#ବନ୍ଧଡିହ_ସରକାରୀ_ଉଚ୍ଚ_ବିଦ୍ୟାଳୟ_୨୦୦୬_ବ୍ୟାଚର_ଗୁରୁ_ପୂଜନ_କାର୍ଯ୍ୟକ୍ରମ ଯାଜପୁର ଜିଲ୍ଲା ରସୁଲପୁର ବ୍ଲକ ବ୍ରମଃବରଦା ସ୍ଥିତ ବନ୍ଧଡିହ ସରକାରୀ ଉଚ୍ଚ ବିଦ୍ୟାଳୟର ୨୦୦୬ ମ୍ୟାଟ୍ରିକ ବ୍ୟାଚ ଛାତ୍ର–ଛାତ୍ରୀଙ୍କ ପକ୍ଷରୁ ଗୁରୁପୂଜନ କାର୍ଯ୍ୟକ୍ରମ ବିଦ୍ୟାଳୟ ପରିସରରେ ଅନୁଷ୍ଠିତ ହୋଇଯାଇଛି। ପୁରାତନ ଛାତ୍ର ବିରଞ୍ଚି ନାରାୟଣ ପାଢ଼ୀଙ୍କ ସଭାପତିତ୍ୱରେ ଅନୁଷ୍ଠିତ କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବେ ପୂର୍ବତନ ପ୍ରଧାନଶିକ୍ଷକ ଯଶୋବନ୍ତ ଲେଙ୍କା ଯୋଗ ଦେଇ କାର୍ଯ୍ୟକ୍ରମକୁ ଉଦ୍ଘାଟନ କରିଥିଲେ। ଉତ୍କଳ କେଶରୀ ନାୟକଙ୍କ ନେତୃତ୍ବରେ ବର୍ତ୍ତମାନର ପ୍ରଧାନ ଶିକ୍ଷୟତ୍ରୀ ସ୍ୱର୍ଣ୍ଣମୟୀ ଆଚାର୍ଯ୍ୟଙ୍କ ମଞ୍ଚ ପରିଚାଳନାରେ ଆୟୋଜିତ ସଭାରେ ଅବସରପ୍ରାପ୍ତ ପ୍ରଧାନ ଶିକ୍ଷକ ରାଜୀବ ବେହେରା, ଶିକ୍ଷକ ଭାସ୍କର ପଣ୍ଡା, ରବିନ୍ଦ୍ର ଦାସ, ଇନ୍ଦ୍ରମଣି ନାୟକ, ଶରତ ବେହେରା, ସୀତାନାଥ ସାମଲ, ଦୟାନିଧି ଶତପଥୀ ପ୍ରମୁଖ ଶିକ୍ଷକ ମାନେ ଅତିଥି ଭାବେ ଯୋଗ ଦେଇ ଗୁରୁଶିଷ୍ୟର ସମ୍ପର୍କ ଏକ ଶ୍ରେଷ୍ଠ ସମ୍ପର୍କ ବୋଲି ମତବ୍ୟକ୍ତ କରିଥିଲେ। ଦୀର୍ଘ ୨୦ ବର୍ଷ ପରେ ଗୁରୁ–ଶିଷ୍ୟଙ୍କ ଏହି ପୁନର୍ମିଳନ ଫଳରେ ଏକ ଆବେଗମୟ ପରିବେଷ ସୃଷ୍ଠୀ ହୋଇଥିଲା। ଏହି ଅବସର ରେ ପୁରାତନ ଛାତ୍ର ଛାତ୍ରିଙ୍କ ପକ୍ଷରୁ ଉପସ୍ଥିତ ଗୁରୁମାନଙ୍କୁ ପୁଷ୍ପଗୁଚ୍ଛ, ଉତ୍ତରୀୟ ଓ ଉପଢୌକନ ପ୍ରଦାନ ପୂର୍ବକ ସମ୍ମାନିତ କରିବା ସହ ଗୁରୁପୂଜନ କରାଯାଇଥିଲା। ଏହି ଅବସରରେ ଶିକ୍ଷକ ଓ ପୁରାତନ ଛାତ୍ର–ଛାତ୍ରୀମାନେ ନିଜ ନିଜ ଅନୁଭୂତି ବାଣ୍ଟିବା ସହିତ ପୁରୁଣା ଦିନର ସ୍ମୃତିକୁ ସାଉଁଟି ଥିଲେ । ପରେ ଅନୁଷ୍ଠିତ ବନ୍ଧୁମିଳନ କାର୍ଯ୍ୟକ୍ରମରେ ସଂଗ୍ରାମ ସାହୁ, କାଶୀନାଥ ବେହେରା ପ୍ରମୁଖ ନିଜ ନିଜ ପରିବାର ସହ ଯୋଗଦେଇ ଏହି ମୁହୂର୍ତକୁ ଖୁସି ଓ ଆନନ୍ଦରେ ଉପଭୋଗ କରିଥିଲେ। #lntvnetwork #JajpurNews #jajpurkhabar #Aeiodisha