অহা ৪ ডিচেম্বৰত মুক্তি লাভ কৰিবলৈ ওলাইছে আইৰা ম'শ্যন পিকচাৰ্চ ৰ বেনাৰত নিৰ্মিত নতুন পূৰ্ণদৈৰ্ঘ্যৰ অসমীয়া চলচ্চিত্ৰ "আদিশক্তি"। মুক্তিৰ দিন চমু চাপি অহাৰ লগে লগে ছবিখনে দৰ্শকৰ মাজত এক বিশেষ চৰ্চা আৰু উৎকণ্ঠা সৃষ্টি কৰিছে। ছবিখনক লৈ বৰ্তমান ৰাজ্যজুৰি চলি আছে ভিন্ন প্ৰচাৰমূলক কাৰ্যসূচী। ইয়াৰে অংশস্বৰূপে, শেহতীয়াকৈ যোৰহাট সংগীত মহোৎসৱত এক গাম্ভীৰ্যপূৰ্ণ অনুষ্ঠানৰ মাজত উন্মোচন কৰা হয় ছবিখনৰ আকৰ্ষণীয় ট্ৰেইলৰটো। অনুষ্ঠানটিত উপস্থিত দৰ্শকসকলে ট্ৰেইলৰটো উপভোগ কৰি ছবিখনৰ নিৰ্মাণ শৈলী, কলা-কুশলীসকলৰ অভিনৱ প্ৰচেষ্টা আৰু সামগ্রিক ৰূপক মুক্তকণ্ঠে প্ৰশংসা কৰে। মুঠতে, মুক্তিৰ পূৰ্বেই বিতোপন কাশ্যপৰ পৰিচালিত "আদিশক্তি"য়ে সমগ্ৰ অসমীয়া চলচ্চিত্ৰপ্ৰেমীৰ মাজত এক সুন্দৰ ইতিবাচক বাৰ্তা কঢ়িয়াই আনিবলৈ সক্ষম হৈছে। আনহাতে আইৰা ম'শ্যন পিকচাৰ্চ ৰ অফিচিয়েল ৱেবচাইট ত ট্ৰেইলৰ টো মুকলি কৰি দিয়া হৈছে। ট্ৰেইলৰ উপভোগ কৰি আপোনাৰ অনুভব ব্যক্ত কৰিবলৈ নাপাহৰিব কিন্ত্ত।

Assam, India | Nov 15, 2026

MORE NEWS