बसमध्ये जागा पकडण्याची घाई ठरली जीवघेणी; धावत्या बसखाली सापडून प्रवाशाचा मृत्यू... . . अंबाजोगाई (बीड): एसटी बसमध्ये आधी जागा मिळवण्याच्या आणि सीट पकडण्याच्या घाईत एका प्रवाशाला आपला जीव गमवावा लागल्याची अत्यंत वेदनादायक घटना अंबाजोगाई बस स्थानकात घडली आहे. दुपारी भरदिवसा घडलेल्या या अपघातामुळे संपूर्ण परिसरात प्रचंड खळबळ उडाली आहे. मिळालेल्या माहितीनुसार, बस स्थानकात फलाटावर (प्लॅटफॉर्मवर) येत असलेल्या एका धावत्या बसमध्ये आधी चढण्यासाठी आणि जागा पकडण्यासाठी हा प्रवासी गाडीसोबत धावत होता. मात्र, याच घाईगडबडीत अचानक त्याचा तोल गेला आणि तो थेट बसच्या मागच्या चाकाखाली आला. चाकाखाली चिरडल्याने तो गंभीर जखमी झाला होता. उपस्थित नागरिकांनी आणि एसटी प्रशासनाने त्याला तातडीने स्वामी रामानंद तीर्थ (स्वाराती) ग्रामीण शासकीय रुग्णालयात दाखल केले, परंतु डॉक्टरांनी त्याला मृत घोषित केले. या घटनेने प्रवाशांच्या सुरक्षेचा प्रश्न पुन्हा एकदा ऐरणीवर आला असून, प्रवाशांनी धावत्या बसमध्ये चढण्याचा किंवा उतरण्याचा जीवघेणा प्रयत्न करू नये, असे आवाहन प्रशासनाने केले आहे. . . . #Ambajogai #AmbajogaiNews #STBusAccident #BeedNews #MSRTC #BusStandAccident #AccidentNews #MaharashtraNews #AlertNews #SocialAwareness #STBus #अंबाजोगाई #बीड #एसटीबस #अपघात #मराठीबातम्या