ଡିମିରିପାଲି ଦୁର୍ଗାପୂଜାରେ ଆକର୍ଷଣୀୟ 'ରାବଣ ଦରବାର' : ଯୋଗଦେଲେ ପୂର୍ବତନ ବିଧାୟକଙ୍କ ସହ ବହୁ ବିଶିଷ୍ଟ ଅତିଥି, ସଂଗ୍ରାମଙ୍କ ନିଖୁଣ ଅଭିନୟରେ ବିମୋହିତ ଦର୍ଶକ
ଡିମିରିପାଲି / ବୌଦ୍ଧ:
ବୌଦ୍ଧ ଜିଲ୍ଲା ଡିମିରିପାଲି ଗ୍ରାମରେ ଆୟୋଜିତ ସାର୍ବଜନୀନ ଦୁର୍ଗାପୂଜା ଅବସରରେ ଏକ ମନୋଜ୍ଞ ସାଂସ୍କୃତିକ କାର୍ଯ୍ୟକ୍ରମ 'ରାବଣ ଦରବାର' ନାଟକ ଆଡ଼ମ୍ବର ସହକାରେ ଅନୁଷ୍ଠିତ ହୋଇଯାଇଛି।
ଏହି କାର୍ଯ୍ୟକ୍ରମରେ କଣ୍ଟାମାଳର ପୂର୍ବତନ ବିଧାୟକ ଶ୍ରୀଯୁକ୍ତ ମହିଧର ରଣା, ବୌଦ୍ଧ ପୌର ପରିଷଦ ଅଧ୍ୟକ୍ଷ ଶ୍ରୀଯୁକ୍ତ ମୃତ୍ୟୁଞ୍ଜୟ ମିଶ୍ର, ବୌଦ୍ଧ ବ୍ଲକ ଅଧ୍ୟକ୍ଷ ଶ୍ରୀଯୁକ୍ତ ପ୍ରିୟଦର୍ଶୀ ପ୍ରତ୍ୟୁଷ ରଥ, ସ୍ଥାନୀୟ ସରପଞ୍ଚ ଅଇଁଠୁ ମହାଳିକ, ପୂର୍ବତନ ସରପଞ୍ଚ ବାଳମୁକୁନ୍ଦ ମେହେର, ଯୁବନେତା ବାବୁଲା ମଲିକ୍, ଏବଂ ଜିଲ୍ଲା ପରିଷଦ ସଭ୍ୟ ଇଂ. ରାକେଶ ତ୍ରିପାଠୀ ପ୍ରମୁଖ ସମ୍ମାନିତ ଅତିଥି ଭାବେ ଯୋଗଦେଇ ପ୍ରଦୀପ ପ୍ରଜ୍ୱଳନ ପୂର୍ବକ କାର୍ଯ୍ୟକ୍ରମର ଶୁଭାରମ୍ଭ କରିଥିଲେ।
ନାଟକରେ ରାବଣ ଭୂମିକାରେ ଅଭିନେତା ସଂଗ୍ରାମ ଦେହୁରୀଙ୍କ ଜୀବନ୍ତ ଓ ନିଖୁଣ ଅଭିନୟ ସମସ୍ତଙ୍କୁ ମୁଗ୍ଧ କରିଥିଲା। ତାଙ୍କର ସଫଳ ଅଭିନୟ ଶୈଳୀ ବିଳମ୍ବିତ ରାତି ପର୍ଯ୍ୟନ୍ତ ଦର୍ଶକଙ୍କୁ ବାନ୍ଧି ରଖିବାରେ ସଫଳ ହୋଇଥିଲା। ସ୍ଥାନୀୟ ଶ୍ରଦ୍ଧାଳୁ ଓ ଦର୍ଶକଙ୍କ ବହୁସଂଖ୍ୟାରେ ସମାଗମ ହୋଇ ସମ୍ପୂର୍ଣ୍ଣ କାର୍ଯ୍ୟକ୍ରମକୁ ଉପଭୋଗ କରିଥିଲେ।
#Dimiripali #Boudh #DurgaPuja2026 #RavanaDarbar #BoudhNews #CulturalEvent #OdiaNews
