கண்டமங்கலம் கோயில் நிதி முறைகேடு புகார்: தொடர் காத்திருப்புப் போராட்டம் நடத்த முடிவு!
விழுப்புரம் மாவட்டம், கண்டமங்கலம்:
கண்டமங்கலத்தில் உள்ள அருள்மிகு குருசாமி அம்மாள் மடம் மற்றும் வள்ளலார் திருக்கோயில் நிலம் தேசிய நெடுஞ்சாலை விரிவாக்கத்திற்காகக் கையகப்படுத்தப்பட்டதற்கான இழப்பீட்டுத் தொகை மற்றும் கோயில் நிதியில் முறைகேடு நடைபெற்றுள்ளதாகப் புகார் எழுந்துள்ளது.
மொத்தம் ரூ.5.26 கோடிக்கும் அதிகமான நிதி இருந்த நிலையில், ரூ.1,27,67,021 அளவுக்குப் பணம் கையாடல் செய்யப்பட்டுள்ளதாகக் குற்றச்சாட்டு முன்வைக்கப்பட்டுள்ளது. மேலும், கோயில் கட்டுமானப் பணிகள் முழுமையடையாமல் இருப்பதாகவும், நிதி முறைகேடு தொடர்பாக உரிய நடவடிக்கை எடுக்கப்படவில்லை என்றும் பொதுமக்கள் தரப்பில் தெரிவிக்கப்பட்டுள்ளது.
எனவே, சம்பந்தப்பட்ட அறநிலையத்துறை அதிகாரிகள், தக்கார் மற்றும் தொடர்புடைய நபர்கள் மீது உரிய விசாரணை நடத்தி, முறைகேடு உறுதி செய்யப்பட்டால் சட்டப்படி நடவடிக்கை எடுக்கவும், கோயில் நிதியை மீட்கவும் வலியுறுத்தி தொடர் காத்திருப்புப் போராட்டம் நடத்த முடிவு செய்யப்பட்டுள்ளது.
போராட்டத்திற்கான தேதி விரைவில் அறிவிக்கப்படும் என ஊர் பொதுமக்கள் மற்றும் பக்தர்கள் தரப்பில் தெரிவிக்கப்பட்டுள்ளது.
