वडार समाजाच्या हक्कांसाठी शिक्षण, आरोग्य, व रोजगार इतर विकासासाठी एकजुटीने पुढे जाण्याचा निर्धार
पिंपरी दि. 30 ऑगस्ट - 'मी वडार, महाराष्ट्राचा संघटना' आयोजित राज्यस्तरीय 'वडार समाज संकल्प मेळावा' क्वालिटी सर्कल फोरम, गणेश नगर शेजारी, टेल्को रोड, एम.आय.डी.सी. येथे उत्साहात पार पडला. याप्रसंगी प्रसारमाध्यमांशी संवाद साधताना संघटनेचे प्रमुख नेते विजयदादा चौगुले यांनी वडार समाजाच्या हक्कांसाठी आणि सर्वांगीण विकासासाठी अखंड लढा देण्याचा ठाम निर्धार व्यक्त केला.
मेळाव्याचे अध्यक्षस्थान मी वडार महाराष्ट्राचा संघटना पिंपरी-चिंचवड शहराध्यक्ष पिंटू जाधव यांनी भूषविले. यावेळी पिंपरी-चिंचवड शहराचे महापौर रवी लांडगे, माजी महापौर हनुमंतराव भोसले, माजी विरोधी पक्षनेते व नगरसेवक मा. राहुल भोसले, सतीश भोसले, अमित भोसले यांच्यासह समाजातील विविध पदाधिकारी, कार्यकर्ते, युवक, ज्येष्ठ नागरिक आणि समाजबांधव मोठ्या संख्येने उपस्थित होते.
Video Credit - Yunus khatib
#vadarsam
Pune City, Pune | Aug 31, 2026 
