तारफैल खून प्रकरणाचा १२ तासांत उलगडा; स्थानिक गुन्हे शाखेची धडक कारवाई, एक आरोपी अटकेत... अकोल्यातील तारफैल परिसरात कौटुंबिक वादातून झालेल्या तरुणाच्या खुनाच्या प्रकरणात स्थानिक गुन्हे शाखेला मोठे यश मिळाले आहे. १४ जूनच्या रात्री अंकीत नंदागवळी याला वाद मिटवण्याच्या बहाण्याने बोलावून धारदार शस्त्राने हल्ला करत त्याची हत्या करण्यात आली होती. घटनेची माहिती मिळताच पोलिसांनी तत्काळ तपासाची चक्रे फिरवली. अकोला शहरासह रेल्वे स्टेशन, बसस्थानक, शेगाव परिसर आणि विविध ठिकाणी रात्रभर शोधमोहीम राबविण्यात आली. अवघ्या १२ तासांत पोलिसांनी निलेश उर्फ दद्दू विजय बोरकर (वय २६, रा. तारफैल) याला ताब्यात घेतले आहे. या प्रकरणातील इतर फरार आरोपींचा शोध सुरू असून त्यांनाही लवकरच अटक करण्यात येईल, अशी माहिती पोलिसांनी दिली आहे. स्थानिक गुन्हे शाखेच्या या जलद कारवाईचे सर्वत्र कौतुक होत आहे. व्हिडिओ 🎥 : महाव्हाईस न्यूज डेस्क #Akola #CrimeNews #MurderCase #PoliceAction #MaharashtraNews #LocalCrimeBranch #AkolaPolice #LatestNews #LawAndOrder