కనిగిరి: పట్టణంలోని డిగ్రీ కళాశాల ఆవరణలో నూతనంగా నిర్మించనున్న మినీ స్టేడియం పనులను పరిశీలించిన ఎమ్మెల్యే ఉగ్ర నరసింహారెడ్డి
కనిగిరి పట్టణంలోని డిగ్రీ కళాశాల ఆవరణలో నూతనంగా నిర్మించనున్న మినీ స్టేడియం పనులను కనిగిరి శాసనసభ్యులు మరియు ఒంగోలు పార్లమెంట్ టిడిపి అధ్యక్షులు డాక్టర్ ఉగ్ర నరసింహారెడ్డి అధికారులతో కలిసి మంగళవారం పరిశీలించారు. ఈ సందర్భంగా మినీ స్టేడియం ఏర్పాటు కోసం కేటాయించిన స్థలం, ఆ స్థలంలో ఏర్పాటు చేయదలచిన మౌలిక సదుపాయాలపై అధికారులతో ఎమ్మెల్యే ఉగ్ర నరసింహరెడ్డి చర్చించారు. ఈ సందర్భంగా ఎమ్మెల్యే మాట్లాడుతూ... మినీ స్టేడియం నిర్మాణం పూర్తయితే విద్యార్థులతో పాటు క్రీడాకారులకు క్రీడల నిర్వహణకు ఎంతో అణువుగా ఉంటుందన్నారు.