🎙️ વલસાડમાં ગમખ્વાર અકસ્માતમાં 11 વર્ષના માસૂમ બાળકનું કરુણ મોત થયું છે. મળતી માહિતી મુજબ, વલસાડના શેઠિયાનગર કૈલાસ રોડથી ગુંદલાવ તરફ જતા માર્ગ પર ગુજરાતી પ્રાથમિક શાળા સામે ચાર રસ્તા નજીક આ અકસ્માત સર્જાયો હતો. કમલેશકુમાર પ્રજાપતિ પોતાના 11 વર્ષીય પુત્ર વૈભવને બાઇક પર પાછળ બેસાડી ઘરે જઈ રહ્યા હતા. દરમિયાન પાછળથી આવતા GJ-15-AT-8044 નંબરના ભારતબેન્ઝ ટ્રકે બાઇકને ટક્કર મારી હતી. ટક્કરના પગલે બાઇક સ્લીપ થતાં પિતા-પુત્ર બંને રસ્તા પર પટકાયા હતા. અકસ્માતમાં પિતાને સામાન્ય ઈજાઓ થઈ હતી, જ્યારે વૈભવને માથાના ભાગે ગંભીર ઈજા થતાં તે બેભાન થઈ ગયો હતો. 108 એમ્બ્યુલન્સ મારફતે વૈભવને કસ્તુરબા હોસ્પિટલ ખસેડવામાં આવ્યો હતો, પરંતુ ફરજ પરના તબીબે તેને મૃત જાહેર કર્યો હતો. અકસ્મત બાદ ટ્રક ચાલક ટ્રક સ્થળ પર જ મૂકીને ફરાર થઈ ગયો હોવાનું સામે આવ્યું છે. સમગ્ર મામલે વલસાડ સિટી પોલીસે ગુનો નોંધી ટ્રક ચાલકની શોધખોળ હાથ ધરી છે.

Valsad, Valsad | Sep 8, 2026

MORE NEWS