112 જનરક્ષકની સરાહનીય કામગીરી. નશામાં ધૂત કારચાલકોએ નેશનલ હાઈવે પર મચાવ્યો હોબાળો વલસાડમાં નશામાં ધૂત બે કારચાલકોએ નેશનલ હાઈવે પર હોબાળો મચાવ્યાની ઘટના સામે આવી છે. મુંબઈથી સુરત તરફ જઈ રહેલા એક પરિવારની કારને રાજસ્થાન પાર્સિંગની કારમાં સવાર ઈસમોએ સાઈડ આપવા બાબતે ગાળો આપી અભદ્ર ચેનચાળા કર્યા હોવાનો કોલ 112 જનરક્ષક ટીમને મળ્યો હતો. કોલ મળતાની સાથે જ વલસાડ સિટી પોલીસની 112 જનરક્ષક ટીમ તાત્કાલિક નેશનલ હાઈવે પર પહોંચી હતી અને રાજસ્થાન પાર્સિંગની કારને અટકાવી તેમાં સવાર બંને ઈસમોની તપાસ કરી હતી. તપાસ દરમિયાન બંને ઈસમો દારૂના નશામાં હોવાનું સામે આવ્યું હતું. એટલું જ નહીં, કારમાંથી બીયરના કેન પણ મળી આવ્યા હતા. પોલીસની કાર્યવાહી દરમિયાન બંને ઈસમોએ નશાની હાલતમાં નેશનલ હાઈવે પર જ હોબાળો મચાવ્યો હતો. જેના કારણે રાહદારીઓ અને આસપાસના લોકો પણ એકત્ર થઈ ગયા હતા. બંને ઈસમો નશામાં હોવાથી સ્થાનિક લોકોએ પણ તેમને પોલીસ સાથે જવા માટે સમજાવ્યા હતા. �