ଚିତ୍ରକୋଣ୍ଡା ବ୍ଲକର ସ୍ୱାଭିମାନ ଅଞ୍ଚଳକୁ ଏକ ସରକାରୀ ଗସ୍ତ ସମୟରେ ବଡ଼ ଦୁର୍ଘଟଣାରୁ ଅଳ୍ପକେ ବର୍ତ୍ତି ଯାଇଛନ୍ତି ମାନ୍ୟବର ବିଧାୟକ ଶ୍ରୀ ମଙ୍ଗୁ ଖିଲ। ସୂଚନା ଅନୁଯାୟୀ, ବିଧାୟକ ସ୍ୱାଭିମାନ ଅଞ୍ଚଳ ଗସ୍ତରେ ଥିବା ବେଳେ ହଠାତ୍ ପ୍ରବଳ କାଳବୈଶାଖୀ ଝଡ଼-ତୋଫାନ ଆରମ୍ଭ ହୋଇଯାଇଥିଲା। ଏହି କାରଣରୁ ଚିତ୍ରକୋଣ୍ଡା ଘାଟିର ବାଲଭ-ହାଉସ୍ ଛକ ନିକଟରେ ଏକ ବିରାଟ ଗଛ ବିଧାୟକଙ୍କ ଗାଡ଼ି ଉପରେ ଉପୁଡ଼ି ପଡ଼ିଥିଲା, ଯାହା ଫଳରେ ଗାଡ଼ିଟି ସେଠାରେ ଦୁର୍ଘଟଣାଗ୍ରସ୍ତ ହୋଇଛି। ଘଟଣା ସମ୍ପର୍କରେ ଖବର ପାଇ ଓର୍କେଲ ଥାନା ପୋଲିସ ତୁରନ୍ତ ଘଟଣାସ୍ଥଳରେ ପହଞ୍ଚି ବିଧାୟକଙ୍କ ଗାଡ଼ିକୁ ସୁରକ୍ଷିତ ଭାବେ ବାହାର କରିବା ପାଇଁ ଉଦ୍ଧାର କାର୍ଯ୍ୟ ଜାରି ରଖିଛି। ଗଛ ପଡ଼ିବା କାରଣରୁ ବର୍ତ୍ତମାନ ସୁଦ୍ଧା ବିଧାୟକ ସେହି ବାଲଭ-ହାଉସ୍ ଘାଟି ରାସ୍ତା ମଧ୍ୟରେ ଅଟକି ରହିଥିବା ବେଳେ ପୋଲିସ କଟର ସାହାଯ୍ୟରେ ରାସ୍ତା ସଫା କରି ଯାତାୟାତ ସ୍ୱାଭାବିକ କରିବାକୁ ଜୋରଦାର ପ୍ରୟାସ ଚଳାଇଛି। ​ #Malkangiri #Chitrakonda #SwabhimanAnchal #ManguKhila #AccidentNews #Kalabaisakhi #OrkelPolice #ValveHouseGhati #MalkangiriNews #DailyMalkangiri