ଆନ୍ତର୍ଜାତୀୟ ହକି ଖେଳାଳି କିରନ ଏକ୍କାଙ୍କ ଘରେ ପହଞ୍ଚିଲା ଆଲୁଅ - ବିଧାୟକ Rohit Joseph Tirkeyଙ୍କ ପ୍ରଚେଷ୍ଟାରେ ବିଦ୍ୟୁତ ସଂଯୋଗ|
ନୂଆଗାଁ ବ୍ଲକ ଅନ୍ତର୍ଗତ ଲିମିଡା ଗ୍ରାମ ପଞ୍ଚାୟତର ଆଦିବାସୀ ଝିଅ କିରନ ଏକ୍କା ଆଜି କ୍ରୀଡା ଜଗତରେ ବିଶ୍ୱ ସ୍ତରରେ ଦେଶ ତଥା ଓଡିଶା ପାଇଁ ସୁନାମ ଆଣିଛନ୍ତି। ଆନ୍ତର୍ଜାତୀୟ ହକି ଖେଳି ବହୁ ସ୍ତରରୁ ଅଭିନନ୍ଦନ ପାଉଥିବା ବେଳେ ଏହା ଅତି ପରିତାପର ବିଷୟ ଥିଲା ଯେ ଏହି ଗର୍ବିତ ଝିଅର ଘରେ ଆଜି ପର୍ଯ୍ୟନ୍ତ ବିଦ୍ୟୁତ ସଂଯୋଗ ନଥିଲା ଏବଂ ପରିବାର ଅନ୍ଧାର ଘରେ ଦିନ କାଟୁଥିଲେ।
ବିଷୟ ଜାଣିବା ପରେ ମାନ୍ୟବର ବୀରମିତ୍ରପୁର ବିଧାୟକ ଶ୍ରୀଯୁକ୍ତ ରୋହିତ ଯୋସେଫ ତୀର୍କୀ ତୁରନ୍ତ ପଦକ୍ଷେପ ନେଇ ଆଜି ତାଙ୍କ ଘରେ ମିଟର ଲଗାଇ ବିଦ୍ୟୁତ ସଂଯୋଗ କରାଇଛନ୍ତି।
ନୂଆଗାଁ ରୁ ବିୟୁର ରିପୋର୍ଟ ଓଡ଼ିଶା ସିଟି ନିୟୁଜ
ବିଧାୟକଙ୍କ ଏହି ମହାନ କାର୍ଯ୍ୟକୁ ବିଭିନ୍ନ ସଂଗଠନ, ବୁଦ୍ଧିଜୀବୀ, କ୍ରୀଡାପ୍ରେମୀ ତଥା ସାଧାରଣ ଜନତା ବହୁତ ପ୍ରଶଂସା କରିଛନ୍ତି। ଏହା କେବଳ ବିଦ୍ୟୁତ ସଂଯୋଗ ନୁହେଁ, ଜଣେ ଆଦିବାସୀ ପ୍ରତିଭାର ସ୍ୱପ୍ନକୁ ଆଲୋକ ଦେବାର ପ୍ରୟାସ।
