#ଯାଜପୁରରେ_ଭକ୍ତି_ଭାବ_ମନରେ_ରଥ_ଟାଣିଲେ_ଶହସ୍ରାଧିକ_ଭକ୍ତ ଯାଜପୁରରେ ଗୁଣ୍ଡିଚାବାସୀ ଦିନ ରଥଯାତ୍ରାର ପରମ୍ପରା ରହିଛି । ଯାଜପୁର ଦଶାଶ୍ଵମେଧ ଘାଟ ନିକଟସ୍ଥ ସର୍ବ ପୁରାତନ ଜଗନ୍ନାଥ ମନ୍ଦୀର ପକ୍ଷରୁ ପ୍ରତିବର୍ଷ ପୁରୀ ରଥଯାତ୍ରାକୁ ସମ୍ମାନ ଜଣାଇ ଶ୍ରୀ ଗୁଣ୍ଡିଚା ପରଦିନ ରଥ ଟଣାହେବାର ପରମ୍ପରା ରହିଛି । ଏଥିପାଇଁ ବଡ ଧୁମଧାମରେ ରଥଟଣା କାର୍ଯ୍ୟ ସଂପନ୍ନ ହୋଇଛି । ୩ ରଥରେ ଚତୁର୍ଦ୍ଧା ମୂର୍ତି ବିରାଜମାନ ହେବା ପରେ ମାଉସୀ ମା’ ମନ୍ଦିର ଅଭିମୁଖେ ଭକ୍ତମାନେ ରଥକୁ ଟାଣି ଟାଣି ନେଇଥିଲେ । ଶହ ଶହ ଭକ୍ତଙ୍କ ଘଂଟଘଣ୍ଟା ହୁଳୁହୁଳି ଧ୍ୱନୀରେ ପ୍ରକମ୍ପିତ ହୋଇଥିଲା ସମଗ୍ର ଅଂଚଳ । ଗତ ୫ବର୍ଷ ହେଲା ସୁଭଦ୍ରା ରଥକୁ କେବଳ ମହିଳା ମାନେ ବେଶ ଉତ୍ସାହିତ ସହ ଓଡିଶୀ ଏବଂ ଘଂଟ ର ତାଳେ ତାଳେ ଟାଣିଥିବା ଦେଖାଦେଇଛି । ଏହାକୁ ନେଇ ସ୍ଥାନୀୟ ଅଞ୍ଚଳରର ଆଧ୍ୟାତ୍ମିକ ପରିବେଶ ସୃଷ୍ଟି ହୋଇଥିଲା । ଟ୍ରଷ୍ଟବୋର୍ଡ଼ର ଅଧ୍ୟକ୍ଷ ତଥା ଯାଜପୁର ତହସିଲଦାର ରବି ନାରାୟଣ ପାଢୀ ଙ୍କ ସମେତ ‌ଯାଜପୁର ପୌରପାଳିକାର ଅଧକ୍ଷ୍ୟା ରଞ୍ଜୁଲତା ହୋତା, ଉପାଧକ୍ଷ ସନ୍ତୋଷ କୁମାର ମଲିକ, ଯାଜପୁର ଥାନା ଅଧିକାରୀ ଶରତ ଚନ୍ଦ୍ର ନାୟକ ପ୍ରମୁଖ ଉପସ୍ଥିତ ରହିଥିଲେ । ସଦାବ୍ରତ ମଠ ମହନ୍ତ ପ୍ରଶାନ୍ତ କୁମାର ଦାଶଙ୍କ ଉପସ୍ଥିତିରେ ମନ୍ଦିର ପୂଜକମାନେ ରଥରୁ ଶ୍ରୀ ଜୀଉଙ୍କୁ ପହଣ୍ଡି ବିଜେ କରି ମାଉସୀ ମା’ ମନ୍ଦିରକୁ ଆଣିଥିଲେ । ଶାନ୍ତି ଶ୍ରୁଙ୍ଖଳା ସହ ରଥ ଯାତ୍ରା ଅନୁଷ୍ଠିତ କରିବାକୁ ବ୍ୟାପକ ପୋଲିସ ସହ ସ୍ଵାସ୍ଥ୍ୟ ବିଭାଗ ଓ ଅଗ୍ନିଶମ ବାହିନୀ ନିଯୋଜିତ ହୋଇଥିଲେ। #ରଥଯାତ୍ରା #JajpurNews #jajpurkhabar #lntvnetwork #Aeiodisha