दिनांक ११/१०/२०२५ रोजी वरिष्ठ पोलीस निरीक्षक संजय हजारे यांच्या मार्गदर्शनाखाली नायगाव पोलीस ठाणे पथकाने पेट्रोलिंग दरम्यान रात्रीच्या सुमारास सनटेक बिल्डींग समोरुन मौजे टियरी, ता. वसई येथे संशयित दोन इसमांना ताब्यात घेतले. तपासात त्यांच्या ताब्यातून ८.३९० ग्रॅम गर्द (ब्राऊन शुगर) व मोबाईल असा एकूण ₹२,१९,७५०/- किंमतीचा मुद्देमाल जप्त करण्यात आला. सदर अंमली पदार्थ विक्रीसाठी आणण्यात आल्याचे निष्पन्न झाल्या एकूण ४ आरोपींना अटक करण्यात आली असून त्यांच्याविरुद्ध एनडीपीएस कायद्यान्वये गुन्हा दाखल आहे.