વડોદરામાં ડ્રગ્સ માફિયા પર પાણીગેટ પોલીસનો સપાટો: રાજારાણી તળાવ પાસેથી 502 ગ્રામ ગાંજા સાથે 'લાલાબાંદર' ઝડપાયો! વડોદરા શહેરને નશાના દૂષણથી મુક્ત કરવા અને યુવાધનને ડ્રગ્સની ચુંગાલમાંથી બચાવવાના ઉદ્દેશ્ય સાથે પોલીસ દ્વારા કડક કાર્યવાહી કરવામાં આવી રહી છે. આ અભિયાન અંતર્ગત પાણીગેટ પોલીસ સ્ટેશનની ટીમને બાતમી મળી હતી કે રાજારાણી તળાવની પાળ પર રહેતો આફતાબ ઉર્ફે લાલાબાંદર મોહમ્મદ રફીક મલેક ગાંજાનો સંગ્રહ કરી તેનું છૂટક વેચાણ કરી રહ્યો છે. પોલીસે ત્વરિત કાર્યવાહી કરીને રેઇડ કરી હતી, જેમાં 502 ગ્રામ ગાંજો, મોબાઈલ ફોન અને રોકડ રકમ મળી કુલ 36,500 રૂપિયાનો મુદ્દામાલ જપ્ત કર્યો હતો. પોલીસે આરોપી આફતાબ મલેકની ધરપકડ કરી છે, જ્યારે આ કૌભાંડમાં સંડોવાયેલા હાલોલના અન્ય એક આરોપી 'દાનિશ'ને પકડવા માટે તપાસ હાથ ધરી છે. #factfindernews #ndps #panigatepolice #arrested #vadodara