ਪਟਿਆਲਾ: ਪਿੰਡ ਪਿੱਪਲ ਮੰਗੋਲੀ 'ਚ ਬਜ਼ੁਰਗ ਔਰਤ ਨੂੰ ਲੜਾਈ ਦੌਰਾਨ ਮਾਰੇ ਧੱਕੇ 'ਚ ਉਸਦੀ ਹੋਈ ਮੌਤ, ਪੁਲਿਸ ਵੱਲੋਂ 2 ਵਿਅਕਤੀਆਂ ਖਿਲਾਫ ਕੀਤਾ ਗਿਆ ਮਾਮਲਾ ਦਰਜ
ਪਿੰਡ ਪਿੱਪਲ ਮੰਗੋਲੀ 'ਚ ਬਜ਼ੁਰਗ ਔਰਤ ਨੂੰ ਲੜਾਈ ਦੌਰਾਨ ਮਾਰੇ ਧੱਕੇ 'ਚ ਉਸ ਦੀ ਮੌਤ ਹੋਣ ਦਾ ਮਾਮਲਾ ਸਾਹਮਣੇ ਆਇਆ ਹੈ। ਸੁਖਵਿੰਦਰ ਸਿੰਘ ਨੇ ਸ਼ਿਕਾਇਤ ਦਿੱਤੀ ਸੀ ਕਿ ਕੱਲ੍ਹ ਉਸਦੀ ਮਾਤਾ ਜਰਨੈਲ ਕੌਰ ਨੇ ਜਦੋਂ ਗੁਆਂਢੀਆਂ ਨੂੰ ਨਾਲੀ ਦਾ ਬੰਨ੍ਹਾਂ ਖੋਲਣ ਤੋਂ ਰੋਕਿਆ ਤਾਂ ਉਨ੍ਹਾਂ ਉਸਨੂੰ ਧੱਕਾ ਮਾਰ ਦਿੱਤਾ। ਇਸ ਮਗਰੋਂ ਜਦੋੰ ਮਹਿਲਾ ਨੂੰ ਹਸਪਤਾਲ ਲਿਆਂਦਾ ਗਿਆ ਤਾਂ ਡਾਕਟਰਾਂ ਨੇ ਉਸ ਨੂੰ ਮ੍ਰਿਤਕ ਐਲਾਨ ਦਿੱਤਾ। ਥਾਣਾ ਘਨੌਰ 'ਚ ਗੁਰਪ੍ਰੀਤ ਅਤੇ ਪਰਵਿੰਦਰ ਸਿੰਘ ਦੇ ਖਿਲਾਫ ਮਾਮਲਾ ਦਰਜ ਕਰਕੇ ਅਗਲੀ ਕਾਰਵਾਈ ਸ਼ੁਰੂ ਕਰ ਦਿੱਤੀ ਹੈ।