धावत्या एसटी बसला भीषण आग; चालकाच्या प्रसंगावधानामुळे सर्व प्रवाशांचे प्राण वाचले! खडवली–पडघा मार्गावरील घटना; बस पूर्णपणे जळून खाक, सुदैवाने जीवितहानी नाही खडवली–पडघा मार्गावर धावणाऱ्या महाराष्ट्र राज्य मार्ग परिवहन महामंडळाच्या (एसटी) बसला अचानक भीषण आग लागल्याने एकच खळबळ उडाली. आग लागली त्यावेळी बसमध्ये अनेक प्रवासी प्रवास करत होते. मात्र चालकाने प्रसंगावधान राखत तात्काळ बस थांबवून इंजिन बंद केले आणि सर्व प्रवाशांना तत्काळ खाली उतरण्याच्या सूचना दिल्या. त्यामुळे सर्व प्रवासी सुखरूप बाहेर पडले.क्षणार्धात आगीने रौद्ररूप धारण केले आणि संपूर्ण बस आगीच्या भक्ष्यस्थानी पडली. ग्रामस्थांनी तत्काळ पाण्याचा पुरवठा करून आग विझविण्याचा प्रयत्न केला, मात्र आगीची तीव्रता इतकी होती की बस पूर्णपणे जळून खाक झाली.घटनेची माहिती मिळताच कल्याण-डोंबिवली महापालिकेच्या टिटवाळा अग्निशमन केंद्राचे जवान घटनास्थळी दाखल झाले. त्यां�