👉 ୧୪ତମ ଟିହିଲି ଉତ୍ସବ ପୂର୍ବରୁ ଫଟାମୁଣ୍ଡା ଗାଁରେ ସଫେଇ ଅଭିଯାନ 👉 ଆମ୍ବେଦକର ଯୁବକ ସଂଘର ଉଦ୍ୟମକୁ ଗ୍ରାମବାସୀଙ୍କ ପ୍ରଶଂସା ପଦ୍ମପୁର: ବରଗଡ଼ ଜିଲ୍ଲା ପଦ୍ମପୁର ବ୍ଲକ ଅନ୍ତର୍ଗତ ବରିକେଲ ଗ୍ରାମ ପଞ୍ଚାୟତର ଫଟାମୁଣ୍ଡା ଗାଁରେ ଆମ୍ବେଦକର ଯୁବକ ସଂଘ ପକ୍ଷରୁ ୧୪ତମ ଟିହିଲି ଉତ୍ସବ-୨୦୨୬ ପୂର୍ବରୁ ଗାଁ ସଫେଇ କାର୍ଯ୍ୟକ୍ରମ ଆୟୋଜିତ ହୋଇଛି। ଯୁବକ ସଂଘର ସଭାପତି ଗୋବନ୍ଧୁ ଶିକାଙ୍କ ନେତୃତ୍ୱରେ ଗାଁର ବିଭିନ୍ନ ପଡ଼ା ଓ ନଳକୂପଗୁଡ଼ିକୁ ସଫା କରାଯାଇଥିଲା। ଫଟାମୁଣ୍ଡା ଗାଁର ଦୁଇଟି ୱାର୍ଡରେ ସଫେଇ କାର୍ଯ୍ୟକ୍ରମ କରାଯାଇ ଗାଁର ପରିବେଶକୁ ସ୍ୱଚ୍ଛ ଓ ସୁନ୍ଦର ରଖିବା ଉପରେ ଗୁରୁତ୍ୱ ଦିଆଯାଇଥିଲା। ଗାଁକୁ ସବୁବେଳେ ସଫାସୁତୁରା ରଖିବା ସହ ଏକ ସୁସ୍ଥ ଓ ସୁନ୍ଦର ପରିବେଶ ଗଠନ କରିବା ଯୁବକ ସଂଘର ମୁଖ୍ୟ ଲକ୍ଷ୍ୟ ରହିଛି। ଉଲ୍ଲେଖଯୋଗ୍ୟ ଯେ, ପ୍ରତିବର୍ଷ ଟିହିଲି ଉତ୍ସବ ପୂର୍ବରୁ ଆମ୍ବେଦକର ଯୁବକ ସଂଘ ପକ୍ଷରୁ ଏଭଳି ସଫେଇ ଅଭିଯାନ ହାତକୁ ନିଆଯାଉଛି। ଦୈନନ୍ଦିନ ବ୍ୟସ୍ତତା ମଧ୍ୟରେ ଗାଁର ସ୍ୱଚ୍ଛତା ବଜାୟ ରଖିବା ପାଇଁ ଯୁବକମାନଙ୍କ ଏହି ସାମୂହିକ ଉଦ୍ୟମ ଏକ ଉଦାହରଣ ସୃଷ୍ଟି କରିଛି। ସଂଘର ଏହି ମହତ୍‌ କାର୍ଯ୍ୟକୁ ଗ୍ରାମବାସୀ ଓ ବୁଦ୍ଧିଜୀବୀମାନେ ବେଶ୍ ପ୍ରଶଂସା କରିଛନ୍ତି। ଏହି ସଫେଇ ଅଭିଯାନରେ ରାଜେଶ, ରଜନୀ, ଶଶୀ, ସନ୍ତୋଷ, ରମେଶ, ହିମାଞ୍ଚଳ, ବଣ୍ଟି, ନିମାଇ, ରାଜୁ, ପ୍ରଶାନ୍ତ, ଭକ୍ତ, ରଞ୍ଜନ, ସୁମନ, ଶେଖର, ଅମନ, ପୁନିତ, ଶିବା, ରାଜା ଓ ରୀତିକଙ୍କ ସମେତ ସଂଘର ଅନ୍ୟ ସଦସ୍ୟମାନେ ସହଯୋଗ କରିଥିଲେ।

Bargarh, Bargarh (Baragarh) | Oct 19, 2026

MORE NEWS