મહારાષ્ટ્રના રાજકારણમાં અચાનક એક એવી ઘટના બની કે જેના કારણે રાજકીય વર્તુળોમાં ચર્ચાઓનો માહોલ ગરમાયો છે. વર્ષોથી એકબીજાના કટ્ટર રાજકીય હરીફ ગણાતા મુખ્યમંત્રી દેવેન્દ્ર ફડણવીસ અને શિવસેના (UBT)ના પ્રમુખ ઉદ્ધવ ઠાકરે મુંબઈથી નાગપુર જતી એક જ ફ્લાઇટમાં સાથે મુસાફરી કરતા જોવા મળ્યા. ફ્લાઇટ દરમિયાન બંને નેતાઓએ એકબીજાનું ઉષ્માભર્યું અભિવાદન કર્યું અને હાથ મિલાવ્યો, જેના ફોટા સોશિયલ મીડિયા પર વાયરલ થતાં જ અનેક પ્રકારની અટકળોએ જોર પકડ્યું. ઉદ્ધવ ઠાકરે સાથે તેમના પુત્ર આદિત્ય ઠાકરે પણ હાજર હતા, જ્યારે સંજય રાઉત ફડણવીસની પાછળની સીટ પર બેઠેલા જોવા મળ્યા હતા. જોકે, બંને પક્ષના નેતાઓએ આ મુલાકાતને માત્ર સૌજન્યપૂર્ણ સંયોગ ગણાવીને રાજકીય અર્થઘટન ન કરવાની અપીલ કરી છે. તેમ છતાં, આ એક તસવીરે મહારાષ્ટ્રના રાજકારણમાં નવા સમીકરણોની ચર્ચાને ફરી એકવાર વેગ આપ્યો છે. #MaharashtraPolitics #DevendraFadnavis #UddhavThackeray #AadityaThackeray #PoliticalNews #IndiaNews #HumDekhengeNews