👉 ଏକ ଟଙ୍କିଆ ଡାକ୍ତର ଶଙ୍କର ରାମଚନ୍ଦାନୀଙ୍କ ଆଉ ଏକ ମହତ କାମ

ଜାଆଁଳା ଝିଅଙ୍କ ଜନ୍ମଦିନରେ ନିଆରା ପଦକ୍ଷେପ; ୮ କ୍ୟାନ୍ସର ରୋଗୀଙ୍କୁ ୫୦ ହଜାର ଟଙ୍କା ସହାୟତା
ବୁର୍ଲା: ଜନ୍ମଦିନ ପାଳନ ପାଇଁ ରେଷ୍ଟୁରାଣ୍ଟରେ ଖର୍ଚ୍ଚ କରିବା ପରିବର୍ତ୍ତେ ଅସହାୟ ରୋଗୀଙ୍କ ସହାୟତାରେ ସେହି ଅର୍ଥ ଖର୍ଚ୍ଚ କରି ମାନବିକତାର ଏକ ନିଆରା ଉଦାହରଣ ସୃଷ୍ଟି କରିଛନ୍ତି ‘ଏକ ଟଙ୍କିଆ ଡାକ୍ତର’ ଭାବେ ପରିଚିତ ଡାକ୍ତର ଶଙ୍କର ରାମଚନ୍ଦାନୀ।
ଡାକ୍ତର ରାମଚନ୍ଦାନୀଙ୍କ ଜାଆଁଳା ଝିଅ ରିଦ୍ଧି ଓ ରୀୟାଂଶିଙ୍କ ଜନ୍ମଦିନ ଅବସରରେ ରେଷ୍ଟୁରାଣ୍ଟରେ ଆଡମ୍ବରପୂର୍ଣ୍ଣ ଭାବେ ଜନ୍ମଦିନ ପାଳନ ନକରି କ୍ୟାନ୍ସର ରୋଗୀଙ୍କ ଗହଣରେ ଏହି ଦିନଟି ପାଳନ କରାଯାଇଛି। ଜନ୍ମଦିନରେ ଖର୍ଚ୍ଚ ହେବାକୁ ଥିବା ଅର୍ଥରୁ ୮ ଜଣ କ୍ୟାନ୍ସର ରୋଗୀଙ୍କୁ ମୋଟ ୫୦ ହଜାର ଟଙ୍କାର ଆର୍ଥିକ ସହାୟତା ପ୍ରଦାନ କରାଯାଇଛି।
ଏହି ସହାୟତା ପାଇଥିବା ରୋଗୀଙ୍କ ମଧ୍ୟରେ ବୁର୍ଲା VIMSARରେ ଚିକିତ୍ସାଧୀନ ୬ ଜଣ କ୍ୟାନ୍ସର ରୋଗୀ, ଆଚାର୍ଯ୍ୟ ହରିହର କ୍ୟାନ୍ସର ହସ୍ପିଟାଲରେ ଚିକିତ୍ସାଧୀନ ଜଣେ ରୋଗୀ ଏବଂ ମହାରାଷ୍ଟ୍ରର ଗୋଣ୍ଡିଆ ଅଞ୍ଚଳର ଜଣେ ରୋଗୀ ରହିଛନ୍ତି।
ଡାକ୍ତର ରାମଚନ୍ଦାନୀଙ୍କ ପରିବାର ପକ୍ଷରୁ ଜନ୍ମଦିନକୁ ନିରାଡମ୍ବର ଭାବେ ପାଳନ କରି ଅସହାୟଙ୍କ ସହାୟତା କରିବା ନୂଆ କଥା ନୁହେଁ। ପ୍ରତିବର୍ଷ ନିଜ ଜନ୍ମଦିନ, ପତ୍ନୀଙ୍କ ଜନ୍ମଦିନ କିମ୍ବା ଛୁଆମାନଙ୍କ ଜନ୍ମଦିନ ଅବସରରେ କେତେବେଳେ କ୍ୟାନ୍ସର ପୀଡ଼ିତଙ୍କୁ ଏବଂ କେତେବେଳେ HIV ସଂକ୍ରମିତ ବାପା-ମାଆଙ୍କୁ ହରାଇଥିବା ଅସହାୟ ଶିଶୁଙ୍କୁ ଆର୍ଥିକ ସହାୟତା ପ୍ରଦାନ କରାଯାଇଥାଏ।
ଜନ୍ମଦିନର ଖୁସିକୁ ନିଜ ଭିତରେ ସୀମିତ ନରଖି ଅସହାୟଙ୍କ ମୁହଁରେ ହସ ଫୁଟାଇବାର ଏହି ପ୍ରୟାସ ନିଶ୍ଚିତ ଭାବେ ଏକ ଅନନ୍ୟ ମାନବିକ ପଦକ୍ଷେପ।

👉 ଏକ ଟଙ୍କିଆ ଡାକ୍ତର ଶଙ୍କର ରାମଚନ୍ଦାନୀଙ୍କ ଆଉ ଏକ ମହତ କାମ ଜାଆଁଳା ଝିଅଙ୍କ ଜନ୍ମଦିନରେ ନିଆରା ପଦକ୍ଷେପ; ୮ କ୍ୟାନ୍ସର ରୋଗୀଙ୍କୁ ୫୦ ହଜାର ଟଙ୍କା ସହାୟତା ବୁର୍ଲା: ଜନ୍ମଦିନ ପାଳନ ପାଇଁ ରେଷ୍ଟୁରାଣ୍ଟରେ ଖର୍ଚ୍ଚ କରିବା ପରିବର୍ତ୍ତେ ଅସହାୟ ରୋଗୀଙ୍କ ସହାୟତାରେ ସେହି ଅର୍ଥ ଖର୍ଚ୍ଚ କରି ମାନବିକତାର ଏକ ନିଆରା ଉଦାହରଣ ସୃଷ୍ଟି କରିଛନ୍ତି ‘ଏକ ଟଙ୍କିଆ ଡାକ୍ତର’ ଭାବେ ପରିଚିତ ଡାକ୍ତର ଶଙ୍କର ରାମଚନ୍ଦାନୀ। ଡାକ୍ତର ରାମଚନ୍ଦାନୀଙ୍କ ଜାଆଁଳା ଝିଅ ରିଦ୍ଧି ଓ ରୀୟାଂଶିଙ୍କ ଜନ୍ମଦିନ ଅବସରରେ ରେଷ୍ଟୁରାଣ୍ଟରେ ଆଡମ୍ବରପୂର୍ଣ୍ଣ ଭାବେ ଜନ୍ମଦିନ ପାଳନ ନକରି କ୍ୟାନ୍ସର ରୋଗୀଙ୍କ ଗହଣରେ ଏହି ଦିନଟି ପାଳନ କରାଯାଇଛି। ଜନ୍ମଦିନରେ ଖର୍ଚ୍ଚ ହେବାକୁ ଥିବା ଅର୍ଥରୁ ୮ ଜଣ କ୍ୟାନ୍ସର ରୋଗୀଙ୍କୁ ମୋଟ ୫୦ ହଜାର ଟଙ୍କାର ଆର୍ଥିକ ସହାୟତା ପ୍ରଦାନ କରାଯାଇଛି। ଏହି ସହାୟତା ପାଇଥିବା ରୋଗୀଙ୍କ ମଧ୍ୟରେ ବୁର୍ଲା VIMSARରେ ଚିକିତ୍ସାଧୀନ ୬ ଜଣ କ୍ୟାନ୍ସର ରୋଗୀ, ଆଚାର୍ଯ୍ୟ ହରିହର କ୍ୟାନ୍ସର ହସ୍ପିଟାଲରେ ଚିକିତ୍ସାଧୀନ ଜଣେ ରୋଗୀ ଏବଂ ମହାରାଷ୍ଟ୍ରର ଗୋଣ୍ଡିଆ ଅଞ୍ଚଳର ଜଣେ ରୋଗୀ ରହିଛନ୍ତି। ଡାକ୍ତର ରାମଚନ୍ଦାନୀଙ୍କ ପରିବାର ପକ୍ଷରୁ ଜନ୍ମଦିନକୁ ନିରାଡମ୍ବର ଭାବେ ପାଳନ କରି ଅସହାୟଙ୍କ ସହାୟତା କରିବା ନୂଆ କଥା ନୁହେଁ। ପ୍ରତିବର୍ଷ ନିଜ ଜନ୍ମଦିନ, ପତ୍ନୀଙ୍କ ଜନ୍ମଦିନ କିମ୍ବା ଛୁଆମାନଙ୍କ ଜନ୍ମଦିନ ଅବସରରେ କେତେବେଳେ କ୍ୟାନ୍ସର ପୀଡ଼ିତଙ୍କୁ ଏବଂ କେତେବେଳେ HIV ସଂକ୍ରମିତ ବାପା-ମାଆଙ୍କୁ ହରାଇଥିବା ଅସହାୟ ଶିଶୁଙ୍କୁ ଆର୍ଥିକ ସହାୟତା ପ୍ରଦାନ କରାଯାଇଥାଏ। ଜନ୍ମଦିନର ଖୁସିକୁ ନିଜ ଭିତରେ ସୀମିତ ନରଖି ଅସହାୟଙ୍କ ମୁହଁରେ ହସ ଫୁଟାଇବାର ଏହି ପ୍ରୟାସ ନିଶ୍ଚିତ ଭାବେ ଏକ ଅନନ୍ୟ ମାନବିକ ପଦକ୍ଷେପ।

Bargarh, Bargarh (Baragarh) | Oct 2, 2026

MORE NEWS