ବାମରାରେ ଅକାଳ ମୃତ୍ୟୁରୁ ନିସ୍ତାର କାମନାରେ ପଞ୍ଚକୁଣ୍ଡୀୟ ଗାୟତ୍ରୀ ମହାଯଜ୍ଞ ବାମରା ଅଞ୍ଚଳରେ ବଢ଼ୁଥିବା ଅକାଳ ମୃତ୍ୟୁ ଘଟଣାରୁ ନିସ୍ତାର କାମନାରେ ସୋମବାର ଅଖିଳ ଭାରତୀୟ ଗାୟତ୍ରୀ ପରିବାର, ବାମରା ଶାଖା ପକ୍ଷରୁ ବାମରା ରେଳ ଷ୍ଟେସନ କାଳୀ ମଣ୍ଡପ ପରିସରରେ ପଞ୍ଚକୁଣ୍ଡୀୟ ବିଶ୍ୱ ଶାନ୍ତି ଗାୟତ୍ରୀ ମହାଯଜ୍ଞ ଓ ଦୀପଦାନ ଉତ୍ସବ ଅନୁଷ୍ଠିତ ହୋଇଥିଲା। ସକାରାତ୍ମକ ଊର୍ଜା, ପରିବେଶ ସଂରକ୍ଷଣ ଓ ସମାଜ କଲ୍ୟାଣ ଉଦ୍ଦେଶ୍ୟରେ ଆୟୋଜିତ ଏହି ମହାଯଜ୍ଞକୁ ସମ୍ବଲପୁର ଗାୟତ୍ରୀ ପରିବାରର ସଦସ୍ୟମାନେ ପରିଚାଳନା କରିଥିଲେ। ସନ୍ଧ୍ୟାରେ ଦୀପଦାନ ଉତ୍ସବ ଅନୁଷ୍ଠିତ ହୋଇଥିବା ବେଳେ ବାମରା ଓ ଆଖପାଖ ଅଞ୍ଚଳରୁ ବହୁ ସଂଖ୍ୟାରେ ଶ୍ରଦ୍ଧାଳୁ ଯୋଗଦେଇ ବିଶ୍ୱ ଶାନ୍ତି ଓ ସମାଜର ମଙ୍ଗଳ କାମନା କରିଥିଲେ। କାର୍ଯ୍ୟକ୍ରମ ଶେଷରେ ଅନ୍ନଭୋଗ ବିତରଣ କରାଯାଇଥିଲା।