ୍ରମା କରାଯାଇ ଘରେ ଘରେ ସ୍ୱାଗତ କରାଯାଇଥିଲା। ଏହି ସମୟରେ ଗାଁରେ ଉତ୍ସବମୁଖର ପରିବେଶ ସୃଷ୍ଟି ହୋଇଥିଲା। ଏହି ଅବସରରେ ଯବାନଙ୍କ ପିତା ମକରଧ୍ୱଜ ନେଗୀ ଓ ମାତା ପ୍ରମିଳା ନେଗୀଙ୍କୁ ମଧ୍ୟ ଗ୍ରାମ୍ୟ କମିଟି ପକ୍ଷରୁ ସମ୍ମାନିତ କରାଯାଇଥିଲା। ପୁଅର ସଫଳତାରେ ପିତାମାତାଙ୍କୁ ଗ୍ରାମବାସୀଙ୍କ ପକ୍ଷରୁ ସମ୍ମାନ ଜଣାଇବା ଅବସର ଭାବବିହ୍ୱଳ ହୋଇଉଠିଥିଲା। ସଭାରେ ଗ୍ରାମବାସୀ କହିଥିଲେ ଯେ, ଫଟାମୁଣ୍ଡା ଭଳି ଏକ ଛୋଟ ଗାଁରୁ ଜଣେ ଯୁବକ ଦେଶର ସୁରକ୍ଷା ବାହିନୀରେ ସାମିଲ ହେବା ସମଗ୍ର ଅଞ୍ଚଳ ପାଇଁ ଗର୍ବର ବିଷୟ। ସୁବାଷଙ୍କ ନିଷ୍ଠା, ଦେଶପ୍ରେମ ଓ କଠିନ ପରିଶ୍ରମ ଗାଁର ଅନ୍ୟ ଯୁବକମାନଙ୍କୁ ମଧ୍ୟ ଦେଶସେବା ପାଇଁ ପ୍ରେରଣା ଯୋଗାଇବ। ତାଙ୍କ ସଫଳତା ପ୍ରମାଣ କରିଛି ଯେ ଦୃଢ଼ ଇଚ୍ଛାଶକ୍ତି ଓ ପରିଶ୍ରମ ଥିଲେ ସଫଳତା ନିଶ୍ଚିତ। କାର୍ଯ୍ୟକ୍ରମରେ ଗ୍ରାମର ବୟୋଜ୍ୟେଷ୍ଠ, ମହିଳା, ଯୁବକ, ଛାତ୍ରଛାତ୍ରୀଙ୍କ ସମେତ ଗାଁର ସମସ୍ତ ଜନସାଧାରଣ ଏକଜୁଟ ହୋଇ ଯୋଗଦେଇଥିଲେ। ଯବାନଙ୍କୁ ସମ୍ମାନିତ କରିବା ଓ ତାଙ୍କ ସଫଳତାକୁ ନିଜ ଗାଁର ଗର୍ବ ଭାବେ ପାଳନ କରିବା ପାଇଁ ସମସ୍ତଙ୍କ ମଧ୍ୟରେ ବିଶେଷ ଉତ୍ସାହ ଦେଖାଯାଇଥିଲା। ଗ୍ରାମ୍ୟ କମିଟିର ସମ୍ପାଦକ ମହେନ୍ଦ୍ର ସାହୁ, କୋଷାଧ୍ୟକ୍ଷ ଅଶୋକ ମେହେରଙ୍କ ସହ ସଦସ୍ୟ ନବୀନ ମେହେର, ବିଧାନ ଗିରି, କର୍ଣ୍ଣ ବରିହା, ଅଣାକର ମେହେର, ରଙ୍ଗାଧର, ସୁନା ପ୍ରମୁଖ ଉପସ୍ଥିତ ଥିଲେ। ଶେଷରେ ଗ୍ରାମ୍ୟ କମିଟି ପକ୍ଷରୁ ସୁବାଷଙ୍କୁ ମାନପତ୍ର ପ୍ରଦାନ କରାଯାଇ ଦେଶସେବା ପାଇଁ ଶୁଭକାମନା ଜଣାଯାଇଥିଲା। ତାଙ୍କ ଦୀର୍ଘାୟୁ, ସୁସ୍ଥ ଓ ସୁରକ୍ଷିତ ଜୀବନ କାମନା କରିବା ସହ ତ୍ରିରଙ୍ଗାର ମାନ ରଖି ଦେଶ ପାଇଁ ନିଷ୍ଠାର ସହ ସେବା କରିବାକୁ ଶୁଭେଚ୍ଛା ଜଣାଯାଇଥିଲା। ସୁବାଷଙ୍କ ଏହି ସଫଳତା କେବଳ ତାଙ୍କ ପରିବାର ନୁହେଁ, ସମଗ୍ର ଫଟାମୁଣ୍ଡା ଗାଁ ପାଇଁ ଏକ ଗୌରବର ମୁହୂର୍ତ୍ତ ପାଲଟିଥିବା ବେଳେ ଗାଁର ସମସ୍ତ ଜନସାଧାରଣଙ୍କ ଏକତା ଓ ଭଲପାଇବା ଏହି ସମ୍ବର୍ଦ୍ଧନାକୁ ଆହୁରି ସ୍ମରଣୀୟ କରିଦେଇଛି।
👉 ଗୋପବନ୍ଧୁ ସେବା ସଦନର ଅନ୍ତେବାସୀଙ୍କ ସହ ସ୍ମରଣୀୟ ମୁହୂର୍ତ୍ତ ବିତାଇଲା Sahayog Padampur କୁନି କୁନି ପ୍ରତିଭାଙ୍କ ନୃତ୍ୟରେ ମନ ଜିଣିଲେ, ଭୋଜନ ସହ ବାଣ୍ଟିଲେ ଖୁସି ପଦ୍ମପୁର: ସେବା ଓ ମାନବିକତାର ଏକ ସୁନ୍ଦର ଉଦାହରଣ ସୃଷ୍ଟି କରି ତାଲପାଲି ଜନକେଡ଼ାସ୍ଥିତ ଗୋପବନ୍ଧୁ ସେବା ସଦନର କୁନି କୁନି ଅନ୍ତେବାସୀଙ୍କ ସହ ଅଭୁଲା ଓ ସ୍ମରଣୀୟ ମୁହୂର୍ତ୍ତ ବିତାଇଛି ସାମାଜିକ ଅନୁଷ୍ଠାନ Sahayog Padampur। ଏହି ଅବସରରେ ଅନ୍ତେବାସୀଙ୍କ ସହ ଭାବବିନିମୟ କରିବା ସହ ଏକାଠି ଭୋଜନ କରି ଆନନ୍ଦ ବାଣ୍ଟିଥିଲେ ଅନୁଷ୍ଠାନର ସଦସ୍ୟମାନେ। ଅନୁଷ୍ଠାନ ପକ୍ଷରୁ ଅନ୍ତେବାସୀଙ୍କ ପାଇଁ ମଧ୍ୟାହ୍ନ ଭୋଜନର ବ୍ୟବସ୍ଥା କରାଯାଇଥିବା ବେଳେ ସମସ୍ତଙ୍କୁ ସ୍କୁଲ ବ୍ୟାଗ, ଖାତା, କଲମ ଓ ଶୁଖିଲା ଖାଦ୍ୟ ବଣ୍ଟନ କରାଯାଇଥିଲା। ଏଥିସହ ସେବା ସଦନର ବ୍ୟବହାର ପାଇଁ ଏକ ସାଉଣ୍ଡ ସିଷ୍ଟମ ମଧ୍ୟ ପ୍ରଦାନ କରାଯାଇଥିଲା। କାର୍ଯ୍ୟକ୍ରମର ଅନ୍ୟତମ ଆକର୍ଷଣ ଥିଲା ସେବା ସଦନର କିଛି ପ୍ରତିଭାଶାଳୀ ଶିଶୁ କଳାକାରଙ୍କ ମନୋରମ ନୃତ୍ୟ ପରିବେଷଣ। କୁନି କୁନି ପ୍ରତିଭାଙ୍କ ଚମତ୍କାର ପରିବେଷଣ ଉପସ୍ଥିତ ସମସ୍ତଙ୍କୁ ଆନନ୍ଦିତ କରିବା ସହ ସେମାନଙ୍କ ମନ ଜିଣିଥିଲା। ଅନ୍ତେବାସୀଙ୍କ ମୁହଁରେ ହସ ଫୁଟାଇବା, ସେମାନଙ୍କ ସହ କିଛି ସମୟ ଆନନ୍ଦରେ ବିତାଇବା ଏବଂ ସମାଜ ପ୍ରତି ନିଜର ଦାୟିତ୍ୱବୋଧକୁ ଆହୁରି ସୁଦୃଢ଼ କରିବା ଥିଲା ଏହି କାର୍ଯ୍ୟକ୍ରମର ମୁଖ୍ୟ ଉଦ୍ଦେଶ୍ୟ। ଏଭଳି ପ୍ରୟାସ ସମାଜରେ ସେବା, ସହଯୋଗ ଓ ମାନବିକତାର ଭାବନାକୁ ଆହୁରି ମଜବୁତ କରିଥାଏ। ଏହି ଅବସରରେ ଗୋପବନ୍ଧୁ ସେବା ସଦନର ମୁଖ୍ୟ ପରିଚାଳକଙ୍କ ସମେତ ସମସ୍ତ କର୍ମଚାରୀଙ୍କୁ Sahayog Padampur ପକ୍ଷରୁ ଅଶେଷ ଧନ୍ୟବାଦ ଓ ହୃଦୟରୁ କୃତଜ୍ଞତା ଜଣାଯାଇଛି। ସେମାନଙ୍କ ସହଯୋଗ ଓ ଆତ୍ମୀୟତା ଯୋଗୁଁ ଅନ୍ତେବାସୀଙ୍କ ସହ ସମୟ ବିତାଇବା, ଏକାଠି ଭୋଜନ କରିବା ଓ ଅଭୁଲା ସ୍ମୃତି ସାଉଁଟିବାର ସୁଯୋଗ ମିଳିଥିବାରୁ ଅନୁଷ୍ଠାନ ପକ୍ଷରୁ ସମସ୍ତଙ୍କ ପ୍ରତି କୃତଜ୍ଞତା ପ୍ରକାଶ କରାଯାଇଛି। “ସେବା, ସମ୍ପର୍କ ଓ ସମାଜ ପାଇଁ ସମର୍ପଣ” ଏହି ମନ୍ତ୍ରକୁ ଆଧାର କରି Sahayog Padampur ଆଗାମୀ ଦିନରେ ମଧ୍ୟ ଏଭଳି ସାମାଜିକ ଓ ମାନବିକ କାର୍ଯ୍ୟକ୍ରମ ଜାରି ରଖିବାକୁ ପ୍ରତିବଦ୍ଧ ବୋଲି ଅନୁଷ୍ଠାନ ପକ୍ଷରୁ କୁହାଯାଇଛି।
👉 ସମୀର ଦିବ୍ୟାଙ୍ଗ ଆଶ୍ରମରେ Sahayog Padampurର ନୂଆଁଖାଇ ଭେଟି ଅନ୍ତେବାସୀଙ୍କ ମୁହଁରେ ଫୁଟାଇଲେ ହସ, ବାଣ୍ଟିଲେ ଖୁସି ପଦ୍ମପୁର: ମହାନ ଗଣପର୍ବ ନୂଆଁଖାଇ ଅବସରରେ ମାନବିକତା ଓ ସେବାର ଏକ ନିଆରା ଉଦାହରଣ ସୃଷ୍ଟି କରିଛି Sahayog Padampur। ପୂର୍ବବର୍ଷଗୁଡ଼ିକ ଭଳି ଚଳିତ ବର୍ଷ ମଧ୍ୟ ଅନୁଷ୍ଠାନ ପକ୍ଷରୁ ଆଗଲପୁର ବ୍ଲକ୍‌ ବାଘଝୁଲାସ୍ଥିତ ସମୀର ଦିବ୍ୟାଙ୍ଗ ଆଶ୍ରମର ଅନ୍ତେବାସୀମାନଙ୍କୁ ନୂଆଁଖାଇ ଭେଟି ପ୍ରଦାନ କରାଯାଇଛି। ଏହି ଅବସରରେ ଆଶ୍ରମର ଅନ୍ତେବାସୀଙ୍କ ପାଇଁ ରାସନ ସାମଗ୍ରୀ ସହ ଶୁଖିଲା ଖାଦ୍ୟ ପ୍ରଦାନ କରାଯାଇଥିଲା। ଏଥିସହ Sahayog Padampurର ସଦସ୍ୟମାନେ ଆଶ୍ରମର ଅନ୍ତେବାସୀଙ୍କ ସହ ସମୟ ବିତାଇ ନୂଆଁଖାଇର ଖୁସି ବାଣ୍ଟିଥିଲେ। ସଦସ୍ୟମାନଙ୍କ ଏହି ଆତ୍ମୀୟତା ଓ ସ୍ନେହଭରା ଉପସ୍ଥିତି ଅନ୍ତେବାସୀମାନଙ୍କ ମୁହଁରେ ହସ ଫୁଟାଇଥିଲା। ନୂଆଁଖାଇର ଖୁସିକୁ ସମାଜର ସମସ୍ତଙ୍କ ସହ ବାଣ୍ଟିବାର ଏହି ପ୍ରୟାସ ସେବା, ସହଯୋଗ ଓ ମାନବିକତାର ଏକ ସୁନ୍ଦର ବାର୍ତ୍ତା ଦେଇଛି।
👉 ପୁଣେରେ ପ୍ରବାସୀ ଓଡ଼ିଆଙ୍କ ଜନ୍ମାଷ୍ଟମୀ ଉତ୍ସବ ‘ଲୋକ କଳା ରତ୍ନ’ ଓ ‘ଭକ୍ତି ସାଗର’ ଉପାଧିରେ ଦୁଇ କଳାକାର ସମ୍ମାନିତ ପୁଣେ, ୪ ସେପ୍ଟେମ୍ବର: ମହାରାଷ୍ଟ୍ରର ପୁଣେ ଭୋସାରୀଠାରେ ପ୍ରବାସୀ ଓଡ଼ିଆଙ୍କ ପକ୍ଷରୁ ଭବ୍ୟ ଜନ୍ମାଷ୍ଟମୀ ଉତ୍ସବ ଆୟୋଜିତ ହୋଇଯାଇଛି। ଏହି ଅବସରରେ ଓଡ଼ିଶାର ଲୋକକଳା ଓ ଭକ୍ତି ସଂସ୍କୃତିର ପ୍ରଚାର-ପ୍ରସାରରେ ଅବଦାନ ପାଇଁ ଦୁଇଜଣ ପ୍ରତିଭାବାନ କଳାକାରଙ୍କୁ ସ୍ୱତନ୍ତ୍ର ସମ୍ମାନରେ ସମ୍ମାନିତ କରାଯାଇଛି। ଉତ୍ସବର ଭବ୍ୟ ସମାରୋହରେ ସଙ୍ଗୀତ ଗୁରୁ ସୁରେନ୍ଦ୍ର ସାହୁ ଙ୍କୁ ‘ଲୋକ କଳା ରତ୍ନ’ ଉପାଧିରେ ସମ୍ମାନିତ କରାଯାଇଥିବା ବେଳେ ବାଣୀକଣ୍ଠ ଦୁଃଖିଶ୍ୟାମ ତ୍ରିପାଠୀଙ୍କୁ ‘ଭକ୍ତି ସାଗର’ ଉପାଧିରେ ସମ୍ମାନିତ କରାଯାଇଛି। ଏହି ସମ୍ମାନ ଓଡ଼ିଆ ଲୋକକଳା, ସଙ୍ଗୀତ ଏବଂ ଭକ୍ତି ପରମ୍ପରାକୁ ଆହୁରି ସମୃଦ୍ଧ କରିବା ସହ କଳାକାରମାନଙ୍କୁ ନୂଆ ପ୍ରେରଣା ଯୋଗାଇବ ବୋଲି ଉପସ୍ଥିତ ପ୍ରବାସୀ ଓଡ଼ିଆମାନେ ମତ ପ୍ରକାଶ କରିଥିଲେ। ଏହି ଭବ୍ୟ ଆୟୋଜନକୁ ସଫଳ କରିଥିବା ଉତ୍ସବର ସମସ୍ତ କର୍ମକର୍ତ୍ତା, ଆୟୋଜକ ଓ ସହଯୋଗୀମାନଙ୍କୁ ବୋଡ଼ାସମ୍ବରବାସୀଙ୍କ ପକ୍ଷରୁ ଅନ୍ତରିକ କୃତଜ୍ଞତା ଓ ଧନ୍ୟବାଦ ଜ୍ଞାପନ କରାଯାଇଛି।
Video 19
👉 ଦୁର୍ଘଟଣାସ୍ଥଳରେ ମାନବିକତାର ଉଦାହରଣ ଆହତ ଶିଶୁକୁ ଉଦ୍ଧାର କରି ଘରେ ପହଞ୍ଚାଇଲେ ଯୁବ କାଉନ୍ସିଲର ଓ ସାଥୀମାନେ ବରପାଲି/ବିଜେପୁର, ୭ ସେପ୍ଟେମ୍ବର: ବରପାଲିରେ ଏକ କାର୍ଯ୍ୟକ୍ରମରୁ ଫେରୁଥିବା ସମୟରେ ବିଜେପୁର ନିକଟରେ ଏକ ଦୁର୍ଘଟଣା ଦେଖି ମାନବିକତାର ପରିଚୟ ଦେଇଛନ୍ତି ଯୁବନେତା ତଥା କାଉନ୍ସିଲର ଇଂ. କୁନାଲ ପଣିଗ୍ରାହୀ ଓ ତାଙ୍କ ସହଯୋଗୀମାନେ। ସୂଚନାନୁସାରେ, ଇଂ. କୁନାଲ ପଣିଗ୍ରାହୀଙ୍କ ସହ ଯୁବମୋର୍ଚ୍ଚା ଜିଲ୍ଲା ଉପ-ସଭାପତି ମଣ୍ଟୁ ପାଣ୍ଡେ, ଜିଲ୍ଲା ସଂଯୋଜକ ଲକ୍ଷ୍ମୀକାନ୍ତ ବରିହା, ଭିକାରୀ ଗଡ଼ତିଆ, ସୁରେଶ ମହେର ଓ ଅରବିନ୍ଦ ସାହା ଯାଉଥିବା ବେଳେ ରାସ୍ତା ପାର୍ଶ୍ୱରେ ଏକ ଦୁର୍ଘଟଣା ଘଟିଥିବା ଦେଖିଥିଲେ। ତୁରନ୍ତ ଗାଡ଼ି ଅଟକାଇ ସେମାନେ ଉଦ୍ଧାର କାର୍ଯ୍ୟରେ ଲାଗିପଡ଼ିଥିଲେ। ଦୁର୍ଘଟଣାରେ ଜଣେ ଶିଶୁ ଚାଷଜମି ନିକଟରେ ପ୍ରାୟ ୧୦ ଫୁଟ୍ ତଳକୁ ପଡ଼ିଯାଇଥିବା ଦେଖି ସେମାନେ ସାବଧାନତାର ସହ ଶିଶୁଟିକୁ ଉଦ୍ଧାର କରି ଉପରକୁ ଆଣିଥିଲେ। ପରେ ଶିଶୁର ସ୍ୱାସ୍ଥ୍ୟାବସ୍ଥା ବୁଝିବା ସହ ଆବଶ୍ୟକ ସ୍ୱାସ୍ଥ୍ୟ ପରୀକ୍ଷା କରାଇଥିଲେ। ଏହାପରେ ଶିଶୁ ଓ ପରିବାରକୁ ସୁରକ୍ଷିତ ଭାବେ ଘରକୁ ଫେରାଇବାରେ ମଧ୍ୟ ସହଯୋଗ କରିଥିଲେ। ଉଦ୍ଧାର କାର୍ଯ୍ୟ ସମୟରେ ଇଂ. କୁନାଲ ପଣିଗ୍ରାହୀଙ୍କ ହାତରେ ମଧ୍ୟ ଆଘାତ ଲାଗିଥିବା ଜଣାପଡ଼ିଛି। ତଥାପି ନିଜ ଆଘାତକୁ ଗୁରୁତ୍ୱ ନଦେଇ ପ୍ରଥମେ ଅସହାୟ ଶିଶୁର ସୁରକ୍ଷାକୁ ପ୍ରାଥମିକତା ଦେଇଥିଲେ। ସଙ୍କଟ ସମୟରେ ନିଜ ସୁରକ୍ଷା ଓ ସୁବିଧାକୁ ପଛକୁ ରଖି ଅସହାୟଙ୍କ ପାଇଁ ଆଗକୁ ଆସିବା ହିଁ ପ୍ରକୃତ ମାନବିକତା। ବିଜେପୁର ନିକଟର ଏହି ଘଟଣାରେ ଇଂ. କୁନାଲ ପଣିଗ୍ରାହୀ ଓ ତାଙ୍କ ସାଥୀମାନଙ୍କ ଏହି ପଦକ୍ଷେପ ମାନବିକତା, ସାହସ ଓ ସମ୍ବେଦନଶୀଳତାର ଏକ ପ୍ରେରଣାଦାୟକ ଉଦାହରଣ ପାଲଟିଛି।
👉 ପଦ୍ମପୁରର ପରିଚିତ ବ୍ୟକ୍ତି ଅବଦୁଲ କମାଲ ହୁସେନ ଖାନଙ୍କ ପରଲୋକ ପଦ୍ମପୁର ସହର ତଥା ଆଖପାଖ ଅଞ୍ଚଳର ଜଣାଶୁଣା ଓ ସରଳ, ଅମାୟିକ ବ୍ୟକ୍ତି ପୁରେନା ଗ୍ରାମର ଅବଦୁଲ କମାଲ ହୁସେନ ଖାନଙ୍କ ଦେହାନ୍ତ ହୋଇଯାଇଛି। ତାଙ୍କ ବିୟୋଗରେ ପଦ୍ମପୁର ଅଞ୍ଚଳରେ ଶୋକର ଛାୟା ଖେଳିଯାଇଛି। ଜଣେ ଭଲ ମଣିଷ ଭାବେ ସେ ସମସ୍ତଙ୍କ ସହ ସୁସମ୍ପର୍କ ରଖିବା ସହ ନିଜର ସରଳତା, ଭଦ୍ରତା ଓ ମିଷ୍ଟଭାଷୀ ସ୍ୱଭାବ ପାଇଁ ପରିଚିତ ଥିଲେ। ତାଙ୍କ ବିୟୋଗ ଅଞ୍ଚଳବାସୀଙ୍କ ପାଇଁ ଏକ ଅପୂରଣୀୟ କ୍ଷତି। ତାଙ୍କ ମୃତ୍ୟୁ ଖବର ପାଇ ପରିବାର, ବନ୍ଧୁବର୍ଗ, ପରିଚିତ ଓ ଶୁଭେଚ୍ଛୁମାନଙ୍କ ମଧ୍ୟରେ ଗଭୀର ଶୋକ ପ୍ରକାଶ ପାଇଛି। ସମସ୍ତେ ତାଙ୍କ ଅମର ଆତ୍ମାର ସଦ୍‌ଗତି କାମନା କରିବା ସହ ଶୋକସନ୍ତପ୍ତ ପରିବାରକୁ ଧୈର୍ଯ୍ୟ ଓ ସାନ୍ତ୍ୱନା ପ୍ରଦାନ ପାଇଁ ପ୍ରାର୍ଥନା କରିଛନ୍ତି। ଅବଦୁଲ କମାଲ ହୁସେନ ଖାନଙ୍କ ବିୟୋଗରେ ପଦ୍ମପୁର ଅଞ୍ଚଳ ଜଣେ ଭଲ ମଣିଷଙ୍କୁ ହରାଇଲା।
👉 ଟଙ୍କିକିଆ କ୍ଲିନିକ୍‌ରେ ଏକ ଟଙ୍କାରେ ବାଇପାପ ଭେଣ୍ଟିଲେଟର ସେବା ଆରମ୍ଭ ପଦ୍ମପୁର, ୬ ସେପ୍ଟେମ୍ବର: ଗରିବ ଓ ଅସହାୟ ରୋଗୀଙ୍କ ପାଇଁ ଚିକିତ୍ସା ସେବାକୁ ଆହୁରି ସୁଲଭ କରିବା ଲକ୍ଷ୍ୟରେ ‘ଟଙ୍କିକିଆ କ୍ଲିନିକ୍’ରେ ଆରମ୍ଭ ହୋଇଛି ଆଉ ଏକ ନୂଆ ସେବା। ଏଣିକି ଅତ୍ୟନ୍ତ ଗରିବ ରୋଗୀମାନେ ମାତ୍ର ଏକ ଟଙ୍କାରେ ବାଇପାପ ଭେଣ୍ଟିଲେଟର ସେବା ପାଇପାରିବେ। ଏହି ସେବାର ଶୁଭାରମ୍ଭ ଅବସରରେ ଜଣେ ଶ୍ୱାସ ସମ୍ପର୍କୀୟ ରୋଗୀଙ୍କୁ ପ୍ରଥମ ବାଇପାପ ଭେଣ୍ଟିଲେଟର ଲଗାଯାଇଥିଲା। ଡା. ଶଙ୍କର ରାମଚନ୍ଦାନୀଙ୍କ ମା’ ଲାଜବନ୍ତୀ ରାମଚନ୍ଦାନୀଙ୍କ ସ୍ମୃତିରେ ୨୦୨୧ ମସିହା ଫେବୃଆରୀ ୧୨ ତାରିଖରେ ଏହି ଟଙ୍କିକିଆ କ୍ଲିନିକ୍‌ର ଶୁଭାରମ୍ଭ ହୋଇଥିଲା। ପ୍ରଥମେ ଏକ ଟଙ୍କାରେ ଚିକିତ୍ସା ସେବା ଦିଆଯାଉଥିବାବେଳେ ପରବର୍ତ୍ତୀ ସମୟରେ ଏକ ଟଙ୍କାରେ ଔଷଧ, ଇସିଜି, ନେବୁଲାଇଜର, ସ୍ପାଇରୋମେଟ୍ରି ଓ ଦାନ୍ତ ଚିକିତ୍ସା ଭଳି ବିଭିନ୍ନ ସେବା ଯୋଡ଼ାଯାଇଥିଲା। କ୍ଲିନିକ୍ ପକ୍ଷରୁ ଦିଆଯାଇଥିବା ସୂଚନା ଅନୁସାରେ, ଏପର୍ଯ୍ୟନ୍ତ ପ୍ରାୟ ୧.୫୬ ଲକ୍ଷ ରୋଗୀ ଏହି ସେବାରୁ ଉପକୃତ ହୋଇଛନ୍ତି। ନୂଆ କରି ଆରମ୍ଭ ହୋଇଥିବା ବାଇପାପ ସେବା ଶ୍ୱାସଜନିତ ସମସ୍ୟାରେ ପୀଡ଼ିତ ଗରିବ ରୋଗୀଙ୍କ ପାଇଁ ଏକ ବଡ଼ ସହାୟତା ହେବ ବୋଲି କୁହାଯାଇଛି। ଗୁରୁଦିବସକୁ ଧ୍ୟାନରେ ରଖି ଏହି ସେବାର ଶୁଭାରମ୍ଭ କରାଯାଇଥିଲା। ଏହି ଅବସରରେ ଡା. ରାମଚନ୍ଦାନୀ କହିଥିଲେ ଯେ, ଜଣେ ଡାକ୍ତର ରୋଗୀଙ୍କଠାରୁ ମଧ୍ୟ ଅନେକ କିଛି ଶିକ୍ଷା ଅର୍ଜନ କରିଥାନ୍ତି। ଏହି କାର୍ଯ୍ୟକ୍ରମରେ ଡା. ରାମଚନ୍ଦାନୀଙ୍କ ପତ୍ନୀ ଡା. ଶିଖା ରାମଚନ୍ଦାନୀଙ୍କ ସମେତ ବଡ଼ ଭଉଣୀ ସୁଜାତା ମସନ୍ଦ, ବରିଷ୍ଠ ସାମ୍ବାଦିକ ପ୍ରିୟରଞ୍ଜନ ସାହୁ, ସମାଜସେବୀ ଆଲୋକ ଗିରି, କରୁଣା ପଟେଲ, ଅଟଳ ଦୋରା ଓ ଶୁଭଶ୍ରୀ ମେହେର ପ୍ରମୁଖ ଉପସ୍ଥିତ ଥିଲେ। ଏହି ଅବସରରେ ଶୁଭଶ୍ରୀ ମେହେର ତାଙ୍କ ସ୍ୱର୍ଗତ ପିତା ହରିଶ୍ଚନ୍ଦ୍ର ମେହେରଙ୍କ ସ୍ମୃତିରେ ଭେଣ୍ଟିଲେଟର ସେବା ପାଇଁ ଆର୍ଥିକ ସହାୟତା ପ୍ରଦାନ କରିଥିଲେ। ଗରିବ ଲୋକଙ୍କ ପାଇଁ ଏଭଳି ନିଃସ୍ୱାର୍ଥ ସେବା ଚିକିତ୍ସା କ୍ଷେତ୍ରରେ ମାନବିକତାର ଏକ ଉଦାହରଣ ସୃଷ୍ଟି କରିଛି।
👉 🐘 ହାତୀ ଉପସ୍ଥିତି ନେଇ ସତର୍କତା ପଦ୍ମପୁର ବନାଞ୍ଚଳ ଅଧୀନ ପୁରେନା, ସତୀଭଟା ଓ ଠୁଟିଡୁଙ୍ଗୁରି ଅଞ୍ଚଳରେ ହାତୀ ଥିବା ସୂଚନା ମିଳିଛି। ବନବିଭାଗ ପକ୍ଷରୁ ଦର୍ବେକେଲା, ପୁରେନା, ମୁରହାପାଲି, ଦର୍ଲିପାଲି, ବାଗେଇଜୁରୀ, ସାଲେଗିଡି, ସତୀଭଟା, ଦେଉଳି, ଖୁଣ୍ଟପାଳି ଓ କୁଧରେନପାଳି ଆଦି ଗାଁରେ ସଚେତନତା ସୃଷ୍ଟି କରାଯାଇଛି। ହାତୀକୁ ଦେଖିଲେ ନିକଟକୁ ନଯାଇ ତୁରନ୍ତ ପଦ୍ମପୁର ବନାଞ୍ଚଳ କାର୍ଯ୍ୟାଳୟକୁ ଖବର ଦେବାକୁ ବନବିଭାଗ ପକ୍ଷରୁ ଅନୁରୋଧ କରାଯାଇଛି। ସଚେତନ ରୁହନ୍ତୁ, ସୁରକ୍ଷିତ ରୁହନ୍ତୁ। 🐘🌳
ABCD ଅନୁଷ୍ଠାନ ତରଫରୁ ପ୍ରତିଯୋଗିତା