വീട് കയറി സ്ത്രീകളെ ആക്രമിച്ച വ്യത്യസ്ത കേസുകളിൽ അഞ്ചുപേർ റിമാൻഡിൽ കുത്തിയതോട്:-വീടുകയറി സ്ത്രീകൾക്കെതിരെ ആക്രമണം നടത്തിയ രണ്ട് കേസുകളിലായി 5 പ്രതികൾ റിമാൻഡിലായി,തുറവൂർ പഞ്ചായത്ത് 17 ആം വാർഡിൽ ജീസ് ജോസഫ് ( 30), ജിതിൻ സ്റ്റീഫൻ (30), ജിതിൻ ജോൺ (31), സാൻഡൽ സജി (25) എന്നിവർ ഒന്നാമത്തെ കേസിലും കുറുവ ഷൈജു എന്ന് വിളിക്കുന്ന ഷൈജു അന്ധകാരനഴി(50) എന്നയാൾ രണ്ടാമത്തെ കേസിലും ആണ് റിമാൻഡിലായത് .ഞായറാഴ്ച തുറവൂർ പഞ്ചായത്ത് പതിനേഴാം വാർഡിൽ സ്ഥിതിചെയ്യുന്ന പാട്ടം പള്ളിയിൽ പഴയ വികാരികൾ വീണ്ടും പ്രവേശിച്ചത് അവിടെ വിശ്വാസികൾക്കിടയിൽ ഒരു സംഘർഷാവസ്ഥ ഉണ്ടാക്കിയിരുന്നു. ഇതിനെ തുടർന്നുണ്ടായ തർക്കങ്ങളാണ് വീടുകയറി ആക്രമണത്തിന് കാരണമെന്ന് പോലീസ് അറിയിച്ചു.സംഭവത്തിന്റെ ഗൌരവം കണക്കിലെടുത്ത് ജില്ലാ പോലീസ് മേധാവി വിഷ്ണു പ്രദീപ് ഐ പി എസ് അവർകളുടെ നിർദ്ദേശപ്രകാരം ചേർത്തല ഡിവൈഎസ്പി മഞ്ജുലാൽ രൂപീകരിച്ച പ്രത്യേക അന്വേഷണസംഘമാണ് പ്രതികളെ ഉടൻ തന്നെ പിടികൂടിയത്.അന്വേഷണ സംഘത്തിൽ കുത്തിയതോട് സർക്കിൾ ഇൻസ്പെക്ടർ ജിജിൻ ജോസഫ്, എസ് ഐമാരായ രാജീവ് പി ആർ ,സന്തോഷ് ,ജോസ് സി ദേവസ്യ, എ എസ് ഐ സാജു ജോസഫ്, പോലീസ് ഉദ്യോഗസ്ഥരായ ശ്യാംജിത്ത്, അമൽ, വിനോയ് എന്നിവർ അന്വേഷണ സംഘത്തിൽ ഉണ്ടായിരുന്നു.

Ambalappuzha, Alappuzha | Nov 4, 2026

MORE NEWS