📍देशी दारूची वाहतूक करणारा ताब्यात

२३ बॉक्समधील २,३०० बाटल्या आणि आल्टो कार असा २.४२ लाखांचा मुद्देमाल जप्त; स्थानिक गुन्हे शाखेची कारवाई

लातूर : जिल्ह्यात अवैध दारू विक्री व वाहतुकीविरुद्ध लातूर पोलिसांकडून सुरू असलेल्या मोहिमेत स्थानिक गुन्हे शाखेने मोठी कारवाई केली. मांजरा कारखाना ते चिंचोली जाणाऱ्या रस्त्यावर सापळा रचून देशी दारूची विनापरवाना वाहतूक करणाऱ्या एका व्यक्तीला ताब्यात घेण्यात आले. त्याच्याकडून २३ बॉक्समधील २ हजार ३०० बाटल्या आणि दारू वाहतुकीसाठी वापरण्यात आलेली आल्टो कार असा एकूण २ लाख ४२ हजार रुपयांचा मुद्देमाल जप्त करण्यात आला.

दि. २४ ऑगस्ट रोजी सकाळी स्थानिक गुन्हे शाखेच्या पथकाने मांजरा कारखाना ते चिंचोली रस्त्यावर सापळा लावला होता. सकाळी सुमारे ७.४० वाजता एमएच-२४-सी-७९५४ क्रमांकाची आल्टो कार संशयावरून थांबवून चालकाची चौकशी व वाहनाची झडती घेण्यात आली.

यावेळी कारमध्ये खाकी रंगाचे २३ बॉक्स आढळून आले. प्रत्येक बॉक्समध्ये ९० एमएल क्षमतेच्या ‘सिमला संत्रा’ देशी दारूच्या १०० सिलबंद बाटल्या असल्याचे आढळले. एकूण २ हजार ३०० बाटल्यांची किंमत ९२ हजार रुपये, तर दारू वाहतुकीसाठी वापरण्यात आलेल्या मारुती सुझुकी आल्टो कारची किंमत १ लाख ५० हजार रुपये असा एकूण २ लाख ४२ हजार रुपयांचा मुद्देमाल पोलिसांनी जप्त केला.

या कारवाईत बालाजी प्रभाकर दुडलेवार (वय ४३, रा. शर्मा नगर, औराद, ता. निलंगा, जि. लातूर; सध्या रा. महादेव नगर, १२ नंबर पाटी, लातूर) याला ताब्यात घेण्यात आले. दारूची वाहतूक अथवा विक्री करण्यासाठी कोणताही वैध पास किंवा परवाना नसल्याचे निष्पन्न झाल्याने त्याच्याविरुद्ध महाराष्ट्र दारूबंदी कायद्यानुसार कलम ६५(अ)(ई), ८१ व ८३ अन्वये कायदेशीर कारवाई करण्यात आली आहे.

ही कारवाई पोलीस अधीक्षक अमोल तांबे व अपर पोलीस अधीक्षक मंगेश चव्हाण यांच्या मार्गदर्शनाखाली स्थानिक गुन्हे शाखेचे पोलीस निरीक्षक सुधाकर बावकर यांच्या नेतृत्वातील पथकाने केली. पथकात पोलीस अंमलदार अर्जुनसिंग राजपूत, रियाज सौदागर, मनोज भारत खोसे, विजय पाटील आणि प्रविण कोळसुरे यांचा समावेश होता.

जिल्ह्यात अवैध दारू विक्री, वाहतूक आणि इतर अवैध धंद्यांविरुद्ध पोलिसांची कारवाई अधिक तीव्र करण्यात येणार असून, नागरिकांनी अशा प्रकारच्या अवैध व्यवसायांची माहिती पोलिसांना देऊन सहकार्य करावे, असे आवाहन लातूर पोलिसांकडून करण्यात आले आहे.

📍देशी दारूची वाहतूक करणारा ताब्यात २३ बॉक्समधील २,३०० बाटल्या आणि आल्टो कार असा २.४२ लाखांचा मुद्देमाल जप्त; स्थानिक गुन्हे शाखेची कारवाई लातूर : जिल्ह्यात अवैध दारू विक्री व वाहतुकीविरुद्ध लातूर पोलिसांकडून सुरू असलेल्या मोहिमेत स्थानिक गुन्हे शाखेने मोठी कारवाई केली. मांजरा कारखाना ते चिंचोली जाणाऱ्या रस्त्यावर सापळा रचून देशी दारूची विनापरवाना वाहतूक करणाऱ्या एका व्यक्तीला ताब्यात घेण्यात आले. त्याच्याकडून २३ बॉक्समधील २ हजार ३०० बाटल्या आणि दारू वाहतुकीसाठी वापरण्यात आलेली आल्टो कार असा एकूण २ लाख ४२ हजार रुपयांचा मुद्देमाल जप्त करण्यात आला. दि. २४ ऑगस्ट रोजी सकाळी स्थानिक गुन्हे शाखेच्या पथकाने मांजरा कारखाना ते चिंचोली रस्त्यावर सापळा लावला होता. सकाळी सुमारे ७.४० वाजता एमएच-२४-सी-७९५४ क्रमांकाची आल्टो कार संशयावरून थांबवून चालकाची चौकशी व वाहनाची झडती घेण्यात आली. यावेळी कारमध्ये खाकी रंगाचे २३ बॉक्स आढळून आले. प्रत्येक बॉक्समध्ये ९० एमएल क्षमतेच्या ‘सिमला संत्रा’ देशी दारूच्या १०० सिलबंद बाटल्या असल्याचे आढळले. एकूण २ हजार ३०० बाटल्यांची किंमत ९२ हजार रुपये, तर दारू वाहतुकीसाठी वापरण्यात आलेल्या मारुती सुझुकी आल्टो कारची किंमत १ लाख ५० हजार रुपये असा एकूण २ लाख ४२ हजार रुपयांचा मुद्देमाल पोलिसांनी जप्त केला. या कारवाईत बालाजी प्रभाकर दुडलेवार (वय ४३, रा. शर्मा नगर, औराद, ता. निलंगा, जि. लातूर; सध्या रा. महादेव नगर, १२ नंबर पाटी, लातूर) याला ताब्यात घेण्यात आले. दारूची वाहतूक अथवा विक्री करण्यासाठी कोणताही वैध पास किंवा परवाना नसल्याचे निष्पन्न झाल्याने त्याच्याविरुद्ध महाराष्ट्र दारूबंदी कायद्यानुसार कलम ६५(अ)(ई), ८१ व ८३ अन्वये कायदेशीर कारवाई करण्यात आली आहे. ही कारवाई पोलीस अधीक्षक अमोल तांबे व अपर पोलीस अधीक्षक मंगेश चव्हाण यांच्या मार्गदर्शनाखाली स्थानिक गुन्हे शाखेचे पोलीस निरीक्षक सुधाकर बावकर यांच्या नेतृत्वातील पथकाने केली. पथकात पोलीस अंमलदार अर्जुनसिंग राजपूत, रियाज सौदागर, मनोज भारत खोसे, विजय पाटील आणि प्रविण कोळसुरे यांचा समावेश होता. जिल्ह्यात अवैध दारू विक्री, वाहतूक आणि इतर अवैध धंद्यांविरुद्ध पोलिसांची कारवाई अधिक तीव्र करण्यात येणार असून, नागरिकांनी अशा प्रकारच्या अवैध व्यवसायांची माहिती पोलिसांना देऊन सहकार्य करावे, असे आवाहन लातूर पोलिसांकडून करण्यात आले आहे.

Latur, Latur | Aug 25, 2026

MORE NEWS