पेण: महावितरणच्या पेण मंडळाला सरकारी थकबाकीचे ग्रहण
Pen, Raigad | Apr 25, 2026 महावितरणच्या पेण मंडळांतर्गत येणाऱ्या विविध शासकीय यंत्रणा आणि कार्यालयांनी वीजबिलांचा भरणा न केल्याने थकबाकीचे ग्रहणच लागले आहे. 31 मार्च 2026 पर्यंतच्या आकडेवारीनुसार, तब्बल 6,135 सरकारी वीज मिटरचे 110 कोटी 39 लाख 53 हजार 405 रुपयांची विक्रमी थकबाकी असल्याचे समोर आले आहे. यामध्ये ग्रामपंचायतींच्या पथदिव्यांच्या बिलांचा वाटा सर्वाधिक असून, यामुळे महावितरणच्या अर्थचक्रावर मोठा ताण पडत आहे.