લીમખેડામાં શિક્ષિકાના ATM કાર્ડ બદલી ₹50,000ની છેતરપિંડી : અજાણ્યા શખ્સે મદદના બહાને પિન જાણી કાર્ડ બદલી નાણાં ઉપાડયા, પોલીસ તપાસ શરૂ બેંક ઓફ બરોડાના એટીએમમાં રોકડ ન હોવાથી તેઓ બાજુમાં આવેલા એકસીસ બેન્કના એટીએમમાં ગયા હતા. ત્યાં એકસીસ બેન્કના એટીએમના કેબિનમાં હાજર એક અજાણ્યા ઈસમે મદદ કરવાના બહાને કોમલબેનનું એટીએમ કાર્ડ મશીનમાં નાખી પિન નંબર જાણી લીધો હતો. જોકે તે મશીનમાં પણ નાણાં ન હોવાથી કોમલબેન કાર્ડ પાછું મેળવીને બહાર નીકળી રહ્યા હતા. આ દરમિયાન પાછળ ઉભેલા ભેજાબાજ શખ્સે અત્યંત ચાલાકીથી કોમલબેનને વાતોમાં ભોળવીને તેમના હાથમાંથી કાર્ડ લઈ લીધું હતું અને તેમને અન્ય એક નકલી કાર્ડ પકડાવી દીધું હતું. ત્યારબાદ આરોપી ત્વરિત ઘટના સ્થળેથી ફરાર થઈ ગયો હતો. થોડી જ વારમાં કોમલબેનના મોબાઈલ પર તેમના ખાતામાંથી નાણાં ઉપડતા હોવાના મેસેજ આવવા લાગ્યા હતા. સૌ પ્રથમ રૂપિયા 25,000, બીજી વખત રૂપિયા 10,000, ત્રીજી વખત રૂપિયા 10,000 અને અંતે રૂપિયા 5,000 મળીને કુલ 50,000 ર�