बालाजी नगर SRA प्रकल्प कामगारांच्या घरांच्या प्रश्नासाठी बांधकाम कामगार श्रमिक सेना सरसावली; लवकरच कामगार मेळाव्याचे आयोजन.
बालाजीनगर परिसरातील झोपडपट्टी पुनर्वसन (एसआरए) प्रकल्पाच्या संदर्भात कामगारांचे हक्क आणि घरांचे प्रश्न मार्गी लावण्यासाठी बांधकाम कामगार श्रमिक सेनेच्या वतीने लवकरच एका विशेष मेळाव्याचे आयोजन करण्यात येणार आहे, अशी माहिती संघटनेचे संस्थापक अध्यक्ष दीपक म्हेत्रे व संघटनेचे सचिव कांचन वाघमारे यांनी दिली.
बालाजीनगर हा कामगार वस्तीचा परिसर असून, येथील कामगारांच्या घरांचे विविध प्रश्न प्रलंबित आहेत. कामगारांच्या घरांसंदर्भातील सर्व अडचणी व समस्या जो बिल्डर सोडवण्यास तयार असेल, त्यालाच एसआरए संमतीचे फॉर्म भरून देण्यात यावेत, अशी भूमिका संघटनेने घेतली आहे. या पार्श्वभूमीवर परिसरातील सर्व कामगारांना एकत्र आणून त्यांच्याशी संवाद साधण्यासाठी हा मेळावा आयोजित केला जाणार असून, या मेळाव्याची निश्�
