नागपूर शहर: अंबाझरी तलाव जलपर्णीमुक्त; केंद्रीय मंत्री नितीन गडकरी व महापौर यांच्या हस्ते नौकाविहाराचा आनंद
नागपूर महानगरपालिकेच्या माध्यमातून सुरू असलेल्या अथक प्रयत्नांमुळे नागपूरकरांचे वैभव असलेला अंबाझरी तलाव आता पूर्णतः जलपर्णीमुक्त झाला आहे. या यशाचे प्रतीक म्हणून केंद्रीय मंत्री नितीन गडकरी आणि महापौर निता ठाकरे यांनी जलपूजन करून तलावात नौकाविहारचा आनंद घेतला. अग्निशमन विभागाच्या बोटीतून झालेल्या या नौकाविहार प्रसंगी विविध मान्यवर, नगरसेवक व मनपा अधिकारी उपस्थित होते.
