शासनाच्या संचमान्यता निकष व समायोजन वेळापत्रकाविरोधात मराठवाडा शिक्षक संघाने बुधवार दि. 18 फेब्रुवारी 2026 रोजी दुपारी 2 वाजता विभागीय उपसंचालक कार्यालय, भडकल गेट येथे जोरदार आंदोलन करत समायोजन वेळापत्रकाची प्रत्यक्ष होळी केली. परीक्षा काळात समायोजन प्रक्रिया राबविण्याचा निर्णय तात्काळ मागे घ्यावा, अशी प्रमुख मागणी संघटनेने केली. मराठवाडा शिक्षक संघाचे जिल्हा सचिव भाई चंद्रकांत चव्हाण यांच्या मार्गदर्शनाखाली हे आंदोलन पार पडले. यावेळी केंद्रीय कार्यकारिणीचे पदाधिकारी उपस्थित होते.