વલસાડના ઓવાડા ગામે એસએમસીની સૌથી મોટી રેડ: ટ્રકમાંથી ₹49.87 લાખનો વિદેશી દારૂ ઝડપાયો, કુલ મુદ્દામાલ ₹59.98 લાખ: વલસાડ જિલ્લામાં સ્ટેટ મોનિટરિંગ સેલ (SMC) ની ટીમે દારૂબંધીના કાયદા હેઠળ અત્યાર સુધીની સૌથી મોટી અને કડક કાર્યવાહી હાથ ધરી છે. તારીખ 22-23 જૂન 2026 દરમિયાન એસએમસીની ટીમે વલસાડના ઓવાડા ગામે આવેલા હિન્દુસ્તાન પેટ્રોલ પંપ પાસે, જાહેર માર્ગ પર વોચ ગોઠવીને વિદેશી દારૂનો એક વિશાળ જથ્થો ઝડપી પાડ્યો છે. પોલીસે બાતમીના આધારે ત્યાંથી પસાર થતી એક ટાટા ટ્રક (નંબર: MH 48 AY 4919) ને આંતરીને તેની તલાશી લેતાં તેમાંથી ગેરકાયદેસર રીતે લઈ જવાતો ભારતીય બનાવટના વિદેશી દારૂ અને બિયરની કુલ 20423 નંગ બોટલો તથા ટીનનો મોટો જથ્થો મળી આવ્યો હતો. પોલીસે ટ્રકમાંથી જપ્ત કરેલા આ દારૂના જથ્થાની અંદાજિત કિંમત 49,87,746 રૂપિયા જેટલી થાય છે. આ સાથે પોલીસે દારૂના પરિવહન માટે ઉપયોગમાં લેવાયેલી ટ્રક, એક મોબાઈલ ફોન અને રોકડ રકમ મળીને કુલ 59,98,876 રૂપિયાનો મુદ્દામાલ કબજે કર્યો છે. આ મામલે એસએમસ�