#ଦୁଷ୍କର୍ମକାରୀ_ଙ୍କୁ_୧୨_ବର୍ଷ_କାରାଦଣ୍ଡାଦେଶ_ପାଇଁ_ନିର୍ଦ୍ଦେଶ ୧୭ ବର୍ଷୀୟ ନାବାଳିକା ଛାତ୍ରୀକୁ ଦୁଷ୍କର୍ମ ଘଟଣାର ରାୟ ପ୍ରକାଶ । ଦୁଷ୍କର୍ମ ଘଟଣାରେ ଅଭିଯୁକ୍ତଙ୍କୁ ୧୨ବର୍ଷ କାରାଦଣ୍ଡାଦେଶ ଶୁଣାଇଲେ ଯାଜପୁର ର ସ୍ବତନ୍ତ୍ର ପୋକ୍ସୋ କୋର୍ଟ । ଅଭିଯୁକ୍ତ ହେଲେ ବ୍ୟାସନଗର ପୌରାଞ୍ଚଳ ସାପଗାଡ଼ିଆ ଗାଁର କାଳନ୍ଦୀ ମୁଖୀଙ୍କ ପୁଅ କିରଣ ମୁଖୀ । ୨୦୨୫ ମସିହା ଯାଜପୁର ରୋଡ଼ ଥାନା ଅଞ୍ଚଳର ୧୭ ବର୍ଷୀୟ ନାବାଳିକା ଝିଅ ରାତିରେ ପରିଶ୍ରା କରିବାକୁ ଘର ବାହାରକୁ ଆସିଥିବା ସମୟରେ ଦୁଷ୍କର୍ମ କରିଥିଲେ ଅଭିଯୁକ୍ତ । ଏ ନେଇ ପିଡିତାଙ୍କ ପରିବାର ବର୍ଗଙ୍କ ପକ୍ଷରୁ ଯାଜପୁର ରୋଡ଼ ଥାନାରେ ଲିଖିତ ଅଭିଯୋଗ କରାଯାଇଥିଲା। ଅଭିଯୋଗ କୁ ଭିତ୍ତି କରି ଦୁଷ୍କର୍ମକାରୀ କିରଣ ଙ୍କୁ ପୋଲିସ ପୋକ୍ସୋ ଧାରା ୪ ଓ ବିଏନଏସ ୧୩୭ (୨ )ଅନୁଯାୟୀ ଗିରଫ କରି କୋର୍ଟ ଚାଲାଣ କରିଥିଲେ । ଆଜି ଏହି ମାମଲା ର ଶୁଣାଣି କରିଛନ୍ତି ସ୍ବତନ୍ତ୍ର ପୋକ୍ସୋ ଅଦାଲତ । ୧୭ ଜଣଙ୍କ ସାକ୍ଷ ପ୍ରମାଣକୁ ଆଧାର କରି ଅଭିଯୁକ୍ତ ଙ୍କୁ ୧୨ ବର୍ଷ କାରାଦଣ୍ଡାଦେଶ ସହ ୬୦ ହଜାର ଟଙ୍କା ଜରିମାନା ଶୁଣାଇଛନ୍ତି । ଏଥି ସହିତ ଅନାଦୟ ୧୫ ମାସ ଅଧିକ କାରାଦଣ୍ଡାଦେଶ ସହ ପିଡିତା ଙ୍କୁ ୮ ଲକ୍ଷ ଟଙ୍କାର କ୍ଷତିପୂରଣ ପ୍ରଦାନ କରିବାକୁ ମଧ୍ୟ ଆଇନ ସେବା ପ୍ରାଧିକରଣକୁ ନିର୍ଦ୍ଦେଶ ଦେଇଛନ୍ତି ଅତିରିକ୍ତ ଜିଲ୍ଲା ଓ ଦୌରା ଜଜ ତଥା ସ୍ବତନ୍ତ୍ର ପୋକ୍ସୋ ବିଚାରପତି ଅଭିଳାସ ସେନାପତି । ଏହି ମାମଲା କୁ ସରକାରୀ ଓକିଲ ପ୍ରତାପ କୁମାର ରାୟ ପରିଚାଳନା କରିଛନ୍ତି। #lntvnetwork #JajpurNews #jajpurkhabar #Aeiodisha