जागतिक सायकल दिनानिमित्त गडचिरोली पोलीस दलाची भव्य सायकल रॅली जागतिक सायकल दिनाच्या निमित्ताने गडचिरोली पोलीस दलाच्या वतीने आज सायकल रॅलीचे आयोजन करण्यात आले. आरोग्यदायी जीवनशैलीचा प्रसार आणि पर्यावरण संवर्धनाचा संदेश जनतेपर्यंत पोहोचविण्याच्या उद्देशाने आयोजित करण्यात आलेल्या या रॅलीमध्ये 150 हून अधिक पोलीस अधिकारी-अंमलदार, ज्येष्ठ नागरिक तसेच शालेय विद्यार्थ्यांनी उत्स्फूर्त सहभाग नोंदविला. पोलीस कवायत मैदान ते इंदिरा गांधी चौक या मार्गावर आयोजित करण्यात आलेल्या रॅलीमध्ये पोलीस अधीक्षक श्री. एम. रमेश, मुख्य कार्यकारी अधिकारी जि.प. गडचिरोली श्री. सुहास गाडे यांच्यासह वरिष्ठ अधिकारी सहभागी झाले. रॅलीनंतर शहीद पांडू आलाम सभागृह येथे समारोप कार्यक्रम पार पडला. यावेळी मार्गदर्शन करताना पोलीस अधीक्षक श्री. एम. रमेश यांनी नागरिकांना सायकलचा अधिकाधिक वापर करण्याचे आवाहन केले. नियमित सायकल चालविल्यामुळे शारीरिक तंदुरुस्ती, मानसिक आरोग्य आणि पर्यावरण संवर्धनाला चालना मिळते, असे त्यांनी सांगितले. “एक दिवस सायकलसाठी… निरोगी आयुष्यभरासाठी!” #WorldBicycleDay #GadchiroliPolice #CyclingForHealth #GoGreen #HealthyLifestyle FitIndia EnvironmentProtection CommunityPolicing Gadchiroli WorldBicycleDay2026 @cmomaharashtra_ @dgpmaharashtra @mramesh_ips