👉 ଟଙ୍କିକିଆ କ୍ଲିନିକ୍‌ରେ ଏକ ଟଙ୍କାରେ ବାଇପାପ ଭେଣ୍ଟିଲେଟର ସେବା ଆରମ୍ଭ

ପଦ୍ମପୁର, ୬ ସେପ୍ଟେମ୍ବର: ଗରିବ ଓ ଅସହାୟ ରୋଗୀଙ୍କ ପାଇଁ ଚିକିତ୍ସା ସେବାକୁ ଆହୁରି ସୁଲଭ କରିବା ଲକ୍ଷ୍ୟରେ ‘ଟଙ୍କିକିଆ କ୍ଲିନିକ୍’ରେ ଆରମ୍ଭ ହୋଇଛି ଆଉ ଏକ ନୂଆ ସେବା। ଏଣିକି ଅତ୍ୟନ୍ତ ଗରିବ ରୋଗୀମାନେ ମାତ୍ର ଏକ ଟଙ୍କାରେ ବାଇପାପ ଭେଣ୍ଟିଲେଟର ସେବା ପାଇପାରିବେ। ଏହି ସେବାର ଶୁଭାରମ୍ଭ ଅବସରରେ ଜଣେ ଶ୍ୱାସ ସମ୍ପର୍କୀୟ ରୋଗୀଙ୍କୁ ପ୍ରଥମ ବାଇପାପ ଭେଣ୍ଟିଲେଟର ଲଗାଯାଇଥିଲା।
ଡା. ଶଙ୍କର ରାମଚନ୍ଦାନୀଙ୍କ ମା’ ଲାଜବନ୍ତୀ ରାମଚନ୍ଦାନୀଙ୍କ ସ୍ମୃତିରେ ୨୦୨୧ ମସିହା ଫେବୃଆରୀ ୧୨ ତାରିଖରେ ଏହି ଟଙ୍କିକିଆ କ୍ଲିନିକ୍‌ର ଶୁଭାରମ୍ଭ ହୋଇଥିଲା। ପ୍ରଥମେ ଏକ ଟଙ୍କାରେ ଚିକିତ୍ସା ସେବା ଦିଆଯାଉଥିବାବେଳେ ପରବର୍ତ୍ତୀ ସମୟରେ ଏକ ଟଙ୍କାରେ ଔଷଧ, ଇସିଜି, ନେବୁଲାଇଜର, ସ୍ପାଇରୋମେଟ୍ରି ଓ ଦାନ୍ତ ଚିକିତ୍ସା ଭଳି ବିଭିନ୍ନ ସେବା ଯୋଡ଼ାଯାଇଥିଲା।
କ୍ଲିନିକ୍ ପକ୍ଷରୁ ଦିଆଯାଇଥିବା ସୂଚନା ଅନୁସାରେ, ଏପର୍ଯ୍ୟନ୍ତ ପ୍ରାୟ ୧.୫୬ ଲକ୍ଷ ରୋଗୀ ଏହି ସେବାରୁ ଉପକୃତ ହୋଇଛନ୍ତି। ନୂଆ କରି ଆରମ୍ଭ ହୋଇଥିବା ବାଇପାପ ସେବା ଶ୍ୱାସଜନିତ ସମସ୍ୟାରେ ପୀଡ଼ିତ ଗରିବ ରୋଗୀଙ୍କ ପାଇଁ ଏକ ବଡ଼ ସହାୟତା ହେବ ବୋଲି କୁହାଯାଇଛି।
ଗୁରୁଦିବସକୁ ଧ୍ୟାନରେ ରଖି ଏହି ସେବାର ଶୁଭାରମ୍ଭ କରାଯାଇଥିଲା। ଏହି ଅବସରରେ ଡା. ରାମଚନ୍ଦାନୀ କହିଥିଲେ ଯେ, ଜଣେ ଡାକ୍ତର ରୋଗୀଙ୍କଠାରୁ ମଧ୍ୟ ଅନେକ କିଛି ଶିକ୍ଷା ଅର୍ଜନ କରିଥାନ୍ତି।
ଏହି କାର୍ଯ୍ୟକ୍ରମରେ ଡା. ରାମଚନ୍ଦାନୀଙ୍କ ପତ୍ନୀ ଡା. ଶିଖା ରାମଚନ୍ଦାନୀଙ୍କ ସମେତ ବଡ଼ ଭଉଣୀ ସୁଜାତା ମସନ୍ଦ, ବରିଷ୍ଠ ସାମ୍ବାଦିକ ପ୍ରିୟରଞ୍ଜନ ସାହୁ, ସମାଜସେବୀ ଆଲୋକ ଗିରି, କରୁଣା ପଟେଲ, ଅଟଳ ଦୋରା ଓ ଶୁଭଶ୍ରୀ ମେହେର ପ୍ରମୁଖ ଉପସ୍ଥିତ ଥିଲେ।
ଏହି ଅବସରରେ ଶୁଭଶ୍ରୀ ମେହେର ତାଙ୍କ ସ୍ୱର୍ଗତ ପିତା ହରିଶ୍ଚନ୍ଦ୍ର ମେହେରଙ୍କ ସ୍ମୃତିରେ ଭେଣ୍ଟିଲେଟର ସେବା ପାଇଁ ଆର୍ଥିକ ସହାୟତା ପ୍ରଦାନ କରିଥିଲେ। ଗରିବ ଲୋକଙ୍କ ପାଇଁ ଏଭଳି ନିଃସ୍ୱାର୍ଥ ସେବା ଚିକିତ୍ସା କ୍ଷେତ୍ରରେ ମାନବିକତାର ଏକ ଉଦାହରଣ ସୃଷ୍ଟି କରିଛି।

👉 ଟଙ୍କିକିଆ କ୍ଲିନିକ୍‌ରେ ଏକ ଟଙ୍କାରେ ବାଇପାପ ଭେଣ୍ଟିଲେଟର ସେବା ଆରମ୍ଭ ପଦ୍ମପୁର, ୬ ସେପ୍ଟେମ୍ବର: ଗରିବ ଓ ଅସହାୟ ରୋଗୀଙ୍କ ପାଇଁ ଚିକିତ୍ସା ସେବାକୁ ଆହୁରି ସୁଲଭ କରିବା ଲକ୍ଷ୍ୟରେ ‘ଟଙ୍କିକିଆ କ୍ଲିନିକ୍’ରେ ଆରମ୍ଭ ହୋଇଛି ଆଉ ଏକ ନୂଆ ସେବା। ଏଣିକି ଅତ୍ୟନ୍ତ ଗରିବ ରୋଗୀମାନେ ମାତ୍ର ଏକ ଟଙ୍କାରେ ବାଇପାପ ଭେଣ୍ଟିଲେଟର ସେବା ପାଇପାରିବେ। ଏହି ସେବାର ଶୁଭାରମ୍ଭ ଅବସରରେ ଜଣେ ଶ୍ୱାସ ସମ୍ପର୍କୀୟ ରୋଗୀଙ୍କୁ ପ୍ରଥମ ବାଇପାପ ଭେଣ୍ଟିଲେଟର ଲଗାଯାଇଥିଲା। ଡା. ଶଙ୍କର ରାମଚନ୍ଦାନୀଙ୍କ ମା’ ଲାଜବନ୍ତୀ ରାମଚନ୍ଦାନୀଙ୍କ ସ୍ମୃତିରେ ୨୦୨୧ ମସିହା ଫେବୃଆରୀ ୧୨ ତାରିଖରେ ଏହି ଟଙ୍କିକିଆ କ୍ଲିନିକ୍‌ର ଶୁଭାରମ୍ଭ ହୋଇଥିଲା। ପ୍ରଥମେ ଏକ ଟଙ୍କାରେ ଚିକିତ୍ସା ସେବା ଦିଆଯାଉଥିବାବେଳେ ପରବର୍ତ୍ତୀ ସମୟରେ ଏକ ଟଙ୍କାରେ ଔଷଧ, ଇସିଜି, ନେବୁଲାଇଜର, ସ୍ପାଇରୋମେଟ୍ରି ଓ ଦାନ୍ତ ଚିକିତ୍ସା ଭଳି ବିଭିନ୍ନ ସେବା ଯୋଡ଼ାଯାଇଥିଲା। କ୍ଲିନିକ୍ ପକ୍ଷରୁ ଦିଆଯାଇଥିବା ସୂଚନା ଅନୁସାରେ, ଏପର୍ଯ୍ୟନ୍ତ ପ୍ରାୟ ୧.୫୬ ଲକ୍ଷ ରୋଗୀ ଏହି ସେବାରୁ ଉପକୃତ ହୋଇଛନ୍ତି। ନୂଆ କରି ଆରମ୍ଭ ହୋଇଥିବା ବାଇପାପ ସେବା ଶ୍ୱାସଜନିତ ସମସ୍ୟାରେ ପୀଡ଼ିତ ଗରିବ ରୋଗୀଙ୍କ ପାଇଁ ଏକ ବଡ଼ ସହାୟତା ହେବ ବୋଲି କୁହାଯାଇଛି। ଗୁରୁଦିବସକୁ ଧ୍ୟାନରେ ରଖି ଏହି ସେବାର ଶୁଭାରମ୍ଭ କରାଯାଇଥିଲା। ଏହି ଅବସରରେ ଡା. ରାମଚନ୍ଦାନୀ କହିଥିଲେ ଯେ, ଜଣେ ଡାକ୍ତର ରୋଗୀଙ୍କଠାରୁ ମଧ୍ୟ ଅନେକ କିଛି ଶିକ୍ଷା ଅର୍ଜନ କରିଥାନ୍ତି। ଏହି କାର୍ଯ୍ୟକ୍ରମରେ ଡା. ରାମଚନ୍ଦାନୀଙ୍କ ପତ୍ନୀ ଡା. ଶିଖା ରାମଚନ୍ଦାନୀଙ୍କ ସମେତ ବଡ଼ ଭଉଣୀ ସୁଜାତା ମସନ୍ଦ, ବରିଷ୍ଠ ସାମ୍ବାଦିକ ପ୍ରିୟରଞ୍ଜନ ସାହୁ, ସମାଜସେବୀ ଆଲୋକ ଗିରି, କରୁଣା ପଟେଲ, ଅଟଳ ଦୋରା ଓ ଶୁଭଶ୍ରୀ ମେହେର ପ୍ରମୁଖ ଉପସ୍ଥିତ ଥିଲେ। ଏହି ଅବସରରେ ଶୁଭଶ୍ରୀ ମେହେର ତାଙ୍କ ସ୍ୱର୍ଗତ ପିତା ହରିଶ୍ଚନ୍ଦ୍ର ମେହେରଙ୍କ ସ୍ମୃତିରେ ଭେଣ୍ଟିଲେଟର ସେବା ପାଇଁ ଆର୍ଥିକ ସହାୟତା ପ୍ରଦାନ କରିଥିଲେ। ଗରିବ ଲୋକଙ୍କ ପାଇଁ ଏଭଳି ନିଃସ୍ୱାର୍ଥ ସେବା ଚିକିତ୍ସା କ୍ଷେତ୍ରରେ ମାନବିକତାର ଏକ ଉଦାହରଣ ସୃଷ୍ଟି କରିଛି।

Bargarh, Bargarh (Baragarh) | Sep 6, 2026

MORE NEWS