દાહોદ જિલ્લાના દેવગઢ બારીઆ તાલુકાના અસાયડી ગામે ઘાટી પર એક મોટરસાઈકલના ચાલકે મોટરસાઈકલ પુરઝડપે હંકારી લાવતાં મોટરસાઈકલ સ્લીપ ખાઈ જતાં મોટરસાઈકલના ચાલકનું શરીરે ગંભીર ઈજાઓને પગલે મોત નીપજ્યાંનું જાણવા મળે છે. રાજસ્થાનના બાંસવાડા જિલ્લામાં સજ્જનગઢ તાલુકામાં ઉસલીપાડા વિસ્તારમાં રહેતાં ૬૬ વર્ષિય કશનાભાઈ મડીયાભાઈ કટારા ગત તારીખ ૦૪ ઓગષ્ટના રોજ મોટરસાઈકલ લઈ દાહોદ જિલ્લાના દેવગઢ બારીઆના અસાયડી ગામે ઘાંટીમાં હાઈવે રોડ પરથી પસાર થઈ રહ્યાં હતાં ત્યારે મોટરસાઈકલ પુરઝડપે અને ગફલત ભરી રીતે હંકારી લઈ આવતાં અચાનક સ્ટેરીંગ પરનો કાબુ ગુમાવી દેતાં મોટરસાઈકલ સ્લીપ ખાઈ ગઈ હતી અને કશનાભાઈ કટારા મોટરસાઈકલ પરથી ફંગોળાઈ જમીન પર પટકાતાં તેઓને શરીરે, હાથે પગે તેમજ માથાના ભાગે ગંભીર જીવલેણ ઈજાઓ પહોંચતાં તેમનું મોત નીપજ્યું હતું. આ સંબંધે જવાનસિંહ કશનાભાઈ કટારાએ પીપલોદ પોલીસ મથકે ફરિયાદ નોંધાંવતાં પોલીસે ગુનો નોંધી આગળની કાયદેસરની કાર્