ବିଜିଡ଼ି କଲେଜ ଯୁବ ରେଡକ୍ରସ ଶାଖା ପକ୍ଷରୁ ବୃକ୍ଷରୋପଣ କାର୍ଯ୍ଯକ୍ରମ
କୁଚିଣ୍ଡା : ସମ୍ବଲପୁର ଜିଲ୍ଲା କୁଚିଣ୍ଡା ଉପଖଣ୍ଡ କେଶାଇବାହାଲ ସ୍ଥିତ ବାସୁଦେବ ଗୋଦାବରୀ ଡିଗ୍ରୀ କଲେଜ କେଶାଇବାହାଲ ଠାରେ ଯୁବ ରେଡକ୍ରସ ଶାଖା କାଉନସିଲର ହରେଶ କୁମାର ସାହୁଙ୍କ ପ୍ରତ୍ୟକ୍ଷ ତତ୍ତ୍ବାବଧାନରେ ଛାତ୍ରୀ ନିବାସ ଅଗଣା ରେ ବୃକ୍ଷରୋପଣ କାର୍ଯ୍ଯକ୍ରମ ଅନୁଷ୍ଠିତ ହୋଇଯାଇଛି ।କଲେଜ ଅଧ୍ୟକ୍ଷ୍ୟ ଶ୍ରୀ ଦୟାସାଗର ପ୍ରଧାନ ରେଡ୍ କ୍ରସ୍ ସ୍ୱେଚ୍ଛାସେବୀ ତଥା ଛାତ୍ରୀ ନିବାସ ଅନ୍ତେବାସୀ ମାନଙ୍କ ଗହଣ ରେ ବିଭିନ୍ନ ପ୍ରଜାତିର ଆମ୍ବ ଗଛ, ଲିଚୁ, ପିଜୁଳି ଓ ନଡ଼ିଆ ଗଚ୍ଛ ରୋପଣ କରି ଥିଲେ ।କେଶାଇବାହାଲ ଅଞ୍ଚଳର ପ୍ରକୃତି ବନ୍ଧୁ ଓ ପ୍ରକୃତି ମିତ୍ର ପୁରସ୍କାର ପ୍ରାପ୍ତ ରବିନ୍ଦ୍ର କୁମାର ଦାସ, ତୁଳସୀ ମଞ୍ଜରୀ ବହିଦାର୍, ପଣ୍ଡିତ ଅଲେଖ କୁମାର ପତି, ପ୍ରଭାତ ନାଏକଙ୍କ ସମେତ କଲେଜର କର୍ମଚାରୀ ବୁଦ୍ଧଦେବ କିଷାନ, ଅଶ୍ୱନୀ ବାଘ ଓ ସତ୍ୟଭାମା ମାଝୀ ବୃକ୍ଷ ରୋପଣ କାର୍ଯ୍ୟକ୍ରମ ରେ ସକ୍ରିୟ ଅଂଶ ଗ୍ରହଣ କରିବା ସହିତ ଛାତ୍ର ଛାତ୍ରୀ ମାନଙ୍କୁ ନିଜ ଘରେ ନିଜ ଜନ୍ମ ଦିନ ମାନଙ୍କରେ ସ୍ଵତନ୍ତ୍ର ଭାବେ ବୃକ୍ଷ ରୋପଣ କରିବା ପାଇଁ ଉତ୍ସାହିତ କରିଥିଲେ l
