👉 ନୁଆଁଖାଇରେ ଅସହାୟଙ୍କ ପାଖରେ ଯୁବତାରକା ସଂଘ ଏକାକୀ ଓ ନିରୀହଙ୍କୁ ବଢ଼ାଇଲେ ସାହାଯ୍ୟର ହାତ ପଦ୍ମପୁର: ପଶ୍ଚିମ ଓଡ଼ିଶାର ଗଣପର୍ବ ବଡ଼ଖା ତିହାର ନୁଆଁଖାଇ ଅବସରରେ ମାନବିକତାର ଏକ ନିଆରା ଉଦାହରଣ ସୃଷ୍ଟି କରିଛି ବରଗଡ଼ ଜିଲ୍ଲା ପଦ୍ମପୁର ବ୍ଲକ ଦହିଗାଁ ପଞ୍ଚାୟତ ଅନ୍ତର୍ଗତ ବ୍ରାହ୍ମଣଡିହି ଗ୍ରାମର ଯୁବତାରକା ସାଂସ୍କୃତିକ ଓ ଲୋକବଳ ସଂଘ। ନୁଆଁଖାଇ ଭଳି ଭାଇଚାରା, ମିଳାମିଶା ଓ ସମ୍ପର୍କର ପର୍ବରେ ଗ୍ରାମରେ ଏକାକୀ ଜୀବନ ବିତାଉଥିବା ଏବଂ ନିରୀହ, ଅସହାୟ ବ୍ୟକ୍ତିମାନଙ୍କୁ ସଂଘ ପକ୍ଷରୁ ଏକ ଛୋଟିଆ ସାହାଯ୍ୟର ହାତ ବଢ଼ାଯାଇଥିଲା। ସଂଘର ସଦସ୍ୟମାନେ ଅସହାୟ ବ୍ୟକ୍ତିମାନଙ୍କ ନିକଟରେ ପହଞ୍ଚି ସେମାନଙ୍କ ସହ ନୁଆଁଖାଇର ଖୁସି ବାଣ୍ଟିବା ସହ ସହଯୋଗ ପ୍ରଦାନ କରିଥିଲେ। ନୁଆଁଖାଇ କେବଳ ନୂଆ ଧାନ ଖାଇବାର ପରମ୍ପରା ନୁହେଁ, ବରଂ ଏହା ପରସ୍ପର ମଧ୍ୟରେ ଭାଇଚାରା, ସ୍ନେହ, ସହଯୋଗ ଓ ମାନବିକତାର ବାର୍ତ୍ତା ବହନ କରେ। ଏହି ପବିତ୍ର ପର୍ବରେ ଅସହାୟଙ୍କ ମୁହଁରେ ହସ ଫୁଟାଇବା ପାଇଁ ସଂଘର ଏଭଳି ପ୍ରୟାସକୁ ଗ୍ରାମବାସୀ ପ୍ରଶଂସା କରିଛନ୍ତି। ନିଜେ ଖୁସି ହେବା ସହ ଅନ୍ୟର ମୁହଁରେ ହସ ଫୁଟାଇବା ହିଁ ନୁଆଁଖାଇର ପ୍ରକୃତ ଆନନ୍ଦ ଏହି ମାନବିକ ଭାବନାକୁନେଇ ଯୁବତାରକା ସାଂସ୍କୃତିକ ଲୋକବଳ ସଂଘର ଏହି ପଦକ୍ଷେପ ସମାଜ ପାଇଁ ଏକ ସୁନ୍ଦର ବାର୍ତା ଦେଇଛି ।

Bargarh, Bargarh (Baragarh) | Sep 18, 2026

MORE NEWS