દાહોદ અને ગરબાડા ડિવિઝન પોલીસે નશાબંધીના કડક અમલ હેઠળ મોટી કાર્યવાહી કરી છે. વિવિધ પ્રોહિબિશન ગુનાઓમાં જપ્ત કરાયેલા ₹2.05 કરોડથી વધુની કિંમતના 1.37 લાખ બોટલ વિદેશી દારૂનો નાશ કરવામાં આવ્યો હતો. ગુજરાત સરકારની નશાબંધી નીતિના ભાગરૂપે આ સંયુક્ત કાર્યવાહી હાથ ધરવામાં આવી હતી. પકડાયેલા ભારતીય બનાવટના વિદેશી દારૂ અને બિયરના જથ્થા પર જેસીબી અને રોલર ફેરવીને તેનો સંપૂર્ણ નાશ કરાયો હતો. આ કામગીરી પંચમહાલ રેન્જના નાયબ પોલીસ મહાનિરીક્ષક શ્રીમતી વિધિ ચૌધરી અને દાહોદ પોલીસ અધિક્ષક શ્રી રવિરાજસિંહ જાડેજાના માર્ગદર્શન હેઠળ થઈ હતી. નામદાર કોર્ટમાંથી કાયદેસરની મંજૂરી મેળવી, નિયુક્ત કમિટીના અધ્યક્ષ, સભ્યો અને સચિવોની હાજરીમાં આ પ્રક્રિયા પૂર્ણ કરાઈ. દાહોદ અને ગરબાડા સબ-ડિવિઝન હેઠળના કુલ છ પોલીસ સ્ટેશનો દ્વારા જપ્ત કરાયેલો દારૂનો જથ્થો નાશ કરાયો હતો. આમાં દાહોદ 'એ' ડિવિઝન, દાહોદ 'બી' ડિવિઝન, દાહોદ રૂરલ, કતવારા, ગરબાડા અને જેસવાડા પોલીસ સ્ટેશનો�